Escassafòrt

Vilatge d'Occitània

Escassafòrt
Escassefort

Lo mercat cobèrt

Geografia fisica

Coordenadas

44° 32′ 57″ N, 0° 14′ 18″ E

Superfícia

13,92 km²

Altituds
· Maximala
· Mejana
· Minimala

141 m
132 m
42 m

Geografia politica

Guiana
Agenés

França

Los Tuquets de Guiana (Sèishas abans 2015)

Intercom
244701363

Vath de Garòna Aglomeracion

Cònsol

Christian Fraissinède
(2014-2020)

Geografia umana

Populacion
Populacion totala
(2018)

610 ab.

Evolucion de la populacion

619 ab.

Densitat

42,67 ab./km²

Autras informacions

Còde postal

47350

Còde INSEE

47088

Escassafòrt^[1] (Escassefort en francés) es una comuna agenesa ^[2] situada dens lo departament d'Òut e Garona e la region de Novèla Aquitània, ancianament d'Aquitània.

Geografia

Toponimia

La prononciacion es [,kasə'fɔr] (la prumèra sillaba a despareishut). Las fòrmas ancianas son : parrochia Sancte Martiane, en latin, en 1130, ecclesia Sancte Martiane Deschasafort en 1142, prioratus de Escassefort en 1197, castrum de Scasafort en 1259, prior des Scasafort en 1326, Capella des Scassafort en 1326, prior Descassefort en 1520, Escassefort (mapa deu sègle XVII)^[3].

Dauzat explica lo nom per escars/escàs, « mesquin, praube » e fòrt, « fortalessa »^[4]. Negre, citat per Bénédicte Boyrie-Fénié, compren lo nom coma escars + conjoncion e + fòrt : « estret mes fòrt ». Astor, tanben citat per B.e Boyrie-Fénié, explica lo nom, après P.H. Billy, per Escassefort (Aude ^[5]) per lo vèrbe escassar, « brigalhar, trencar » (absent deu Tresòr dau Felibritge e deu Palay dens aqueth sens) e l'advèrbe « fòrt »^[3].

Bénédicte Boyrie-Fénié es convencuda per l'ipotèsi de P.H. Billy, mes pensa tanben au vèrbe occitan escaçar, « enartar, elevar sus deus supòrts », au participi passat escaçat, damb l'advèrbi « fòrt »; lo sens seré d'un lòc defensiu, installat solidament. S'agís dens cada cas d'un nom medievau, tipic de l'epòca deus sègles X a XIII^[3].

Istòria

Au sègle XVIII, la rota venguda de Brageirac, l'equivalent de la RD 933, se devesissèva en duas a Escassafòrt : un costat anava a Castèthnau de Gupia, Senta Baselha, Granhòs, Lo Mont de Marsan e Baiona, l'aute costat anava a Marmanda ^[6]. Au sègle XIX, hiren passar l'itinerari principau per Miramont, Sèishas, Marmanda e Castèlgelós.

Administracion

Lista deus cònsols successius
Periòde		Identitat	Qualitat
març de 2008	2020	Christian Fraissinède
junh de 1995	2008	Jean-Michel Bottemanne	retirat de l'ensenhament
	1995
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra dau canton de Sèishas; es adara dau canton daus Tuquets de Guiana, damb Duràs per burèu centralizator.