Hoekske Waard (gemeente)

Gemeente Hoekske Waard ; Gemeente Hoeksche Waard
	; Rekreaasjegebiet by Mijnsheerenland.
lokaasje
polityk
lân	Nederlân
provinsje	Súd-Hollân
boargemaster	Charlie Aptroot (VVD)
sifers en geografy
haadplak	Ald-Beierlân
grutste plak	Ald-Beierlân
ynwennertal	86.565 (1 jannewaris 2019)
befolkingstichtens	322 / km²
oerflak	323,69 km²
● wêrfan lân	268,93 km²
● wêrfan wetter	54,76 km²
tal doarpen	18
ferkearsieren	A29, N217
skiednis
oprjochte	2019
oant 1984	18 ferskillende gemeenten
1984 – 2019	Binnenmaas ; Cromstrijen ; Korendijk ; Ald-Beierlân (Oud-Beijerland) ; Strijen
oar
netnûmer	0186 / 078
postkoade	3260-3299
tiidsône	UTC +1
simmertiid	UTC +2
webside	www.gemeentehw.nl

De Wikipedy hat ek in side Hoekske Waard. (eilân)

Hoekske Waard (Nederlânsk en offisjeel: Hoeksche Waard) is in gemeente yn de Nederlânske provinsje Súd-Hollân. De gemeente ûntstie nei in gemeentlike weryndieling mei yngong fan 1 januari 2019 en omfiemet njonken it eilân Hoekske Waard ek it eilân Tiengemeten.

Skiednis

Yn 2004 stelde de provinsje Súd-Hollân in gemeentlike weryndieling foar. De gemeenten Binnenmaas, Cromstrijen, 's-Gravendeel, Korendijk, Ald-Beierlân en Strijen soene gearfoege wurde moatte ta ien gemeente Hoekske Waard. Folksstimmings yn in tal gemeenten laten ta dat it foarstel waard letter wer ôfsein waard. Der waard al in Kommisje Hoekske Waard oprjochte dy't him op it mêd fan regionale fraachstikken dwaande hold. Op 1 janewaris 2007 waarden de gemeenten Binnenmaas en 's-Gravendeel gearfoege ta de gemeente Binnenmaas.

Yn 2014 hawwe de boargemasters fan de fiif gemeenten oansetten ta in nij ûndersyk oangeande de takomst fan de Hoekske Waard. Yn it ûndersyk waard nei twa mooglikheden sjoen: it fuortsterkjen en fergrutsjen fan it gearwurkjen of weryndieling fan de fiif gemeenten. De opsje weryndieling waard troch de gemeenterieden fan Strijen en Ald-Beierlân stipe, wylst dy fan Binnenmaas, Cromstrijen en Korendijk in better gearwurkjen stipen.

De rieden fan de fiif gemeenten wiene lykwols fan betinken dat neat dwaan gjin opsje wie en wêrom't der mar twa mooglikheden ûndersocht waarden. Net ien fan de beide mooglikheden koene op in oertsjûgjende stipe rekkenje. De provinsje Súd-Hollân besleat lang om let yn july 2016 de weryndielingsproseduere troch te setten en stelde foar de fiif gemeenten gear te foegjen ta de nije gemeente Hoekske Waard.

Dat provinsjale foarstel waard oan de Twadde Keamer dien en dy stimde op 24 april 2018 der mei yn en de Earste Keamer die dat op 10 july 2018. Mei yngong fan 1 jannewaris 2019 waard de weryndieling wiermakke. De weryndielingsferkiezings waarden op 21 novimber 2018 holden.

Ferfier

IJsselmonde en it Eilân fan Doardt binne mei de Hoekske Waard ferbûn troch tunnels; de Heinenoordtunnel en de Kiltunnel. Oer de Hjerringflietbrêge kinne Goeree-Oerflakkee en Noard-Brabân berikt wurde. Foarne-Putten en Tiengemeten binne allinnich oer it fear te berikken. It fear nei Foarne-Putten fart tusken Nij-Beierlân en Hekelingen. Oer it eilân rinne in part fan de A29 en de provinsjale wei N217, dy't de wichtichste ferbiningswei oer it eilân is fan it fear by Nij-Beierlân oant en mei de Kiltunnel by 's-Gravendeel. De N491 is de streamwei tusken de N217 en it doarp Strijen.

Polityk

De gemeenterie fan de gemeente Hoekske Waard bestiet út 37 sitten. Hjirûnder stiet de gearstalling fan de gemeenterie sûnt 2019:

Sitten gemeenterie
Partij	2019	2022
CDA	8	6
Lokalen Hoeksche Waard	¹	5
SGP	6	5
VVD	4	5
D66	3	2
GrienLinks	3	2
KristenUny	2	2
PvdA	2	2
Cromstrijen '98	1
Hoeksche Waardse Senioren Partij	1
Totaal	37	37

¹ Mireille Louwerens, mei foarkarstimmen keazen op de list fan Hoeksche Waardse Senioren Partij, stapte noch foar de ynstallaasje fan de nije gemeenterie oer nei de fraksje fan Lokalen Hoeksche Waard.

Súd-Hollân