Paul McCartney and Wings

Paul McCartney and Wings
Fil:Wings 1976.jpg Wings, 1975. V-H: Joe English, Denny Laine, Linda McCartney, Jimmy McCulloch og Paul McCartney.
Alias	Suzy and the Red Stripes The Country Hams
Opphav	England
Aktiv	1971–1981
Sjanger	Rock, softrock
Plateselskap	Apple, Capitol, Parlophone, Columbia
Tidlegare medlemmer	Paul McCartney Linda McCartney Denny Seiwell Denny Laine Henry McCullough Jimmy McCulloch Geoff Britton Joe English Steve Holley Laurence Juber

Paul McCartney and Wings, eller berre Wings, var eit rockeband skipa i 1971 av det tidlegare Beatles-medlemmet Paul McCartney med kona i Linda på klaverinstrument, trommeslagaren Denny Seiwell, og den tidlegare Moody Blues-gitaristen Denny Laine. Wings var kjende for mange utskiftingar i besetninga og for den store suksessen sin. Dei hadde tre forskjellige gitaristar og fire trommeslagarar. Kjernen med McCartney-partet og Laine vart verande så lenge gruppa eksisterte.

Etter McCartney-paret gav ut albumet Ram i 1971, vart dei to første albuma til bandet Wild Life og Red Rose Speedway (sistnemnde med gitaristen Henry McCullough), rekna som skuffande samanlikna med musikken Paul McCartney skreiv for The Beatles. Etter dei gav ut tittelsporet til James Bond-filmen Live and Let Die, slutta McCullough og Seiwell i bandet. McCartney-paret og Laine gav så ut Band on the Run i 1973, som vart ein stor suksess blant både kritikarane og fansen og gav to Topp 10-singlar med «Jet» og tittelsporet. Etter dette albumet henta bandet inn gitaristen Jimmy McCulloch og trommeslagaren Geoff Britton, men Britton slutta kort tid etter og vart erstatta av Joe English. Med den nye besetninga gav Wings ut Venus and Mars, med den amerikanske hitsingelen «Listen to What the Man Said», og drog ut på ein særs suksessrik verdsturné i 1975–76. Wings at the Speed of Sound kom ut midtvegs i turneen og inneheld hitsinglane «Silly Love Songs» og «Let 'Em In».

I 1977 gav bandet ut den einaste singelen deira som gjekk til topps i Storbritannia, «Mull of Kintyre», som vart den då bestseljande singelen i Storbritannia i historia. Det vart fleire utskiftingar i Wings då både McCulloch og English slutta før London Town kom ut i 1978. McCartney og Laine henta igjen inn nye medlemmar, gitaristen Laurence Juber og trommeslagaren Steve Holley. Albumet som kom ut av det, Back to the Egg, vart forholdsvis mislukka, og bandet vart sett på vent. Trass i ein siste song på toppen av den amerikanske singellista, eit konsertopptak av McCartney sin solosingel «Coming Up», vart Wings lagt ned for godt då Laine slutta i bandet i 1981.

Medverkande

Tidslinje

Besetningar

1971–1972	Paul McCartney – vokal, bass, gitar, klaverinstrument Linda McCartney – vokal, klaverinstrument Denny Laine – vokal, gitar, bass, piano Denny Seiwell – trommer, perkusjon
1972–1973	Paul McCartney – vokal, bassgitar, gitar, klaverinstrument Linda McCartney – vokal, klaverinstrument Denny Laine – vokal, gitar, bass, piano Henry McCullough – vokal, guitar Denny Seiwell – trommer, perkusjon
1973–1974	Paul McCartney – vokal, bass, gitar, klaverinstrument, trommer Linda McCartney – vokal, klaverinstrument Denny Laine – vokal, gitar, bass, piano
1974–1975	Paul McCartney – vokal, bass, gitar, piano Linda McCartney – vokal, klaverinstrument Denny Laine – vokal, gitar, bass, piano Jimmy McCulloch – vokal, gitar, bass Geoff Britton – trommer, perkusjon
1975–1977	Paul McCartney – vokal, bassgitar, gitar, piano Linda McCartney – vokal, klaverinstrument Denny Laine – vokal, gitar, bass, piano Jimmy McCulloch – vokal, gitar, bass Joe English – vokal, trommer, perkusjon
1977–1978	Paul McCartney – vokal, bass, gitar, piano, trommer Linda McCartney – vokal, klaverinstrument Denny Laine – vokal, gitar, bass, piano
1978–1981	Paul McCartney – vokal, bassgitar, gitar, piano Linda McCartney – vokal, klaverinstrument Denny Laine – vokal, gitar, bass, piano Laurence Juber – vokal, guitar Steve Holley – vokal, trommer, perkusjon

Diskografi

• Wild Life (1971)
• Red Rose Speedway (1973)
• Band on the Run (1973)
• Venus and Mars (1975)
• Wings at the Speed of Sound (1976)
• London Town (1978)
• Back to the Egg (1979)

Kjelder

• Denne artikkelen bygger på «Paul McCartney and Wings» frå Wikipedia på engelsk, den 19. mai 2018.
  • Wikipedia på engelsk oppgav desse kjeldene: