Airco DH.9
Airco DH.9 (1920 թվականից հետո հայտնի է որպես de Havilland DH.9), բրիտանական ռմբակոծիչ ինքնաթիռ, որը նախագծվել է Ջեֆերի դը Հեվլենդի կողմից 1917 թվականին բազմաֆունկցիոնալ Airco DH.4 բիպլանի հիման վրա և կիրառվել է Առաջին համաշխարհային պատերազմի տարիներին։ Ինչպես DH.4-ը, այնպես էլ DH.9-ի նախնական տարբերակները հավաքվել են 230 ձիաուժ և 240 ձիաուժհզորությամբ ջրային հովացման համակարգ ունեցող Siddeley Puma շարժիչներով[1]։ Ավելի ուշ ստեղծված մոդելներում տեղադրվել են առավել հզոր՝ 400 ձիաուժ հզորությամբ Liberty L-12 և 450 ձիաուժ հզորությամբ Napier Lion շարժիչներ[2]։ DH.9 ինքնաթիռները սովորաբար զինված են եղել երկու 230 կամ չորս 112 ֆունտ կշիռ ունեցող ռումբերով, որոնք տեղադրված են եղել թևերի արտաքին կախիչներում, ինչպես նա երկու կամ երեք գնդացիրներով («Վիկերս», «Լուիս»[1]։ 1918 թվականի հունիսին[3] բրիտանական զորքերը համալրվում են արդիականացված DH.9A ինքնաթիռներով, որոնց թևերի մակերեսը ավելի լայն էր, իսկ շարժիչը փոխարինված 375 ձիաուժ հզորությամբ Rolls-Royce և 400 ձիաուժ հզորությամբ Liberty շարժիչներով[2]։
DH.9, հմեմատած DH.4-ի հետ, պահանել է թևը։ Հիմնական փոփոխությունները առնչվել են ֆյուզելյաժ դասավորությանը[2]։ Օդաչուի խցիկը տեղափոխվել է թևի կենտրոնից հետ՝ թևի եզր, ինչը նվազեցրել է տեսադաշտը[3]։ Թևի կենտրոնում ստեղծվել է ռազմամթերքի սրահը և հովացման համակարգի ջրի տարան[2][3]։ Քաշը հնարավոր է եղել նվազեցնել 45 գ-ով, ինչի հետևանքով վայրէջքի արագությունը 80-ից դարձել էր 91 կմ/ժ[2]։ Նոր մեքենան համարվում էր անհաջող, քանի որ բոլոր թռիչքային ցուցանիշներով զիջում էր DH.4-ին[1]։ Միակ ցուցանիշով, որով այն առավելություն ուներ իր նախօրդից այն էր, որ օդաչուն կարողանում էր ավելի արագ և օպերատիվ կապ հաստատել գնդացրորդի հետ[3]։
Չնայած հայտնաբերված թերությունների ու խնդիրների՝ DH.9-ից 1917 և 1918 թվականներին արտադրվել է 3,204 հատ[3]։ Այդ ինքնաթիռների մեծ մասը օգտագործվել է Առաջին համաշխարհային պատերազմի արևմտյան ռազմաճակատում, մնացածը՝ րևելյան ռազմաճակատում, Միջերկրական ծովում, Մերձավոր Արևելքում։ Պատերազմից։ Պատերազմից հետո ինքնաթիռները սպիտակգվարդիականների կողմից մասնակցել են Ռուսաստանի քաղաքացիական պատերազմին[3]։
Տակտիկական և տեղնիկական բնութագիր
[խմբագրել | խմբագրել կոդը]Տեղնիկական բնութագիր
[խմբագրել | խմբագրել կոդը]- Անձնակազմը՝ 2 հոգի
- Բեռնատարողությունը՝ 508 գ (1121 ֆունտ)
- Երկարությունը՝ 9,4 մ
- Թևի բացվածքը՝ 12,93 մ
- Բարձրությունը՝ 3,4 մ
- Թևի մակերեսը՝ 40,4 մ²
- Զանգվածը՝ 999 կգ
- Մաքսիմալ զանգվածը թռիչք կատարելու համար՝ 1766 կգ կգ
Թռիչքի բնութագիր
[խմբագրել | խմբագրել կոդը]- Առավելագույն առագությունը՝ 177 կմ/ժ 3000մ-ին
- Ճնշումը թևի վրա՝ 43,7 կգ/մ²
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Murphy, J. D. Military Aircraft, Origins to 1918: An Illustrated History of Their Impact. — ABC-CLIO, 2005. — P. 167. — ISBN 9781851094882
- ↑ 2,0 2,1 2,2 2,3 2,4 Jane's Fighting Aircraft of World War I (репринт издания 1919 года). — London: Studio Editions/Jane's, 1990. — P. 43-45. — 320 p. — ISBN 1851703470
- ↑ 3,0 3,1 3,2 3,3 3,4 3,5 Murphy, J. D. Military Aircraft, Origins to 1918: An Illustrated History of Their Impact. — ABC-CLIO, 2005. — P. 168. — ISBN 9781851094882
Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Airco DH.9 կատեգորիայում։ |
- British Aircraft Directory Entry for Airco DH.9. Արխիվացված 2007-09-30 Wayback Machine(անգլ.)
- DH9 at Imperial War Museum, Duxford. Արխիվացված 2007-04-28 Wayback Machine(անգլ.)