Songen The Miracle
| The Miracle Singel av Queen frå albumet The Miracle | ||
| B-side | ||
|---|---|---|
| Språk | engelsk | |
| Utgjeve | 27. november 1989 | |
| Innspelt | 1988 – 1989 | |
| Sjanger | rock | |
| Lengd | 5:02 | |
| Selskap | Parlophone, Capitol | |
| Komponist | John Deacon | |
| Tekstforfattar | Freddie Mercury, John Deacon | |
| Låtskrivar(ar) | Queen | |
| Produsent | Queen and David Richards | |
| Queen-kronologi | ||
| «Scandal»
(1989) |
The Miracle | «Innuendo»
(1991)
|
«The Miracle» er ein song av Queen frå 1989 på albumet med same namn. Han vart gjeven ut som den femte singelen frå albumet og vart skriven av heile bandet, med Freddie Mercury og John Deacon som dei største bidragsytarane.[1] Songen vart gjeven ut som singel seint i november 1989, seks månader etter albumet.
Omslaget til singelen baserte seg på omslaget til albumet omgjort til eit hologram-aktig bilete. B-sida til singelen var ein konsertversjon av songen «Stone Cold Crazy».
Ideen til songen kom frå Freddie Mercury og John Deacon, som skreiv grunnstrukturen til songen. Alle fire medverka med tekst og musikalske idear, og songen er tilskriven heile bandet, sidan dei vart samde om å gjere dette under innspelinga av heile albumet, uansett kven som var låtskrivar. Både Mercury og May rekna songen som ein av favorittane sine, medan Taylor sa det ikkje var ein av hans favorittar, men respekterte han som «ein særs kompleks song».
Songen skildrar fleire av «Guds skapningar, store og små», som store byggverk som Taj Mahal og Babeltårnet, alle skildra som «miraklar» i songen, men mirakelet som «me alle ventar på» er «fred på jorda og slutt på all krig». Songen referer til kjende personar som Kaptein Cook, Kain og Abel og Jimi Hendrix.
Musikkvideo
[endre | endre wikiteksten]Musikkvideoen til songen inneheld fire unge gutar som ein trur er Paul Howard som Brian May, James Currie som John Deacon, Adam Gladdish som Roger Taylor og den då ukjende Ross McCall som Freddie Mercury. Dei spelar som Queen på scenen. Gjennom videoen spelar McCall fire forskjellige versjonar av Mercury, frå 1970-åra og fram til då. Queen sjølv dukkar opp mot slutten av videoen.
Medverkande
[endre | endre wikiteksten]- Freddie Mercury - solo- og korvokal, piano, synthesiser
- Brian May - elektrisk gitar, korvokal
- Roger Taylor - trommer, korvokal
- John Deacon - bassgitar
Lister
[endre | endre wikiteksten]| Liste (1989) | Plassering | Veker på lista |
|---|---|---|
| Den nederlandske singellista[2] | 16 | 9 |
| Den tyske singellista[3] | 78 | 4 |
| Irish Singles Chart[4] | 23 | 1 |
| UK Singles Chart[5] | 21 | 5 |
Kjelder
[endre | endre wikiteksten]- Denne artikkelen bygger på «The Miracle (song)» frå Wikipedia på engelsk, den 25. juli 2016.
- Wikipedia på engelsk oppgav desse kjeldene:
- ↑ QUEEN + PAUL RODGERS TOUR SPRING 2005 Arkivert 2016-09-18 ved Wayback Machine.. Brianmay.com. Henta 25. juli 2016.
- ↑ http://www.dutchcharts.nl/
- ↑ http://www.musicline.de/
- ↑ http://www.irishcharts.ie/
- ↑ http://www.chartstats.com/