Կալուգայի մարզ

Կալուգայի մարզ Калужская область
flag of Kaluga Oblast? Զինանշան
Երկիր	Ռուսաստան
Մասն է	Կենտրոնական դաշնային շրջան
Հիմն	Q116621621?
Կարգավիճակ	Ռուսաստանի երկրամաս
Մտնում է	Ռուսաստան
Վարչկենտրոն	Կալուգա
Օրենսդրական մարմին	Regional parliament of Kaluga?
Բնակչություն	▲1 000 980 մարդ (հունվարի 1, 2021)
Տարածք	29 800 կմ²
Հիմնադրված է	հուլիսի 5, 1944 թ.
Սահմանակցում է	Մոսկվա, Մոսկվայի մարզ, Տուլայի մարզ, Օրյոլի մարզ, Բրյանսկի մարզ և Սմոլենսկի մարզ
Ժամային գոտի	MSD? և Եվրոպա/Մոսկվա
Փոխարինեց	Կալուժսկայա գուբերնիա
ISO 3166-2 կոդ	RU-KLU
Ավտոմոբիլային կոդ	40
admoblkaluga.ru
Կալուգայի մարզ Վիքիպահեստում

Կալուգայի մարզ (ռուս.՝ Калужская область)՝ մարզ Ռուսաստանում։ Կազմվել է 1944 թվականի հուլիսի 5-ին։ Տարածությունը 29,9 հազար կմ² է, բնակչությունը՝ 1 005 585։ Բաժանված է 23 շրջանի, ունի 17 քաղաք։ Կենտրոնը՝ Կալուգա։ 1967 թվականի հուլիսի 25-ին պարգևատրվել է Լենինի շքանշանով։

Աշխարհագրություն

Կալուգայի մարզի մակերևույթը բլրաթմբային է՝ մասնատված գետահովիտներով, հեղեղատներով։ Հյուսիս-արևմուտքում և հյուսիսում տարածված են մորենային, հարավարևմուտքում՝ գանդրային, կենտրոնական և արևելյան մասում՝ էրոզիոն հարթությունները։ Տերիտորիայի առավելագույն բարձրությունը 270-280 մ է։ Կլիման բարեխառն է, ամառը՝ չափավոր տաք և խոնավ, ձմեռը՝ չափավոր ցուրտ՝ ձյան կայուն շերտով։ Հուլիսի միջին ջերմաստիճանը 17,5 °C-ից մինչև 18,5 °C է, հունվարինը՝ -9 °C-ից - 10, 3 °C։ Տարեկան տեղումները՝ 550-650 մմ։

Կալուգայի մարզի քաղաքներն են․ Կալուգա, Բալաբանովո, Բելոուսովո, Բորովսկ, Երմոլինո, Ժիզդրա, Ժուկով, Լյուդինովո, Կիրով, Կոզյոլսկ, Կոնդրովո, Կրեմյոնկի, Մալոյարոսլավեց, Մեդին, Մեշյովսկ, Մոսալսկ, Յուխնով, Սոսենսկի, Սպաս-Դեմենսկ, Սուխինիչի, Տարուսա, Օբնինսկ։

Բնակչություն

Բնակիչները հիմնականում ռուսներ են։ Միջին խտությունը 1 կմ² վրա 33 մարդ է։

Ֆլորա և ֆաունա

Խոշոր գետերն են Օկան (Ուգրա, ժիզդրա, Պրոտվա վտակներով) և Դեսնայի վտակ Բոլվան։ Անտառները գրավում են տարածքի ավելի քան 40% ը։ Գերակշռում են կեչին, կաղամախին, սոճին, եղևնին։ Անտառներում հանդիպում են աղվես, գայլ, նապաստակ, որմզդեղն։ Կան թռչունների շատ տեսակներ։

Արդյունաբերություն

Արդյունաբերության առաշատար ճյուղերն են մեքենաշինությունը և մետաղամշակությունը։ Զարգացած են նաև փայտամշակությունը, թաղանթանյութի, թղթի, թեթև և սննդի արդյունաբերությունը։ Գյուղատնտեսությունը մասնագիտացած է կաթնատու անասնապահության, խոզաբուծության ուղղությամբ։

Գյուղատնտեսություն

Զարգացած է կարտոֆիլի, բանջարեղենի արտադրությունը և մասամբ՝ վուշագործությունը։ Մշակում են ցորեն, գարի, տարեկան, վարսակ, հնդկացորեն, կերային կուլտուրաներ։ Ունի 868 կմ երկաթուղի և ավտոմոբիլային ճանապարհների խիտ ցանց։ Նավարկելի է Օկա գետը։

Կալուգայում կա օդանավակայան։

Գրականություն

• Атлас Калужской области / Автор-составитель В. В. Трефилов; Ред. Н. В. Солнцева.. — Калуга։ Золотая аллея, 2002. — 176 с. — 4 000 экз. — ISBN 5-7111-0338-5

Վիքիպահեստն ունի նյութեր, որոնք վերաբերում են «Կալուգայի մարզ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 186)։