Briefing

13-05-2026 - 18:55

Newsletter dwar is-sessjoni plenarja - Strasburgu 18-21 Mejju 2026

Agħżel ġimgħa

Niżżel il-Briefing bħala PDF

Ordni Ewropea tal-Mertu: ċerimonja tal-konferiment

L-ewwel rebbieħa se jirċievu l-Ordni Ewropea tal-Mertu, li tirrikonoxxi kontributi sinifikanti għall-integrazzjoni, id-demokrazija u l-valuri Ewropej, nhar it-Tlieta fil-11.30.
Ir-rispons tal-UE għas-sitwazzjoni fil-Lvant Nofsani

It-Tlieta, il-MEPs se jistaqsu lill-ogħla diplomatiku tal-UE Kaja Kallas dwar l-approċċ tal-UE għall-kriżijiet fil-Lvant Nofsani.
Il-protezzjoni tas-setturi strateġiċi tal-UE minn investimenti barranin riskjużi

It-Tlieta, il-plenarja mistennija tagħti l-approvazzjoni finali tagħha għar-regoli l-ġodda tal-UE dwar l-iskrinjar tal-investimenti barranin biex jiġu evitati riskji għas-sigurtà.
Suq uniku: In-negozji tal-Ewropa jeħtieġu ċertezza u prevedibbiltà

L-Erbgħa, l-MEPs se jiddiskutu mal-Kummissjoni u mal-Kunsill kif jistgħu jittejbu l-kundizzjonijiet għan-negozji Ewropej u tiġi żgurata l-kompetittività tagħhom fix-xena globali.
L-istat ta’ tħejjija tal-UE għal mudelli emerġenti tal-IA b’kapaċità ċibernetika

It-Tlieta filgħodu, l-MEPs se jivvalutaw mar-rappreżentanti tal-Kunsill u tal-Kummissjoni l-iżvilupp rapidu ta' mudelli avvanzati tal-IA u l-isfidi li joħolqu għas-sigurtà tal-UE.
Sorsi ġodda ta’ dħul għall-baġit tal-UE

L-Erbgħa, l-MEPs u l-Kummissjoni se jiddiskutu possibbiltajiet alternattivi ta' finanzjament għall-baġit fit-tul tal-UE, inkluż mil-logħob tal-azzard online.
Regoli aġġornati tal-UE biex jissaħħu d-drittijiet tal-vittmi

L-Erbgħa, l-MEPs se jiddibattu leġiżlazzjoni ġdida tal-UE biex itejbu l-appoġġ għall-vittmi tal-kriminalità, qabel votazzjoni finali nhar il-Ħamis.
Ir-rispons tal-UE għat-tifqigħa tal-hantavirus

Il-Ħamis, l-MEPs u l-Kummissjoni se jivvalutaw it-tħejjija tal-UE għal emerġenzi tas-saħħa, wara t-tifqigħa tal-hantavirus fuq il-MV Hondius .
Dibattitu dwar l-inizjattiva taċ-ċittadini “Inwaqqfu l-qerda tal-logħob tal-vidjo”

Il-Ħamis, l-MEPS se jiddiskutu l-inizjattiva taċ-ċittadini li tirrikjedi li l-pubblikaturi tal-logħob tal-vidjo dejjem iħallu l-logħob tal-vidjo fi stat li jista' jintuża.