Montaut (Òlt e Garona)

Pels articles omonims, vejatz Montaut.

Vilatge d'Occitània

Montaut
Montaut

La glèisa.

Geografia fisica

Coordenadas

44° 36′ 17″ N, 0° 40′ 17″ E

Superfícia

14,19 km²

Altituds
· Maximala
· Mejana
· Minimala

190 m
150 m
79 m

Geografia politica

Guiana Agenés

França

Lo Naut Agenés Perigòrd (Vilarial abans 2015)

Intercom
244700530

CC de las Bastidas en Naut Agenés Perigòrd

Cònsol

Alain Lacour
(2020-2026)

Geografia umana

Populacion
Populacion totala
(2018)

258 ab.

Evolucion de la populacion

262 ab.

Densitat

16,56 ab./km²

Autras informacions

Còde postal

47210

Còde INSEE

47184

Montaut (en francés tanplan coma en occitan) es una comuna agenesa^[1]situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Perimètre del territòri

Comunas confrontantas de **Montaut**
Ferrançac	Bornèl	Vilarial
Lograta
		Sent Estròpi de Bòrn

Toponimia

La pronononciacion es [muŋ'taw]Las fòrmas ancianas son diaconum Montaldensem, en latin, en 1279, castel de Montaud, en 1283, de Monte Alto, en latin, en 1283, archidiaconus Montaldensis, en latin, en 1291, de Monte Alto, en latin, al sègle XIII, prior de Montaudo, en latin, en 1326, capella de Montaudo, en latin, en 1326, prior de Monte Alto, rector ejusdem, en latin, en 1520. Bénédicte Boyrie-Fénié pensa que lo nom medieval correspond a Montaut lo Joine [muŋ'taw lu 'dzujne], ancian site fortificat installat sus un morre^[2], çò qu'es probablament exagerat (la parròquia èra Montaut lo Vièlh). Montaut es format de l'eretièr del latin mons, montem, « montanha, tuca » e de l'eretièr del latin altus, « naut » ^[3]. Aquò's un nom que correspond sovent a un castèl sus una mòta ^[2]. Tant Montaut lo Joine, adara pauc abitat, coma Montaut lo Vièlh (lo borg) son sus un site de defensa. Quand òm ditz simplament « Montaut », aquò's Montaut lo Vièlh.

Marcilhac

La glèisa Nòstra Dama de Marcilhac, a l'oèst del borg, en realitat una capèla publica, èra coneissuda per los miracles que s'i fasián ^[4], mas sembla que i aja pas mai de capèla.

Marcilhac ven d'un nom latin d'òme, Marcilius o Marcellius, emb lo sufixe -acu(m)^[5]^,^[6] , latinizacion del sufixe gallés -āco(n). Marcilhac èra donc probablament una anciana granda propietat antica qu'aviá per mèstre Marcilius o Marcellius.

Istòria

A l'epòca de la mapa de Cassini (renhe de Loís XVI de França) Montaut lo Joine [mun'taw lu'dzujne] èra una fortalesa, un vilatge important (mas qu'èra pas parròquia) e un caireforc de rotas. Lo camin grand Castilhonés-Montflanquin passava per Bornèl, Montaut lo Joine e Bòrn (adara, comuna de Sent Estròpi de Bòrn). La mapa IGN modèrna mòstra un ensemble de rotas que passavan per Montaut lo Joine, mas qu'avián totas l'inconvenient de montar e davalar, sovent en penda fòrta. Son totas desviadas desempuèi^[7].
De 1793 a 1801, la comuna èra del canton de Bòrn ^[8].