Niger: jatigɛwalebinkani dɔ tara ka Assamaka sɔrasi daga saba sɛgɛrɛ, ka mɔgɔ 7 bɔnɛ u nii na
Niger jamana na, jatigɛwalebinkani dɔ tara ka Assamaka sɔrasi daga saba sɛgɛrɛ sibiri don.Mɔgɔ 7 de bɔnɛra u nii na ani ka 5 wɛrɛ jogin. Kɛlɛ kɔnin gan na kɔsɔbɛ wa jatigɛwalekɛlaw bolila k’u ka bolimafɛn dɔ to.Nga Baba kulu fila de bɛ ka binkani in tigiya ta.
A jɛnsɛnna : A falenna :
k'a lamɛn - 01:13
Sarata an be mun kalama o de ye ko binkanin kela ninu nana mɔbili Toyota 6 de la Arlit dugu kenɛkan fɛ. U selen u ye mugu wili sɔrasi daga ninu kan , sɔrasiw fana yu laminɛ.
O de kɛra kɛlɛw dabɔ len ye. O sɛnfɛ sɔrasi 6 nin civili 1 de fagara , nin ka mɔgɔ 5 fana sɛbɛkɔrɔ jogin.
Jatigɛwale kelaw sera fana ka ta nin sɔrasiw ka marifa 12 , 7 kelen ye , policiw ka M 80 kelen fana tara nin ka gendarme ka marifa ak 47 9 jaso ka ta nin u ye. Sarata an ye kunafoni wɛrɛw sɔrɔ ko Binkanin kɛla ninu laban na ka boli k’u kunsi Mali kɔnrɔnyanfan de ma.
Relance : Nga Baba kulu fila de bɛ ka binkani in tigiya ta
Jati sarata , Jnim jatigɛ wale kulu ye binkani in tigiya ta dantigeli sɛnbɛn dɔ kɔnɔ u yɛrɛ ye ja dɔw cari a ko kan o min na u bɛ mugu nin kisɛw jira k’u ye olu salo kɛlɛw senfɛ.
Kulu fila na ye Rhissa Ag Boula ka Forces armées libre FAL ye. Dantigeli senben dɔ kɔnɔ olu k’u ye binkani wale dɔ ta ka Niger sɔrasi daga saba sɛgerɛ. Wa u kolu ye sebaya yɛrɛ sɔrɔ kelaw la ka sɔrɔ ka segin u nɔla.
Sarata an b’a fɔ dɔnrɔn Rhissa Ag Boula k’un ye Mohamed Bazoum ka minisiri kɔrɔ ye. Ale yɛrɛ kale kan ye ko fɔ a ka Niger la segin bɛjɛ fanga kɔnɔ. Octobre kalo kile 10 tɛmelen jamana in don na temɛ fanga ɲɛmaw ya lase k’u ye a nin mɔgɔ 8 wɛrɛ ka jamanadenya sɛnbɛn mine u la. Wassa k’o jabi Rhissa Ag Boula k'ale tɛ siran ko wa alisa ale be to Niger jamana den ya la.
Binkani in kɔni kan fɔ sisan marabagaw ma dantigeli fosi de ke a kan.