Grop Contes e istòrias en lenga nòstra, clicar aquí

Lou cat de l'emperaire, un conte de Jan-Glaude Renous, en versioun mistralenco

Ngay xua ngay xua, es coume acò que coumençon li conte au Vietnam. En aquéu tèms degun avié dre de vanega la niue dins lou palais de l'emperaire, leva l'emperaire, li crestat, e li femo, espouso, councubino, oudalisco o servento… E dins la vilo de Hanoi, que se sounié Tan Long en aquelo epoco, vivié un jouine estudiant que se disien Tui. Un estudiant que preferissié la desbaucho à l'estudi. Un ser qu’avié begu mai que de coustumo Tui jurè  que passarié touto uno niue dins lou palais de l'emperaire. La vantarié faguè lou tour de la vilo pèr arriba enfin is auriho de l'emperaire que s'escacalassè de rire e diguè que se Tui arribavo de passa touto uno niue dins lou palais, proumetié, eu, l'emperaire, de se faire coupa li besougno[1].

Aquelo niue, l’estudiant fouguè reviha pèr uno trèvo  :

- L’ami, ço diguè la trèvo, figuro-te qu'ère un grand persounage de la cour e que l'emperaire qu’èro dins si boni aguè l’idèo descounvenènto de me faire coupa la tèsto après que m’aguèsse fa pati lou suplici d’espeiage. Adounco seriéu forço galoi de veire l'emperaire perdre si besougno. M'envau t’indica un bousquet noun liuen de Hanoi que de canèu daura ié creisson. Qué crèmes aquéu canèu e que t'endugues de si cendre e vendras invisible. Pièi te sera de bon d’intra dins lou palais, e de descriéure quino raubo l'emperaire pourtavo aquelo niue, pèr qu’aquéu sié óubliga d’èstre de paraulo, e de se faire coupa li besougno !

De matin, Tui anè dins lou bousquet. Aquí i avié uno fount d'aigo clareto ounte nadavon de peissounet que semblavon d'aur, e dins li canèu à l'entour bresihavon d’auceloun que semblavon d'argent. Tui cremè li canèu, e s'enduguè un det emé lou cendre : lou det s’avouliguè, pèr tournè parèisse un cop lava dins l'aigo de la fount. Tournè vèrs Hanoi emé un sac emplena de cendre, e tre se desvesti cap e tout, se recoubriguè de cendre, e traversè la vilo coume acò, nud coume un verme senso que degun lou veguèsse pas, e s'entrauquè dins lou palais. Pièi gagnè la cambro de l'emperaire, e après agué tene d’a mand la raubo, sourtiguè faire quàuqui pas dins lou jardin en esperant la duberturo di porto…

Tui avié pas pensa que l’eigagno… poudrié tira lou cendre !

E vaquí qu’emé li proumièro lusour de jour, se descurbiguè un ome nud vanegant dins li jardin !

Es alor que venguè uno idèo à Tui : se metè de quatre cambo e se botè de miaula !

Tant-lèu l'emperaire diguè  :

- Es un cat !

E coume degun ausavo pas contradire l'emperaire, se cabecejè pèr dire de o !

- M’envau assegura tout soulet, diguè l'emperaire !

Se sarrè de Tui e lou gratihè darrié la tèsto en ié esquihant dins l'auriho :

- Sabes que te poudriéu faire cresta, lou cat ?

E Tui rounrounejè :

- Sabès que poudriéu dire que siéu un ome, e qu’ié perdrias perèu li vautri de  besougno, moun mèstre ?

L'emperaire s'aubourè en coucho :

- Es verai, es bén un cat !

Voulènt l’umilia en gardant si besougno, l’emperaire ajustè tant-lèu :

- Baias-ié de la, de peis cru, e de furo, e qu’acoumpagnon aquéu cat en co siéu. E pèr que ié arribe pas rèn en camin, ourdene que dès ome d'armo duerbon la marcho e que dès autre marchon darrié.

E es coume acò que Tui  deguè dejuna de bon matin de la, de peis cru e de furo, e que pièi deguè traversa la vilo de quatro cambo, dès ome d'armo pèr davans, dès ome d'armo pèr darrié, en miaulant, nud coume un verme.

Un eraud cridavo à pleno gulo :

- Fasès largo au cat de l'emperaire, fasès largo au cat de l'emperaire !

Tui demourè enclastra jusquo ser, de pàu di tuaire que l'emperaire mancarié pas  de ié manda. À niue toumbado s'enduguè de cendre e s’avaliguè. E coume couneissié l'eisistènci dóu bousquet emé de canèu daura, couneguè plus jamai la fam e fauto d'èsse bachelié devenguè lou prince di raubaire.

Sabe pas se s'entrauquè jamai de cop i a de niue dins lou palais de l'emperaire, estènt que ni lis espouso, ni li councubino, ni lis oudalisco, ni mai la mendre servento s’en son pas jamai vantado !

