Gabinete-Pisas II
| Fecha di fundashon òf kreashon | 14 yüni 2021  |
|---|---|
| Hurisdikshon | Kòrsou |
Gabinete-Pisas II ta e aktual gabinete di Kòrsou i e di dies gabinete desde e disolushon di Antia Hulandes. E ta un koalishon di Movementu Futuro Kòrsou (MFK) i Partido Nashonal di Pueblo (PNP), bou liderazgo di Promé minister Gilmar Pisas. Dia 14 di yüni 2021 e gabinete a wòrdu huramentá pa gobernador di Kòrsou komo susesor di gabinete-Rhuggenaath.
Dia 21 di ougùstùs 2024, despues di un kiebro entre e partnernan di koalishon, tres minister di PNP ta entrega nan retiro. Esaki tabata pa motibu ku henter frakshon di MFK e retirá nan konfiansa den e parlamentarionan di PNP, Sheldry Osepa i Gwendell Mercelina, relashoná ku nan postura krítiko pa ku minister Javier Silvania.[1] Dia 20 di ougùstùs kaba, MFK a yega na un akuerdo ku partido KEM i Zita Jesus-Leito komo parlamentario independiente pa bira partner nobo den e gabinete, dunando nan sosten pa mantene un mayoria den parlamento (11 asiento).[2][3][4] Ku esaki e gabinete no a bira demisionario ni tabata nesesario pa yama un elekshon.
Formashon
[editá | editá fuente]Un siman despues di resultado di elekshon partidonan MFK i PNP, ku ta representá 13 di e 21 asiento den parlamento, ta firma un akuerdo di intenshon pa goberná huntu i repartí e puestonan ministerial.[5][6] Dia 30 di aprel a firma e akuerdo di gobernashon 2021-2025.[7] Na inisio di e proseso di formashon a apuntá eks-minister Rutsel Martha i abogado Chester Peterson komo informador.[8] Despues Peterson so a kontinua ku e enkargo di formashon i riba petishon ta dedika atenshon na e puntonan: akuerdo di gobernashon, kombatimentu di pobresa i kriminalidat, rekuperashon di finansa públiko, desaroyo ekonómiko i retrasonan den enseñansa, drechamentu di infrastruktura i mehorashon di salú públiko.[9]
Konstelashon
[editá | editá fuente]E gabinete ta inisia su trabao ku 7 minister i dos puesto vakante.[10] Despues ku e kandidatonan Eduard Braam (MFK) i Ramon Chong (PNP) no tabata ministeriabel e puestonan di minister di Hustisia i minister di Desaroyo Ekonómiko no por a wòrdu yená.[11] Dia 22 di sèptèmber 2021 Ruisandro Cijntje ta huramentá komo minister di Desaroyo Ekonómiko (MEO).[12]
| Nomber | Minister / Ministerio | Periodo | Partido | Remarke | |
|---|---|---|---|---|---|
| Gilmar Pisas | Minister di Asuntunan General | 10 di yüni 2021 - presente | MFK | alabes Promé minister | |
| Ruthmilda Larmonie-Cecilia | Minister di Desaroyo Sosial, Labor i Bienestar (SOAW) | 10 di yüni 2021 - 21 di ougùstùs 2024 | PNP | tambe visepremier | |
| 21 di ougùstùs 2024 - presente | MFK | ||||
| Gilmar Pisas | Minister di Hustisia | interino | MFK | ||
| Shalten Hato | 18 di mart 2022 - presente | ||||
| Javier Silvania | Minister di Finansa | 10 di yüni 2021 - presente | MFK | ||
| Sithree Adalbert 'Cey' van Heydoorn | Minister di Enseñansa, Siensia, Kultura i Deporte | 10 di yüni 2021 - presente | MFK | ||
| Charles Cooper | Minister di Tráfiko, Transporte i Planifikashon Urbano | 10 di yüni 2021 - presente | MFK | ||
| Dorothy Pietersz-Janga | Minister di Salú, Medio Ambiente i Naturalesa | 10 di yüni 2021 - 8 di mart 2023 | MFK | ta retira riba petishon di MFK | |
| Javier Silvania (interino) |
8 di mart 2023 - presente | ||||
| Ornelio (Kid) Martina | Minister di Gobernashon, Planifikashon i Servisio | 10 di yüni 2021 - 21 di ougùstùs 2024 | PNP | ||
| 21 di ougùstùs 2024 - presente | MFK | ||||
| Ruisandro Cijntje | Minister di Desaroyo Ekonómiko | 22 di sèptèmber 2021 - 21 di ougùstùs 2024 | PNP | ||
| 21 di ougùstùs 2024 - presente | MFK | ||||
| Nomber | Minister plenipotensiario[13] | Periodo | Partido | Remarke | |
| Carlson Manuel | Minister plenipotensiario na Den Haag | 10 di yüni 2021 - presente | MFK | ||
| Minister plenipotensiario suplente na Den Haag |
Mira tambe
[editá | editá fuente]Fuente, nota i/òf referensia
|