Gontaud de Nogaret

Vilatge d'Occitània

Gontaud de Nogaret
Gontaud-de-Nogaret

Un ostau vielh de Gontaud de Nogaret.

Armas

Geografia fisica

Coordenadas

44° 27′ 25″ N, 0° 17′ 44″ E

Superfícia

29,51 km²

Altituds
· Maximala
· Mejana
· Minimala

132 m
42 m
26 m

Geografia politica

Guiana
Agenés

França

Marmanda-2 (Marmanda-Èst avant 2015)

Intercom
244700522

Vath de Garòna Aglomeracion

Cònsol

Christian Jambon
(2020-2026)

Geografia umana

Populacion
Populacion totala
(2018)

1 673 ab.

Evolucion de la populacion

1 702 ab.

Densitat

56,35 ab./km²

Autras informacions

Còde postal

47400

Còde INSEE

47110

Gontaud de Nogaret^[1]^,^[2] (Gontaud-de-Nogaret en francés) es una comuna agenesa situada dins lo departament d'Òut e Garona e la region de Navèra Aquitània, ancianament d'Aquitània.

Geografia

Lo borg de Gontaud, au sud, es simplament separat deu borg ancian de Sent Pèir de Nogaret, au nòrd, per la ribèira d'un riu Canaula.

Comunas vesinas

Gontaud
de Nogaret

Haulhet
(3,4 km)

Hautasvinhas
(4,0 km)

Virac
(4,0 km)

Heugaròlas
(4,1 km)

Agmèr
(5,0 km)

Varés
(5,8 km)

Toponimia

La prononciacion es [gun'taw de nuɣa'ret]. Las fòrmas ancianas son Gontault en 1165, Gasto, Petrus de Guntaldo, Guntaudo, en latin, en 1242-1255, apud Gontaldum, en latin, en 1259, burgensis de Gontaldo, en latin, en 1289, in castro de Gontaud en 1289, parrochie Sancte Marie de Gontisalti, en latin, cap a 1300, decima Sancti Petri de Nogueret prope Gontealto, en latin, cap a 1300, par. de Gontealto, en latin, cap a 1300, Guntaldo, en latin, en 1305, prioratus et capella de Gontaud en 1326, prioratus de Noguareto et de Gontaud, en latin e occitan, en 1326, B. M. de Gontealto, cum ejus annexa de Bestauzaco, en latin, en 1500, Beate Marie de Gontealto, en latin, en 1520 (lista de Valeri), Gontau (mapa deu sègle XVII)^[1].

Gontaud ven deu nom germanic d'òme Guntald, format de gund-/gunt-, « luta, combat » e wald-, « governar ». Los escribas interpretavan sovent la segonda sillaba com lo mot (h)aut, deu latin altus^[3]^,^[1].

Nogaret (ancian determinant de Sent Pèir) ven deu latin nucarium, « noguèir » e deu sufixe collectiu latin -etum. Aqueth determinant es motivat per l'existéncia d'ancianas nogaredas (nogareda, varianta de nogaret)^[4]^,^[1].

Per Sent Pèir, véser a l'article.

Istòria

A Sent Pèir de Nogaret i avèva un priorat, fondat en 1160, que dependèva de l'abadia de La Seuva Majora^[1].

Sent Pèir de Nogaret e Gontaud fusionèren lo 23 de feurèir de 1965, per fusion simpla, en gardant lo nom de la vilòta de Gontaud e en ajustant lo determinant de Nogaret^[5].

Administracion

Lista deus cònsols successius
Periòde		Identitat	Etiqueta	Qualitat
25 de mai de 2020	2026	Christian Jambon ^[6]
març de 2001	2020	Thierry Constans
heurèr de 1986	2001	Gilberte Larrieu, veusa de Jean Larrieu	UDF	agenta immobiliària, conselhèra generala de Marmanda-èst (1985-2004)
	1985 (mòrt)	Jean Larrieu	UDF
Totas las donadas non son pas encara conegudas.