Grop Contes e istòrias en lenga nòstra, clicar aquí

Lou chivau, pèr J. D'arbaud, en escrituro mistralenco

Vène, te vau desarnesca. Veicí la nuie.

Tout lou jour m'as pourta sus toun esquino blanco :

Aro, vira d’amount, nifles lou vènt que tanco

E dins l’errour que mounta, escarcaies tis iue

Veicí l'oumbrun, chivau, la journado es finido.

Touto la niue, bandi, batras après li tau,

A l'aubo, assadoula, chaumaras pèr li claus

Ras dis  aigo e viéuta sus la tepo agermido.

Davans que de parti, la pougnado de gran

Que lou baile a vueja dins lou saquet de telo,

Manjo-la. Lusiran li proumiéris estello

Quand tirarai ma soupo e signarai lou pan.

Lo chivau, per J. D'arbaud, en escritura dicha normalizada

Vène, te vau desarnescat. Vaicí la nuèch

Tot lo jorn m'as portat sus ton esquina blanca :

Ara, virat d’amont, nifles lo vent que tanca

E dins l’error que monta, escarcalhes teis uèlhs

Vaicí l'ombrum, chivau, la jornada es finida.

Tota la nuèch, bandit, batràs après lei taurs,

A l'auba, assadolat, chaumaràs per lei claus

Ras deis  aigas e vièutat sus la tepa agermida.

Davans que de partir, la ponhada de gran

Que lo baile a vujada dins lo saquet de tela,

Manja-la. Lusiràn lei promièras estelas

Quand tirarai ma sopa e signarai lo pan.

Le cheval, par J. D’arbaud

J’arrive, je vais te déharnacher. Voici la nuit

Tout le jour, tu m'as porté sur ton échine blanche :

Maintenant, tourné vers l’amont, tu renifles le vent qui tombe

Et dans le crépuscule qui monte, tu écarquilles les yeux

Voici l'ombre, cheval, la journée est finie.

Toute la nuit, libre, tu affronteras ensuite les taureaux,

À l'aube, comblé, tu te reposeras dans les clos

Au bord des eaux et vautré sur le gazon.

Avant de partir, la poignée de grains

Que le régisseur a versée dans le petit sac de toile,

Mange-la. Luiront les premières étoiles

Quand je tirerai ma soupe et signerai le pain.

Per tornar a la pagina consacrada a Josèp d'Arbaud, clicar aquí