Ռոուզ Հոբարտ

Ռոուզ Հոբարտ
Ծնվել է	մայիսի 1, 1906
Ծննդավայր	Նյու Յորք, Նյու Յորք
Մահացել է	օգոստոսի 29, 2000 (94 տարեկան)
Մահվան վայր	Վուդլենդ Հիլզ, Լոս Անջելես, Կալիֆոռնիա, ԱՄՆ
Քաղաքացիություն	ԱՄՆ
Մասնագիտություն	դերասանուհի, թատրոնի դերասանուհի, հեռուստատեսային դերասանուհի և կինոդերասանուհի

Ռոուզ Հոբարտ (անգլ.՝ Rose Hobart, մայիսի 1, 1906(1906-05-01)^[1]^[2], Նյու Յորք, Նյու Յորք - օգոստոսի 29, 2000(2000-08-29)^[1]^[2], Վուդլենդ Հիլզ, Լոս Անջելես, Կալիֆոռնիա, ԱՄՆ), ամերիկյան դերասանուհի։

Կենսագրություն

Ռոուզը ծնվել է 1906 թվականի մայիսի 1-ին Նյու Յորքում։ Նրա հայրը Նյու Յորքի սիմֆոնիկ նվագախմբում թավջութակահար էր։ Նա իր դերասանական կարիերան սկսել է թատերական բեմում 15 տարեկանում։ Նրա ամենահայտնի թատերական դերը Գրացիայի դերն է «Մահն արձակուրդ է վերցնում» բեմադրության մեջ 1929 թվականին։

Մեկ տարի անց՝ 1930 թվականին կայացավ Ռոուզ Հոբարտի դեբյուտը կինոյում։ Նա Ֆրեդրիկ Մարչի և Միրիամ Հոփկինսի հետ նկարահանվեց «Դոկտոր Ջեքիլը և միստր Հայդը» ֆիլմում, որտեղ խաղում էր դոկտոր Ջեքիլի հարսնացուի՝ Մյուրիելի դերը։ 1931 թվականին Ռոուզը նկարահանվում էր «Արևելյան Բորնեո» կինոնկարում, և սյուռեալիստ նկարիչ Ջոզեֆ Քորնելը նկատեց նրան։ Նկարիչը հիացած էր Ռոուզով և նա, նախապես կտրելով այդ ֆիլմի այն կադրերը, որոնցում Ռոուզը չկար, նեգատիվները կապույտ ներկեց՝ այդպիսով ձգձգելով ֆիլմի ցուցադրումը, և 1936 թվականին վերջինիս հիման վրա նկարահանեց իր սեփական «Ռոուզ Հոբարտ» կինոնկարը։

1949 թվականին Ռոուզը նկարահանվեց իր վերջին՝ «Վրեժի հարսնացուն» ֆիլմում։ 1950-ական թվականներին նա հայտնվեց Հոլիվուդի «սև ցուցակում», ինչից հետո նա այլևս մեծ էկրաններին չերևաց։ 1960-ական և 1970-ական թվականներին Ռոուզը փոքրիկ դերերով հանդես եկավ հեռուստասերիալներում։

1994 թվականին Ռոուզը հրապարակեց «Ֆիքսված կետից հաստատուն շեղում» ինքնակենսագրությունը։

Ռոուզ Հոբարտը մահացավ 2000 թվականի օգոստոսի 29-ին 94 տարեկան հասակում Վուդլենդ Հիլզի դերասանների տանը, Կալիֆոռնիա։

Ընտրյալ ֆիլմագրություն

Ֆերմերի դուստրը (1947)՝ Վիրջինիա Թետչեր
Բախում (1945)՝ Քեթրին Մեյսոն
Բժիշկ Ջիլիսպեի նոր ասիստենտը (1942)՝ միսիս Բլեք
Լեդի, եղեք ավելի լավը (1942)՝ միսիս Կարտեր Վարդլի
Զիքֆիլդի աղջիկները (1941)՝ միսի Ֆրենկ Մերթոն
Սյուզենն ու Աստվածը (1940)՝ Այրին
Մահվան աշտարակը (1939)՝ Էնն Նեվիլ
Դոկտոր Ջեքիլը և միստր Հայդը (1931)՝ Մյուրիել Կերյու

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Internet Broadway Database — 2000.

Արտաքին հղումներ

Ռոուզ Հոբարտը Internet Broadway Database կայքում

Վիքիպահեստն ունի նյութեր, որոնք վերաբերում են «Ռոուզ Հոբարտ» հոդվածին։

[_9ee6f975b1506128-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_fa4ab04b5badd837-2] 2,0 ^2,1 ^2,2 ^2,3 ^2,4 Internet Broadway Database — 2000.

[1]

[2]