Grop Contes e istòrias en lenga nòstra, clicar aquí

En camin de ferre, pèr lou Cascarelet, en gràfi mistralenco.

Èrian parti dóu Martegue. Lou trin èro coumble. I’avié’n brave pichot, countènt coume un rèi que se tenié davans la pourtiero. Soun paire poudié pas lou faire leva dóu fenestroun.

- Sortes pas la tèsto coume acò, pichot, que lou vènt empourtara toun capèu.

Mai lou pichot voulié rèn entèndre.

- Regardo li bigo, papa, coume fan de mounto-davalo, e lis aubre coume se courron après ! Acò m'amuso tant !

 Alor lou paire adrechamen, pan ! arrapo lou capèu de l’enfant e l'escound darrié lou couissin :

- Te lou disiéu bèn que lou vènt empourtarié toun capèu ! coume sian pèr faire, aro ! Vai fauguè nous entourna pèr n’en cerca’n autre. E ta maire de qué dira ?

Lou pichot, counfus, se bouto à ploura.

- Lou farai plus, papa, s’entournan pas que la mama me batrié.

Alor lou paire pèr counsoula lou pichot :

- Anem, d’abord que saras brave, ploures plus ; n’ai qu'a sibla e toun capèu vai reveni…

Justamen lou brave ome siblè, e dins un tour de man remeteguè lou capèu sus la cabesso de soun drole qu'avié rèn vist veni.

- Ah ! paire, coume acò m'amuso, faguè l’enfant esbalauvi, tè, siblo mai…

E zóu ! traguè pèr de bon lou capèu dins li tamarisso.

A parti d'aqui, ni lou paire ni l’enfant aguèron plus l'ér de s'amusa. Es nautre qu'acò amusè un moumen.

En camin de fèrre, per lo Cascarelet, en grafi dicha classica.

Èriam partits dau Martegue. Lo tren èra comble. I’aviá’n brave pichòt, content come un rei que se teniá davans la portièra. Son paire podiá pas lo faire levar dau fenèstron.

- Sortes pas la tèsta come aquò, pichòt, que lo vent emportarà ton capèu.

Mai lo pichòt voliá ren entendre.

- Regarda lei bigòs, papà, come fan de monta-davala, e leis aubres come se corron après ! Aquò m'amusa tant !

 Alòrs lo paire adrechament, pan ! arrapa lo capèu de l’enfant e l'escond darrièr lo coissin :

- Te lo disiái ben que lo vent emportariá ton capèu ! Come siam per faire ara ! Vai fauguèt nos entornar per n’en cerca’n autre. E ta maire de qué dirà ?

Lo pichòt, confús, se bota a plorar

- Lo farai plus, papà, s’entornan pas que la mamà me batriá.

Alòrs lo paire per consolar lo pichòt :

- Anem, d’abòrd que saràs brave, plores plus ; n’ai qu'a siblar e ton capèu vai revenir…

Justament lo brave òme sibllèt, e dins un torn de man remeteguèt lo capèu sus la cabessa de son dròlle qu'aviá ren vist venir.

- Ah ! paire, come acò m'amusa, faguèt l’enfant esbalauvit, tè, sibla mai…

E zòu ! traguèt per de bon lo capèu dins lei tamarissas.

A partir d'aquí, ni lo paire ni l’enfant aguèron plus l'er de s'amusar. Es nautre qu'acò amusèt un moment.

En chemin de fer, par lo Cascarelet.

Nous étions partis de Martigues. Le train était comble. Il y avait un brave petit, content comme un roi qui se tenait devant la portière. Son père ne pouvait pas le faire lever de la fenêtre.

-Tu ne sors pas la tête comme ça, petit, que le vent emportera ton chapeau.

Mais le petit ne voulait rien entendre.

- Regarde les poteaux, papa, comme ils montent et descendent, et les arbres comme ils se courent après, ça m’amuse tant.

 Alors le père adroitement, pan, attrape le chapeau de l'enfant et le cache derrière le coussin :

- Je te le disais bien que le vent emporterait ton chapeau. Comment allons-nous faire maintenant ! Il va falloir retourner pour en chercher un autre. Et ta mère qu'est-ce qu'elle dira ?

Le petit, confus, se mit à pleurer

- Je ne le ferai plus, papa, ne retournons pas que la maman me battrait.

Alors le père pour consoler le petit :

-  Allons, d'abord tu seras gentil, ne pleure plus ; je n’ai qu'à siffler et ton chapeau va revenir…

Alors le brave homme siffla et en un tour de main remit le chapeau sur la tête de son fils qui n’avait rien vu venir.

- Ah ! père, comme cela m'amuse, fit enfant ébahi, tiens, siffle encore…

E zou ! il jeta pour de bon le chapeau dans les tamaris.

À partir de là, ni le père ni l'enfant n'eurent plus l'air de s'amuser. Et c'est nous-autres que cela amusa un moment.

Per tornar a la pagina Contes Mistral, Romanilha, Lo cascarelet, clicar aquí