Näsilinna
| Näsilinna | |
|---|---|
 Näsilinna en setembro de 2015. | |
| Edificio | |
| Estilo | Neobarroco |
| Localización | Näsinpuisto Tampere (Finlandia) |
| Coordenadas | 61°30′15″N 23°45′12″L / 61.504166666667, 23.753333333333 |
| Uso(s) | Museo Milavida e Café Milavida |
| Remate | 1898 |
| Dimensións | |
| Superficie | 1 192 |
| Plantas | 3 |
| Equipo | |
| Arquitecto(s) | Karl August Wrede |
| [ editar datos en Wikidata ] | |
.jpg)
Näsilinna é un palacio neobarroco situado no parque de Näsinpuisto en Tampere, Finlandia. Foi construído por Wilhelm von Nottbeck, fillo de Peter von Nottbeck. Finalizado en 1898, o seu nome orixinal era Milavida. O edificio foi deseñado polo arquitecto Karl August Wrede.[1] Descoñécese o significado e a historia do nome Milavida.[2]
Traxedia familiar
[editar | editar a fonte]O Milavida, onde vivía a familia Nottbeck, era unha vila de madeira ao lado de Näsikallion. Con todo, non toda a familia chegou vivir no novo Milavida;[1] só os nenos viviron alí un par de anos co servizo.[2] A muller de Peteri, Olga von Nottbeck, morreu cando estaba a dar a luz a xemelos en outubro de 1898 en Baden-Baden, e medio ano despois o propio Peter morreu nunha cirurxía de colon nun hospital de París. Os nenos quedaron baixo a titela de Edvard von Nottbeck, e en 1905 vendeu o palacio á cidade de Tampere.[1].
Näsilinna
[editar | editar a fonte]A cidade mudou o nome do palacio a Näsilinna, e en 1908 abriu o museo de Häme, dirixido por Gabriel Engberg. Engberg tamén viviu en Näsilinna.[3] Durante a guerra civil finlandesa a principios do ano 1918, o hospital da Cruz Vermella e a base vermella operaron no edificio,[4] que sufriu graves danos durante a guerra.[1] Durante a batalla de Tampere Näsilinna mudou de mans tres veces entre os días 3 e 4 de abril.[5] O edificio recibiu en torno a 4 000 disparon. Na segunda guerra mundial o palacio acolleu pola forza antiaérea xunto con gardas da liña férrea Tampere-Pori.[6]
O museo de Häme operou no palacio entre 1908 e 1997. A partir de 1998 o edificio permaneceu pechado durante 17 anos en espera dunha renovación.[6][2]
Näsilinna foi restaurado entre 2013 e 2015. O custo total do proxecto ascendeu a cinco millóns de Euros.[7] As estancias do primeiro andar foron devoltas ao estilo orixinal dos von Nottbeckin e incluíse un restarante, unha cafetería e unha recepción para o museo. No segundo andar mantívose a división da década de 1950 e agora acolle o Museo Milavida.[8]
Museo Milavida
[editar | editar a fonte]- Artigo principal: Museo Milavida.
O Museo Milavida é un museo fundado en 2015 en Näsilinna que presenta dúas exhibicións que van cambiando a diferentes ritmos. As coleccións adoitan realizarse con coleccións propias dos museos de Tampere, e presentan a historia de Näsilinna, a familia von Nottbeck e o museo de Häme.[9]
O Milavida orixinal
[editar | editar a fonte]A Milavida orixinal foi construído en 1860 por Wilhelm von Nottbeck e era unha vila de madeira e estaba situada en Näsipuisto ao final da actual rúa Näsijarvi (en finés Näsijärvenkatu). Converteuse en propiedade da cidade de Tampere en 1905, cando foi arrendada a un comerciante que abriu alí un restaurante e unha hospedería en 1906. A vila foi gravemente danada por un incendio en 1913 e foi demolida. O único que queda é unha adega subterránea de 35 metros cadeados e dúas habitacións unha entrada de ladrillo vermello ornamentada. A adega é un dos Adoptoi monumentti Tampere e foi restaurado en 2016. Abriu as súas portas en verán de 2017.[10]
Na cultura popular
[editar | editar a fonte]O filme de Claes Olsson de 2012 Taistelu Näsilinnasta 1918 trata sobre a loita por Näsilinna durante a batalla de Tampere na guerra civil finlandesa de 1918.[11]
Notas
[editar | editar a fonte]- ↑ 1,0 1,1 1,2 1,3 Sainio, Sari (24 de xuño de 2011). "Onnettomien tarinoiden palatsi". Aamulehti (en finés). p. A13.
- ↑ 2,0 2,1 2,2 Leinonen, Liisa (15 de Janeiro de 2015). "Näsilinnasta kuoriutuu pressujen alta Museo Milavida" (en finés). =Yle. Consultado o 27 de febreiro de 2021.
- ↑ Gabriel Engberg – Näköala vuorelta. Niinivaara Seppo, Tampereen taideyhdistys 1988
- ↑ "Milavida" (en finés). Museo Milavida. Consultado o 27 de febreiro de 2021.
- ↑ Suodenjoki, Sami. "Valkoinen valta Tampereelle" (en finés). Koskesta voimaa. Consultado o 27 de febreiro de 2021.
- ↑ 6,0 6,1 Heinänen, Liisa (1 de marzo de 2013). "Näsilinnaan palaa Tampereen yläluokan ylellinen ympäristö". Aamulehti (en finés). p. A05.
- ↑ Matson-Mäkelä, Kirsi; Vesanummi, Mari (2 de marzo de 2014). "Vanhan arvotalon remontissa historia löytyy seinistä ja lattioista". Ylen uutiset (en finés). Consultado o 27 de febreiro de 2021.
- ↑ Airo, Tatu (13 de novembro de 2013). "Tällainen Tampereen Näsilinnasta tulee". Aamulehti (en finés). p. A08.
- ↑ "Tampereen kaupunki". Arquivado dende o orixinal o 11 de febreiro de 2016. Consultado o 27 de febreiro de 2021.
- ↑ Vasara, Päivi (6 de xuño de 2017). "Milavidan kellariin ei enää valu vesi sisään". Aamulehti, Moro (en finés). pp. 12–13.
- ↑ "Taistelu Näsilinnasta 1918 (2012)" (en inglés). IMDb. Consultado o 27 de febreiro de 2021.
Véxase tamén
[editar | editar a fonte] |
Wikimedia Commons ten máis contidos multimedia na categoría: Näsilinna  |
Véxase tamén
[editar | editar a fonte]- Visita virtual a Näsilinna
- Sitio web do museo (en finés) (en inglés)
- Información sobre Edvard von Nottbeck Arquivado 04 de marzo de 2016 en Wayback Machine. (en finés)
