Festival de Eurovisión 1959

Festival de Eurovisión 1959
Datas
Final	11 de marzo
Anfitrión
Lugar	Palacio de Festivais e Congresos Cannes, Francia
Presentador(es)	Jacqueline Joubert
Televisión anfitrioa
Acto(s) intermedio(s)	Orquestra de Franck Pourcel
Participantes
Participantes	11
Países que debutan	Mónaco
Países que retornan	Reino Unido
Países que se retiran	Luxemburgo
Mapa      Países participantes
Votacións
Canción gañadora	Een beetje, Teddy Scholten Países Baixos
Festival de Eurovisión
◄1958 1960►

O IV Festival da Canción de Eurovisión tivo lugar o 11 de marzo de 1959 en Cannes, Francia. A presentadora foi Jacqueline Joubert, sendo o país ganador os Países Baixos co tema Een beetje, interpretado por Teddy Scholten, que conseguiu 21 puntos. En segunda posición quedaron os británicos Pearl Carr e Teddy Johnson, coa canción Sing Little Birdie, que obtivo 16 puntos. O terceiro posto, con 15 puntos, foi para a canción francesa Oui oui oui oui, cantada por Jean Philippe. Estas tres cancións foron interpretadas ao final do festival, que durou 73 minutos. A letra da canción ganadora foi escrita por Willy van Hemert, quen tamén escribiu a letra a canción neerlandesa ganadora de 1957.

Este festival supuxo a primeira retirada de Luxemburgo, tras acabar cun punto o ano anterior, así como o debut de Mónaco e o regreso do Reino Unido trala súa retirada en 1958, polo que a UER cambiou as normas do concurso para admitir 11 participantes. O representante monegasco, Jacques Pills, finalizou último cun punto, pero a súa filla Jacqueline Boyer gañou o festival o ano seguinte por Francia.

Na prensa, suxeriuse que Italia e Francia outorgaron máis puntos á canción holandesa porque ningún deles quería que o outro obtivese a vitoria final. Instaurouse unha nova regra pola que non se permitía a inclusión de editores ou compositores profesionais en activo nos xurados nacionais, pero o sistema de votación foi o mesmo que en 1957 e 1958. O escenario consistiu en tres pequenas carpas xiratorias, desde as que saían os cantantes, quen cantaban con fotografías de paisaxes típicas do país de fondo.

Participantes

Os países participantes no festival elixiron cancións por diferentes métodos, habendo eleccións internas e finais nacionais. A representante de Dinamarca, Birthe Wilke, xa fora elixida para representar ao país en 1957 con Gustav Winckler, e este ano volvía en solitario. Por outra banda, Domenico Modugno representaba a Italia por segundo ano consecutivo.

Na seguinte táboa móstranse todos os participantes e o modo no que foron elixidos:

País e TV	Título orixinal da canción	Artista	Proceso e data de selección
	Tradución ao galego	Linguas de interpretación
Alemaña ARD	Heute Abend wollen wir tanzen geh'n	Alice e Ellen Kessler	Elección interna
	Esta noite queremos ir a bailar	Alemán
Austria ORF	Der K und K Kalypso aus Wien	Ferry Graf	Elección interna
	O Calypso Real e Imperial de Viena	Alemán
Bélxica NIR	Hou toch van mij	Bob Benny	Final nacional, 15-02-59
	Ámame, por favor	Neerlandés
Alemaña DSR	Uh, jeg ville ønske jeg var dig	Birthe Wilke	Dansk Melodi Grand Prix, 12-02-59
	Oh, desexaría ser ti	Dinamarqués
Francia RTF	Oui, oui, oui, oui	Jean Philippe
	Si si si si	Francesa
Italia RAI	Piove	Domenico Modugno	Festival da Canción de Sanremo, 31-01-59
	Chove	Italiano
Mónaco TMC	Mon ami Pierrot	Jacques Pills	Elección interna
	Meu amigo Pierrot	Francés
Países Baixos NTS	'n Beetje	Teddy Scholten	Final nacional, 17-02-59
	Un pouquiño	Neerlandés
Reino Unido BBC	Sing, Little Birdie	Pearl Carr e Teddy Johnson	A Song for Europe, 07-02-59
	Canta, paxariño	Inglés
Suecia SR	Augustin	Brita Borg	Stora schlagertävlingen, 29-01-59
	Augustin	Sueco
Suíza SSR SRG	Irgendwoher	Christa Williams	Final nacional, 22-02-59
	Desde algún sitio	Alemán

Non todos os países que organizaron unha final nacional enviaron ao festival aos cantantes ganadores da mesma. En Suecia, Siw Malmkvist gañou a primeira edición do Melodifestivalen, chamado entón Stora schlagertävlingen, pero a televisión sueca decidiu enviar a Cannes a Brita Borg coa canción coa que Siw Malmkvist gañou a final nacional.

Por outro lado, na final dos Países Baixos cada tema foi cantado por dous cantantes diferentes. A canción ganadora foi cantada por Teddy Scholten e John de Mol, sendo elixida a primeira para representar ao país.

Resultados

#	País	Artista(s)	Canción	Posición	Puntos
1	Francia	Jean Philippe	Oui, oui, oui, oui	3	15
2	Dinamarca	Birthe Wilke	Uh-Jeg Ville Ønske Jeg Var Dig	5	12
3	Italia	Domenico Modugno	Piove	6	9
4	Mónaco	Jacques Pills	Mon Ami Pierrot	11	1
5	Países Baixos	Teddy Scholten	Een beetje	1	21
6	Alemaña	Gemelas Kessler	Heute Abend wollen wir tanzen geh'n	8	5
7	Suecia	Brita Borg	Augustin	9	4
8	Suíza	Christa Williams	Irgendwoher	4	14
9	Austria	Ferry Graf	Der K und K Kalypso aus Wien	10	4
10	Reino Unido	Pearl Carr & Teddy Johnson	Sing Little Birdie	2	16
11	Bélxica	Bob Benny	Hou Toch Van Mij	7	9

Táboa de votos

Na seguinte táboa móstranse os votos outorgados e recibidos por cada país participante no festival:

		Xurados
		Total
	Francia	15		4	1	2	0	4	0	1	1	0	2
	Dinamarca	12	0		1	1	1	0	4	1	2	2	0
	Italia	9	3	0		1	0	0	1	3	0	0	1
	Mónaco	1	0	0	0		0	0	0	0	1	0	0
	Países Baixos	21	4	0	7	1		2	0	0	3	1	3
	Alemaña	5	2	0	1	0	0		0	1	0	0	1
	Suecia	4	0	1	0	0	3	0		0	0	0	0
	Suíza	14	0	2	0	1	0	1	3		1	5	1
	Austria	4	0	0	0	1	0	0	2	1		0	0
	Reino Unido	16	1	1	0	2	5	0	0	3	2		2
	Bélxica	9	0	2	0	1	1	3	0	0	0	2
A táboa está ordenada segundo a orde de actuación.

Notas

Predecesor: Hilversum 1958

Festival da Canción de Eurovisión Cannes 1959

Sucesor: Londres 1960

Véxase tamén

Outros artigos

• Cannes
• Festival de Eurovisión

Ligazóns externas

• Eurovisión 1959 en eurovision-spain.comArquivado 22 de febreiro de 2014 en Wayback Machine. (en castelán)
• Eurovisión 1959 en eurovision.tv (en inglés)
• Letra de todos os temas participantes