Schwerin

Schwerin Schwerin
hiria
Irudi gehiago
Administrazioa
Estatu burujabe	Alemania
Alemaniako estatua	Mecklenburg-Aurrepomerania
Alkatea	Rico Badenschier (en)
Izen ofiziala	Schwerin
Jatorrizko izena	Schwerin
Posta kodea	19053, 19055, 19057, 19059, 19061 eta 19063
Udalerri kodea	13004000
Geografia
Koordenatuak	53°37′44″N 11°24′54″E
Azalera	130,52 km²
Altuera	52 m
Mugakideak	Ludwigslust-Parchim eta Ipar mendebaldeko Mecklenburg
Demografia
Biztanleria	98.733 (2023ko abenduaren 31) 137 (2022)
51.394 (%52,1)   (%47,9) 47.339   49.764 (%50,4)   (%46,6) 46.054
Dentsitatea	756 bizt/km²
Informazio gehigarria
Sorrera	1161
Telefono aurrizkia	0385
Ordu eremua	UTC+01:00 eta UTC+02:00
Hiri senidetuak	Tallinn, Wuppertal, Vaasa, Reggio nell'Emilia, Odense, Piła eta Växjö udalerria
Matrikula	SN
schwerin.de

Schwerin Alemaniako Mecklenburg-Aurrepomerania estatu federaleko hiriburua da, Itsaso Baltikotik 80 kilometrora hegoaldean kokaturik. 100.000 biztanle apenas dituenez, Alemaniako populazio gutxien duen hiriburua da. Hirian, alde zaharra eta duken jauregia, Schwerin lakuaren irla batean eraikia eta XIX. mendean eraberritua, nabarmentzen dira.

Geografia

Schweringo aire ikuspegia

Schwerin aintziraren (Schweriner See) hego-mendebaldeko ertzean kokaturik dago, hiri barnea hamabi aintzira txikiren artean zabaltzen delarik. Aubach errekak hainbat aintzira konektatzen ditu. Hiriaren %29a lakuek osatzen dute eta %18'5a basoek. 18 barrutik osatzen dute Schwerin.

Historia

XI mendean obotrita leinu eslaviarraren herrixka bat zegoen bertan. Eremu honi Zuarin izena eman zioten eta honen aldaera da Schwerin. 1160an Enrike III.ak (Heinrich der Löwe) konkistatu zuen herria eta bertan gaztelu bat eraikiz inguru honetako hiriburu bihurtu zuen. 1358an Mecklenburg Dukerrian sartu zen eta bertako dukeen egoitza bihurtu zen. 1621ean Dukerria banatu egin zen eta Schwerinek mendebaldeko zatiaren hiriburu izaten jarraitu zuen.

1918ko Alemaniako iraultzan monarkia desagertzean Schweringo Dukeek ere abdikatu beharra izan zuten eta hiria Mecklenburg-Aurrepomerania Estatu Libreko hiriburu bihurtu zen. Bigarren Mundu Gerran Estatu Batuetako tropek konkistatu bazuten ere, Sobiet Batasunaren okupazio eremuan gelditu zen eta beraz Alemaniako Errepublika Demokratikoaren barnean sartua izan zen.

1990an Alemaniaren batasuna iristerakoan Mecklenburg-Aurrepomeraniako hiriburu izateko bi hautagai zeuden, Schwerin historikoa eta Rostock handiagoa dena. Azkenean Schwerinen alde egin zuten.

Ondasun nabarmenak

Alde zaharra

• Schweringo gaztelua (Schweriner Schloss): XII mendeko gaztelua, XIV mendean berriztua.
• Schweringo katedrala (Schweriner Dom): XVI mendeko katedral gotikoa.
• Merkatu plaza (Markt): Alde zaharraren (Altstadt) erdigunea da. Bertan daude udaletxea eta Neues Gebäude eraikin neoklasikoa. Lehoi baten estatua ere badago, hiriaren fundatzailea zen Enrike III.a Lehoia zenaren omenez.
• Schwerin Estatuko Museoa (Staatliches Museum Schwerin)

Hiri senidetuak

Schwerin ondorengo hiriekin senidetuta dago:

Vaasa (Finlandia) Reggio nell’Emilia (Italia) Wuppertal (Alemania) Tallinn (Estonia)

Odense (Danimarka) Piła (Polonia) Växjö (Suedia) Milwaukee (AEB)

Kanpo estekak

• Schweringo Udalaren webgune ofiziala

• Datuak: Q1709
• Multimedia: Schwerin / Q1709