 Xin hêt, es coume acò que s'acabon li conte au Vietnam !

Le chat de l’empereur

Ngày xua ngày xua, c'est ainsi que commencent les contes au Vietnam. En ce temps-là nul homme n’avait le droit de séjourner dans le palais de l’empereur la nuit, hormis l’empereur lui-même, les eunuques, et les femmes, épouses, concubines, odalisques ou servantes…

Or donc, il y avait un jeune étudiant nommé Thui qui vivait à Hanoi, du temps où la ville s'appelait Thang Long. Cet étudiant préférait la débauche à l’étude. Un soir où Thui avait bu plus que d’ordinaire il jura qu’il passerait toute une nuit dans le palais de l’empereur, et la vantardise fit le tour de la ville, pour parvenir enfin aux oreilles de l’empereur qui éclata de rire et dit que si l’étudiant Thui parvenait à passer toute une nuit dans le palais, lui, l’empereur, promettait de se faire couper les ngoc qui (les précieuses).

Une nuit, Thui fut réveillé par un fantôme :

- Garçon, dit le fantôme, figure-toi que j’étais un haut fonctionnaire de la cour et que l’empereur d’humeur badine a eu la mauvaise idée de me faire couper la tête après que l’on m’eut fait subir le supplice du dépeçage. Aussi je ne serai pas mécontent de voir l'empereur perdre ses ngoc qui. Je vais t’indiquer un petit bois non loin de la capitale où poussent des roseaux dorés. Que tu brûles ces roseaux et que tu t’enduises de leurs cendres et tu deviendras invisible. Il te sera ensuite facile de rentrer dans le palais, et de décrire quelle robe l’empereur portait cette nuit-là pour qu’il se sente obligé de tenir sa promesse et de se faire couper les ngoc qui !

Au matin Thui se rendit dans le petit bois. Là il y avait une source d’eau pure où nageaient des petits poissons d’or et dans les roseaux environnants gazouillaient des petits oiseaux d’argent. Thui fit brûler les roseaux, s’enduisit un doigt de cendre : le doigt disparu pour réapparaître une fois lavé dans l’eau de la source. Thui revint à la capitale avec un sac rempli de cendre, et l’après-midi-même après s’être entièrement dévêtu il se recouvrit de cendres et traversa ainsi la ville, nu comme un ver sans que personne ne le vît, s’introduisit dans le palais. Thui gagna ensuite la chambre de l’empereur, et après avoir bien observé la robe de ce dernier il sortit faire quelques pas dans le jardin en attendant l’ouverture des portes…

Thui n’avait pas pensé que la rosée pourrait délaver la cendre !

Si bien qu’aux premières lueurs du jour on découvrit un homme nu errant dans les jardins. Quel émoi ! On courut appeler l’empereur qui se voyait déjà perdre ses ngoc qui (précieuses) !

C’est alors qu’une idée vint à Thui : il se mit à quatre pattes et se mit à miauler ! Aussitôt l’empereur dit :

- C’est un chat !

Et comme personne n’osait contredire l’empereur, on acquiesça !

- D’ailleurs je vais m’en assurer moi-même, dit l’empereur !

Il s’approcha de Thui et le gratta derrière la tête tout en lui glissant dans l’oreille :

- Sais-tu que je pourrais te faire castrer, le chat ?

Et Thui ronronna :

- Sais-tu que je pourrais dire que je suis un homme et que tu y perdrais aussi tes ngoc qui, mon maître ?

L’empereur se redressa vivement :

- C’est bien un chat !

Voulant l’humilier tout en gardant ses ngoc qui, il ajouta aussitôt :

- Qu’on lui donne du lait, du poisson cru, et des souris, et qu’on reconduise ce chat dans sa demeure. Et pour qu’il ne lui arrive rien en route j’ordonne que dix hommes d’armes ouvrent la marche et que dix autres marchent derrière.

Et c’est ainsi que Thui dut avaler de bon matin du lait, du poisson cru et des souris, qu’il dut traverser la ville à quatre pattes, dix hommes d’armes par devant, dix hommes d’armes par derrière, tout en miaulant et nu comme un ver.

Un héraut criait à tue–tête :

- Faites place au chat de l’empereur, faites place au chat de l’empereur !

Thui resta cloitré tout le restant de la journée, de crainte des tueurs que l'empereur ne manquerait pas de dépêcher. À nuit tombée il s'enduisit de cendres et disparut. Et comme il connaissait l'existence du petit bois aux roseaux dorés, il ne connut jamais la faim et à défaut d'être bachelier il devint le prince des voleurs.

Quant à savoir s'il s'introduisit de nouveau de nuit dans le palais de l'empereur, aucune épouse, concubine, odalisque, ni même la moindre servante ne s'en est jamais vanté !

Xin hêt, ainsi conclut-on les contes au Vietnam !

Per tornar a la pagina de Somari de Contes e Novèlas, creacions Joan-Claudi Renós, clicar aquí