Jump to content

World Checklist of Selected Plant Families

Manipud iti Wikipedia, ti nawaya nga ensiklopedia

Ti World Checklist of Selected Plant Families (kadawyan a maipangyababa iti WCSP) ket ti maysa nga "internasional a kolaboratibo a programa a mangited iti kaudian a rinepaso dagiti agkakadua ken dagiti naipablaak a kapanunotan iti naawat a sientipiko a nagnagan ken dagiti sinonimo kadagiti napili a pamilia ti mula."[1] Tinaripato babaen ti Royal Botanic Gardens, Kew, daytoy ket magun-od iti online, a mangipalubos kadagiti panagbiruk para kadagiti nagan dagiti pamilia, dagiti henero ken dagiti sebbangan, ken ti abilidad nga agpartuat kadagiti listaan iti panangisagana.

Tugotan ti proyekto ti pakasaritaanna iti obra a naaramid kadagiti tawen ti 1990 babaen ti agsuksukimat iti Kew a ni Rafaël Govaerts iti maysa a listaan iti panangisagana iti henero ti Quercus. Inimpluensiaan babaen ti Global Strategy for Plant Conservation, dimmakel ti proyekto. Manipud idi Enero 2013, nairamanen dagiti 173 a pamilia dagiti agbukel a mula.[1] Kompleto ti panagsakup dagiti pamilia ti monocotyledon; ken agdama a mainaynayon dagiti sabali a pamilia.[2]

Adda pay maysa a komplementario a proyekto a tinawtawagan iti International Plant Names Index (IPNI), a nairaman pay ti Kew. Mangigandat ti IPNI a mangited kadagiti salaysay iti pablaak ken saan a mangigandat a mangikeedeng no ania dagiti maawat a nagan ti sebbangan. Kalpasan ti pannakataktak iti maysa a tawen , dagiti kabarbaro a naipablaak a nagan ket automatikoda a mainayon manipud iti IPNI iti WCSP.[2] Ti WCSP pay ti maysa kadagiti gapuanan dagiti database para iti The Plant List, a pinartuat babaen ti Kew ken ti Missouri Botanical Garden, a naluktan idi 2010.[3]

Kitaen pay

[urnosen | urnosen ti taudan]

Dagiti nagibasaran

[urnosen | urnosen ti taudan]
  1. ^ a b World Checklist of Selected Plant Families, Royal Botanic Gardens, Kew, naala idi 2012-01-06
  2. ^ a b "About the Checklist", World Checklist of Selected Plant Families, Royal Botanic Gardens, Kew, naiyarkibo manipud iti kasisigud idi 2012-09-11, naala idi 2012-01-06
  3. ^ World's Largest Plants Database Assembled, Discovery News, 2010, naiyarkibo manipud iti kasisigud idi 2012-07-13, naala idi 2019-03-27

Dagiti akinruar a silpo

[urnosen | urnosen ti taudan]
Naala manipud iti "https://ilo.wikipedia.org/w/index.php?title=World_Checklist_of_Selected_Plant_Families&oldid=401403"