San Jose Sharks
| San Jose Sharks | |
|---|---|
 | |
| Fundación | 1991 |
| Cidade |  San Jose, California Estados Unidos |
| Estadio | SAP Pavilion at San Jose (17 496 espectadores) |
| Liga | National Hockey League |
| Conferencia | Oeste |
| División | Pacific |
| Campionatos | 0 |
| Propietario(s) | San Jose Sports & Entertainment Enterprises |
| Director | Doug Wilson |
| Adestrador | Peter DeBoer |
| Afiliado(s) | San Jose Barracudas (AHL) Allen Americans (ECHL) |
| Cores | Turquesa, laranxa escuro, negro, branco |
| Na rede | |
| http://sharks.nhl.com/ | |
     | |
San Jose Sharks (do inglés: Quenllas de San Jose) é un equipo profesional de hóckey sobre xeo dos Estados Unidos situado en San Jose, California. O equipo xoga na National Hockey League encadrado na División Pacífico.
Historia
[editar | editar a fonte]
Antes dos Sharks, a zona onde se albergaría a franquía xa contou cun equipo na NHL. Os California Golden Seals, que xogaron desde 1967 até 1976, trasladáronse a Cleveland para fusionarse en 1978 cos Minnesota North Stars. Durante a década de 1980 Howard Baldwin, o antigo propietario dos Hartford Whalers, liderou un grupo que meteu presión á NHL para obter unha nova franquía en San José, California. Tras varios acordos comerciais cos propietarios dos North Stars, San José conseguiu unha franquía de expansión da NHL para a tempada 1991-92. O nome da franquía pasou a ser San Jose Sharks, en referencia aos quenllas do océano Pacífico.
Nos seus dúas primeiras tempadas, os Sharks xogaron no Cow Palace de Daly City, nos arredores de San Francisco. O equipo debutou cunha marca negativa de 71 derrotas, cun refacho de 17 derrotas consecutivas, e non callou boas actuacións. A partir de 1993 os Sharks trasladáronse ao San Jose Area e, baixo o liderado de Kevin Constantine, comezaron a remontar o voo logrando a súa primeira clasificación para os playoff. A serie positiva durou até 1996, cando terminaron en última posición da División Pacífico dúas tempadas seguidas.
En 1998 chega ao equipo Darryl Sutter como técnico xeral, e baixo a súa dirección melloran os seus resultados regresando aos playoff. O seu primeiro campionato de división chegou en 2001-02, e no mesmo ano véndese o equipo a un grupo de investidores locais liderado por Greg Jamison. O equipo volveu reforzarse con xogadores procedentes de equipos como os Canadiens ou Boston Bruins, pero ao non poder avanzar nos playoff Sutter foi cesado. En 2004 lógrase o campionato de división.
Tras afrontar unha nova renovación a partir de 2005 con Ron Wilson como técnico, Sharks volveu vencer o campionato de división na tempada de 2007-08. A pesar do cambio de adestrador por Todd McLellan, San Jose gañou o Trofeo dos Presidentes e revalidou o título de división en 2009.
Estadio
[editar | editar a fonte]
A area principal de San José é o HP Pavilion, que conta con capacidade para 17.500 persoas. Este campo é un pavillón multiúsos, e albergou a Golden State Warriors de 1995 a 1997. Inaugurado en 1993, o equipo xogou temporalmente en Cow Parade ata que se concluíu a construción do novo pavillón.
Equipamento e imaxe
[editar | editar a fonte]O equipamento tradicional dos Sharks é verde mariño (local) e branco (visitante), e foi renovada durante sucesivas tempadas. O escudo do club é un quenlla que esnaquiza un stick de hockey dunha dentada, e este animal é tamén a súa mascota oficial. Os Sharks contan con apoio na área da Baía de California.
Palmarés
[editar | editar a fonte]
- Presidents' Trophy: 1 (2008-09)
Trofeos individuais
[editar | editar a fonte]Art Ross Trophy
Bill Masterton Memorial Trophy
Calder Memorial Trophy
Hart Memorial Trophy
Maurice 'Rocket' Richard Trophy
Véxase tamén
[editar | editar a fonte] |
Wikimedia Commons ten máis contidos multimedia na categoría: San Jose Sharks  |
Ligazóns externas
[editar | editar a fonte]- Páxina oficial de San Jose Sharks Arquivado 08 de xullo de 2007 en Wayback Machine.
