Kaxildo Alkorta

Kaxildo Alkorta
Bizitza
Jaiotza	Getaria, 1943ko apirilaren 3a
Herrialdea	Gipuzkoa, Euskal Herria
Heriotza	Bilbo, 2021eko urriaren 10a (78 urte)
Hezkuntza
Hizkuntzak	euskara; gaztelania
Jarduerak
Jarduerak	itzultzailea eta idazlea

Kaxildo Alkorta Barrena (Getaria, Gipuzkoa, 1943ko apirilaren 3a - Bilbo, Bizkaia, 2021eko urriaren 10a) itzultzailea, idazlea eta Mendebalde Kultura Alkartearen lehendakaria izan zen. Administrazioa euskaraz aldizkarian idazten zuen.

Bizitza

Getariarra jaiotzez, urte asko eman zuen Portugaleten (Bizkaia) bizi izaten. Jesuita izandakoa, Filosofia ikasketak egin zituen. Soldadutzatik itzulitakoan Portugaleten gelditu zen eta han, 1969an, bertako ikastolan hasi zen lanean, eskolak ematen. Ondoren, hogeita bost urtez IVAPen itzultzaile lanean aritu zen. Erretiroa hartuta, Mendebalde Kultura Alkartean jarraitu zuen lanean, 2010etik lehendakari gisa, eta prentsan idazten. 2012ko Bilboko Liburu Azokan bere elkartearen izenean Urrezko Luma saria jaso zuen.^[1]

Euskal Itzultzaile, Zuzentzaile eta Interpreteen Elkarteko (EIZIE) kide zen. Gainera, haren zuzendaritzako kide izan zen 1988tik 1993ra bitartean.^[2]

2013an Euskaltzaindiak euskaltzain urgazle izendatu zuen.^[3] Lehenagotik, 2001. urtetik, Euskaltzaindiaren Euskalkien lantaldean lan egiten ziharduen.^[4]

2017az geroztik Bilbon bizi zen,^[5] eta han hil zen 2021eko urriaren 10ean.

Liburuak

Giza zirriborroa. Bilbo: Etor-Mensajero, 1972. ISBN 978-84-271-0751-9
Batua, euskalkiek osatu, indartu eta joritu beharrekoa. Manu Ormazabalekin batera. Bilbo: Mendebalde Kultura Alkartea, 1998.
Atzorik etzira. Bilbo:Mendebalde Kultura Alkartea, 2008. ISBN 84931882X, 253 or.
Egokitasuna hizkuntzaren erabileran : VIII. jardunaldiak. Patziku Perurena eta Iñaki Martínez de Lunarekin batera. Bilbo: Mendebalde Kultura Alkartea, 2004. ISBN 8493188247.
Mendebaldetik 10 urtegarrenean : X Jardunaldiak. Eneko Barrutiarekin batera. Bilbo: Mendebalde Kultura Alkartea, 2004. ISBN 8493188263.
Transmisinoa eta erabilerea : XIII. Jardunaldiak. Bilbo: Mendebalde Kultura Alkartea, 2009. ISBN 8493188298
Berbak hariz josten : XV. Jardunaldiak. Bilbo: Mendebalde Kultura Alkartea, 2011. ISBN 849241376X.

Itzulpenak

Herman Melville: Moby Dick. Jose Mari Legorbururekin batera. Bilbo: Mensajero, 1977.
Gregoire Soberski: Burdin Aroko babes hiri bat, Biskupin. Bilbo: Mensajero, 1988.
Philippe Brochard: Gurutzatuen garaiko gotorleku bat, zaldunen "krac"-a. Bilbo: Mensajero, 1988 ISBN 8427115407.
Juan de Pagoeta: Elai Alai 2012. 50. urteurrena. Portugalete: Elai-Alai Kultur Elkartea, 2012.

Bibliografia

Nerea Pikabea: "Kaxildo Alkorta, Bilboko Mendebalde Kultura Alkarteko Lehendakaria". Administrazioa euskaraz, 78 zk. 2012 urrian, 5.or.

Erreferentziak

↑ Araluzea, Ane. (2012-06-05). «Berba biziaren ondare zaindariak saritu dituzte Bilboko Liburu Azokan. Kaxildo Alkortak jaso du Urrezko Luma aurtengo aldian, Mendebaldeko Kultur Alkartearen izenean» Deia.
↑ «Kaxildo Alkorta EIZIEko bazkidea hil da», EIZIEren barneko albistegia, 2021-10-13.
↑ «Euskaltzaindiak hamalau euskaltzain urgazle izendatu ditu» Berria 2013-02-25.
↑ «Kaxildo Alkorta euskaltzain urgazlea hil da» www.euskaltzaindia.eus (Noiz kontsultatua: 2021-10-10).
↑ Eizagirre, Iure. (2021eko otsaila). «Kaxildo Alkorta: "Administrazioan ere, moldatzeko adina jakin askok, egin..."» Artzape: 16-17..

Datuak: Q12261392

[1] Araluzea, Ane. (2012-06-05). «Berba biziaren ondare zaindariak saritu dituzte Bilboko Liburu Azokan. Kaxildo Alkortak jaso du Urrezko Luma aurtengo aldian, Mendebaldeko Kultur Alkartearen izenean» Deia.

[2] «Kaxildo Alkorta EIZIEko bazkidea hil da», EIZIEren barneko albistegia, 2021-10-13.

[3] «Euskaltzaindiak hamalau euskaltzain urgazle izendatu ditu» Berria 2013-02-25.

[4] «Kaxildo Alkorta euskaltzain urgazlea hil da» www.euskaltzaindia.eus (Noiz kontsultatua: 2021-10-10).

[5] Eizagirre, Iure. (2021eko otsaila). «Kaxildo Alkorta: "Administrazioan ere, moldatzeko adina jakin askok, egin..."» Artzape: 16-17..

[1]

[2]

[3]

[4]

[5]