Msaada wa Kibinadamu

Mratibu wa Misaada ya Kibinadamu wa Umoja wa Mataifa nchini Jamhuri ya Kidemokrasia ya Congo (DRC), Bruno Lemarquis, leo (11 Feb) ameeleza kwamba uamuzi wa serikali ya Marekani kusimamisha msaada wa kigeni “ni chanzo kikubwa cha wasiwasi,” kwani mashirika kadhaa ya Umoja wa Mataifa na mengine yasiyo ya kimataifa yanayofanya kazi mashinani yameathirika vibaya, kama sio kusitisha kabisa shughuli zao.

Huku kukiwa na hofu kwamba makubaliano ya kusitisha mapigano ya wiki tatu kati ya wapiganaji wa Hamas na Israeli yanakaribia kumalizika, Katibu Mkuu wa Umoja wa Mataifa António Guterres amesisitiza leo Jumanne, Februari 11 kuwa kurejea kwa vita huko Gaza lazima kuepukwe kwa gharama zozote.

Huko Mashariki ya Kati Mkuu wa ofisi ya Umoja wa Mataifa ya Kuratibu Misaada ya Dharura, OCHA Tom Fletcher alifanya ziara ya siku tatu huko Ukingo wa Magharibi na Gaza ili kujionea hali halisi ya raia.

Shirika la Umoja wa Mataifa la Mpango wa Chakula Duniani (WFP) nchini Sudan limekaribisha mchango wa dola milioni 6.7 kutoka shirika la Italia la Ushirikiano na Maendeleo (AICS) utakaowezesha kupatia watoto, wajawazito  na wanawake wanaonyonyesha 200,000 vyakula maalum vyenye lishe vya lishe katika majimbo ya Gedaref na Kassala.

Wakati jeshi la Israeli lilipomaliza kujiondoa mwishoni mwa wiki kutoka kwenye ukanda muhimu wa usalama huko Gaza ambao ulikuwa umekata eneo hilo katika sehemu mbili, mashirika ya kibinadamu ya Umoja wa Mataifa leo yametoa ombi jipya la kukomeshwa kwa vikwazo vyote vya misaada ambavyo vinaendelea kuzuia utoaji wa msaada wa kuokoa maisha.

Katika kambi ya wakimbizi ya Kakuma, kutokana na ufadhili wa shirika la Umoja wa Mataifa la Mpango wa Chakula Duniani (WFP), kundi la vijana wanajishughulisha na ufugaji wa wadudu nyenje (Crickets) ili kukabiliana na changamoto ya utapiamlo miongoni mwa watoto wachanga. Anold Kayanda na maelezo zaidi.

Historia ya nchi ya Jamhuri ya Kidemokrasia ya Congo (DRC), imeangaziwa na vita vikali vinavyohusishwa na ukosefu wa utulivu wa kisiasa wa kitaifa, mwingiliano wa migogoro ya kikanda, na unyonyaji wa maliasili nyingi za taifa hilo la Afrika ya Kati. Tangu uhuru wa nchi hiyo mwaka 1960, Umoja wa Mataifa umeleta manufaa sana nchini DRC, ikiwa ni pamoja na kutumwa kwa operesheni tatu za amani ambazo kwa upande wake zimechagiza shughuli za ulinzi wa amani za Umoja wa Mataifa katika kipindi cha miaka 65 iliyopita.

Kuongezeka kwa ghasia za hivi majuzi huko mashariki mwa Jamhuri ya Kidemokrasia ya Congo, DRC kumesababisha hasara kubwa ya maisha, kiwewe, kuhama makazi, na uharibifu wa miundombinu muhimu ya afya, na kuzidisha hali ambayo tayari ni mbaya kwa mamilioni ya watu. Hali imebaki kuwa ya wasiwasi na tete, na mahitaji ya afya ni makubwa, limesema Shirika la Umoja wa Mataifa la Afya ulimwenguni, WHO leo jijini Geneva, Uswisi.

Mgogoro wa kibinadamu unazidi kuongezeka nchini Haiti huku makundi yenye silaha yakiendelea kutekeleza ukatili wa kutisha dhidi ya watoto limesema leo shirika la Umoja wa Mataifa la kuhudumia watoto UNICEF.

Sasa ni wakati wa kumaliza mzozo mashariki mwa Jamhuri ya Kidemokrasia ya Congo DRC, amesema Katibu Mkuu wa Umoja wa Mataifa leo katika mkutano na waandishi wa habari mjini New York Marekani.