Mikel Pagadizabal

Mikel Pagadizabal
Bizitza
Jaiotza	Villabona-Amasa, 1974ko abuztuaren 27a (50 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	aktorea, komediantea, gidoilaria eta telebista aurkezlea

Mikel Pagadizabal Amiano (Villabona, Gipuzkoa, 1974ko abuztuaren 27a) euskal aktorea eta umorista da. ETB1eko Wazemank saioan hasi zuen bere tekebistako ibilbidea. Berak dioenez, Anjel Alkainek salbatu egin zuen aktore modura kontratatu zuenean.

Wazemanken arrakastaren ondoren, lan-talde berdinarekin saio gehiagotan aritu zen: Noaoa!, Finlandia, Brinkola, Wazemank 2.0 eta Wazemank 3.0.

2010etik 2013ra Euskadi Irratian aritu zen umorezko saio batean Jon Iraolarekin, Anjel Alkainekin eta Ilaski Serranorekin batera.

Irratian amaitu eta Airean saioan aritu zen denboraldi batez kolaborzataile modura, Jaime Otamendirekin batera.

Hala ere, Wazemanken ondorengo bere bigarren arrakasta Herri txiki, infernu handi izan da. Bertan aurkezle lanetan ikusi genuen lehenengoz Zuhaitz Gurrutxagarekin batera. Saio honekin gainera, Gabon Gaueko gala (Euskal Kantuen Gaua) eta Urte Zahar Gaueko kanpaikadak aurkeztu ditu.

2019an Autentikoak saioa ere aurkeztu zuen Fermin Etxegoienekin batera. Hala ere, programak ez zuen arrakastarik izan eta 6 atal bakarrik egin zituzten.

Ibilbidea


Urtea	Lana	Katea	Postua
2005-2007	Wazemank	ETB 1	Aktorea
2007-2008	Noaoa!	ETB 1	Aktorea
2009	Brinkola	ETB 1	Aktorea
2009	Wazemank 2.0	ETB 1	Aktorea
2010	Wazemank 3.0	ETB 1	Aktorea
2011-2012	Finlandia	ETB 1	Aktorea
2010-2013	Oilategia	Euskadi Irratia	Aktorea
2013-2014	Airean	ETB 1	Kolaboratzailea
2015- gaur egun	Herri txiki, infernu handi	ETB 1	Aurkezlea
2015	Vaya Semanita	ETB 2	Aktorea
2015-2018	Herri txiki kantari	ETB 1	Aurkezlea
2016-2020	Urte amaierako kanpaikadak	ETB 1 / ETB 2	Aurkezlea
2017-2018	Herri city	ETB 1	Aurkezlea
2019	Autentikoak	ETB 1	Aurkezlea
2021 - 2023	Herri Txiki Zirku Handi	ETB 1	Aurkezlea

Kanpo estekak

Datuak: Q12263629