ایرخ ہارٹمان

ایرخ ہارٹمان
سب توں بوہتے جہاز ڈیگن والا
جمن پو:	بادنورتمبرگ جرمنی
جیون :	19 اپریل 1922 - 20 ستمبر 1993
وفاداری:	نازی جرمنی

ایرخ ہارٹمان اک جرمن پائلٹ سی جینے دوجی وڈی لڑائی چ سب توں بعوتے دشمن دے جہاز تباہ کرن دا ریکارڈ بنایا۔

ایرخ ہارٹمان 19 اپریل 1922 نوں بادن ورتمبرگ جرمنی چ جمیا۔ اودا پیو ڈاکٹر سی۔ جرمنی ج برا ویلہ ہون تے ایہ ٹبر چین آگیا پر چین توں وی ایناں نوں واپس مڑنا پیا۔ ہارٹمان دی ماں پائلٹ سی تے اونے اپنی ماں توں گلائڈر اڈانا سکھیا۔ اودی ماں نے جدوں پائلٹاں دا سکول کھولیا تے 14 ورے دا ایرخ اوتھے استاد لگ گیا۔ 1939 چ اونوں پائلٹ دا لسنس لب گیا۔ اکتوبر 1940 نوں جرمن ائیر فورس چ آگیا۔ اکتوبر 1942 چ اودی فوجی سکھلائی پوری ہوگی۔

اوہ روس آلے پاسے جہازاں دی لڑائی چ لگ گیا۔ 25 مئی 1943 نوں اونے پہلا جہاز ماریا۔ 7 جولائی 1943 نوں کرسک دی لڑائی چ اوہنے روس دے 7 جہاز مارے۔ اگست 1943 دا مہینہ ٹرن تے اوہ 50 جہاز شکار کرچکیا سی تے اگست دا مہینہ مکن تے 48 جہاز ہور شکار کیتے۔ اگست دے مکن تک اوہ 90 دے نیڑے ہوائی لڑائیاں جت چکیا سی۔ 19 اگست نوں اودا جہاز دشمن دے تھاں وچ ڈگ پیندا اے اوہ پھڑیا جاندا اے پر اوہ روسیاں کولوں نس جاندا اے تے اپنے سنگیاں نوں آ ملدا اے۔

اکتوبر 1943 وج اوہنے 33 ہور روسی جہاز پھڑکا دتے تے اونوں رتر کروز دا تمغہ دتا گیا۔ سال مکن تے اوہ 159 جہاز پھڑکا چکیا سی۔ 1944 دے پہلے دو مہینیاں چ اونے 54 ہور جہاز مارے۔ اودے افسراں نوں اودے داویاں تے شک ہویا اوناں اودے پچھے اک بندہ بہا دتا جیڑا ویکھدا سی کہ اونے کنے جہاز ڈیگے۔ دو مارچ 1944 تک اوہ 202 جہاز پھڑکادتے سن تے روسیاں نیں اودے سر دا مل 10000 روبل لا دتا۔ 17 اگست 1944 نوں جدوں اونے 274واں جہاز سٹیا تے اوہ سب توں بوتا جہاز گران والا پائلٹ بن گیا۔ روسی پائلٹ اونوں ویکھ کے راہ چھڈ جاندے سن۔ 23 اگست 1944 نوں اونے 3 لڑائیاں جتیاں۔ 11 جہاز سٹے تے اودا ریکارڈ 290 تے اپڑ گیا۔ اگلے ای دن 24 اگست اوہ 300 دے ھندسے تے پونچ گیا جدوں اونے 11 جہاز سٹے۔ ہٹلر نے اونوں راسٹنبرگ بلا کے تمغہ دتا۔ 10 ستمبر 1944 نوں اونیں ارسولہ نال ویاہ کر لیا۔ 17 اپریل 1945 نوں اونے اپنے 350 شکار کیتا۔ 8مئی 1945 نوں یورپ چ لڑائی دے انتم دن برونو چیکوسلوواکیہ تے اونے اپنا آخری جہاز مار گرایا۔ 24 مئی 1945 نوں اونوں روس دا قیدی بنا لیا گیا۔ 1955 تک اوہ قید چ ریا۔ چرمن ہوائی فوج وچ دوبارہ آگیا جتھوں اوہ 1970 چ ریٹائر ہویا۔ 1993 نوں اوہ مرگیا۔

بارلے چوڑ

• جیون Archived 2008-02-10 at the وے بیک مشین
• نکی کعانی Archived 2008-02-20 at the وے بیک مشین
• نکی کعانی Archived 2013-07-30 at the وے بیک مشین
• گل بات