Anchorage

Anchorage
Horisonten til Anchorage
Styresmakter
USA	USA
Borgarmeister	Suzanne LaFrance
Geografi
Flatevidd	5 035,063041 km²
Innbyggjarar  - By (1. april 2020)	291 247
Høgd over havet	31 m
Tidssone	UTC-09:00, UTC-08:00 (UTC)
Diverse anna
Heimeside: https://www.muni.org/
Plassering
Plasseringa av Anchorage (raud) i Alaska Plasseringa av Anchorage (raud) i Alaska

Anchorage er ein by og ein kommune («borough») i den USA-amerikanske delstaten Alaska. Kommunen har ei flatevidd på 5 079,2 kvadratkilometer og 291 826 ibuarar (2010); drygt 40 % av folket i Alaska bur såleis i kommunen. Sjølve byen har i kring 240 000 ibuarar. Ordet «anchorage» tyder ankerplass.

Anchorage by ligg på 61,2° nordleg breidd i den sentrale delen av delstaten, ved Chickaloon Bay, ca 1 000 km vest om Juneau, hovudstaden i Alaska. På grunn av nærleiken til havet er klimaet ikkje så kaldt som på stader i innlandet på same breiddegrad, somrane er derimot litt svalare enn dei i innlandet, så som Fairbanks.

Den 27. mars 1964 gjorde eit jordskjelv store skader på bygningar i byen, og fleire menneske omkom. Det såkalla Langfredagsskjelvet vart målt til 9,2 på Richterskalaen, og er det kraftigaste jordskjelvet i USA. I dag er City-hospitalet, teikna av Frank Lloyd Wright, den mest kjende bygningen i Anchorage.

I Anchorage finst to universitet, University of Alaska (skipa 1954) og Alaska Pacific University (skipa 1957).

Samferdsle

Anchorage har ein stor internasjonal flyplass, Ted Stevens Anchorage International Airport. Fly er eit viktig transportmiddel, mange gamle propellfly som DC-3 flyg framleis kommersielt i denne delstaten.

Anchorage er knytt til den einaste jarnvegen i Alaska; Alaska Railroad.

Kjelder

• Denne artikkelen bygger på «Anchorage» frå Wikipedia på svensk, den 2. august 2012.

Bakgrunnsstoff

Commons har multimedium som gjeld: Anchorage

• Municipality of Anchorage (engelsk)