Neil Tennant
| Neil Tennant | |||
 Neil Tennant med Pet Shop Boys i Boston i 2006 | |||
| Fødd | 10. juli 1954 (70 år) | ||
|---|---|---|---|
| Fødestad | North Shields i Tyneside i England | ||
| Fødenamn | Neil Francis Tennant | ||
| Opphav | Storbritannia | ||
| Aktiv | 1981 til i dag | ||
| Sjanger | Synthpop, dance, electropop, electronica, alternativ dance | ||
| Instrument | Vokal, klaverinstrument, synthesiser, gitar | ||
| Stemmetype | tenor, kontratenor, baryton | ||
| Tilknytte artistar | Pet Shop Boys, Electronic | ||
| Plateselskap | EMI, Parlophone, Spaghetti | ||
| Verka som | Musikar, songar-låtskrivar, musikkjournalist | ||
Neil Francis Tennant (fødd 10. juli 1954) er ein engelsk musikar, songar og låtskrivar og medlem av duoen Pet Shop Boys, som han starta med Chris Lowe i 1981. Han var òg journalist og assisterande redaktør for Smash Hits i midten av 1980-åra.
Biografi
[endre | endre wikiteksten]Som tenåring var Tennant interessert i teater før han fronta det lite kjende bandet Dust. Han arbeidde så som redaktør i Marvel Comics før han vart journalist i magasinet Smash Hits. Tennant starta Pet Shop Boys i London i august 1981 etter å ha møtte Chris Low i ein elektronikkforretning. Dei oppdaga at dei delte lidenskapen for dansemusikk og synthesizerar og dei ønskte med ein gong å starte eit band i lag. Karrieren til duoen skaut først dart då Tennant møtte produsenten Bobby "O" Orlando, medan han var på jobb som journalist. Orlando produserte den første singelen deira, «West End Girls» i 1984. Songen vart ein mindre hit i USA, men selde dårleg i Storbritannia, og oppfølgjaren «One More Chance», gjorde det heller ikkje særleg bra. Då Pet Shop Boys fekk kontrakt med EMI gav dei i 1985 ut «Opportunities (Let's Make Lots of Money)», men heller ikkje denne selde særleg godt. Det verka ikkje som om duoen hadde noko framtid, då dei gav ut ein ny versjon av «West End Girls, produsert av Stephen Hague, og songen vart ein internasjonal bestseljar. Den massive suksessen til singelen førte debutalbumet til Pet Shop Boys, Please inn på topp 10 i Storbritannia, og då «Opportunities» vart gjeven ut på ny, vart denne òg ein hit. I 1987 gav duoen ut Actually, med tre hitsinglar, «It's a Sin», «Always on My Mind» og «What Have I Done to Deserve This?», ein duett mellom Tennant og Dusty Springfield. Eit år seinare gav Pet Shop Boys ut den tredje plata si, Introspective med singelen «Domino Dancing». Duoen samarbeidde med mange artistar, som Liza Minnelli i 1989.
Tennant var òg med i gruppa Electronic i lag med den tidlegare New Order-frontmannen Bernard Sumner og den tidlegare Smiths-gitaristen Johnny Marr. Dei fekk ein hit med singelen «Getting Away With It». The Pet Shop Boys kom saman att i 1990 og gav ut Behavior. I 1991 fekk dein ein hit med ein medley av U2 sin «Where the Streets Have No Name» og Frankie Valli sin «Can't Take My Eyes Off You».
Kjelder
[endre | endre wikiteksten]- Denne artikkelen bygger på «Neil Tennant» frå Wikipedia på engelsk, den 16. mai 2016.
- Wikipedia på engelsk oppgav desse kjeldene:
Bakgrunnsstoff
[endre | endre wikiteksten]- Pet Shop Boys offisiell nettstad
- Neil Tennant sin diskografi på Discogs
- Neil Tennant ved The Internet Movie Database (IMDb)