Fukui

Fukui; 福井市; 福井市 (Fukui-shi)
	Japoniako hiri nabarmena
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Chūbu; Fukui
Alkatea	Shin'ichi Higashimura (en)
Izen ofiziala	福井市
Jatorrizko izena	福井市
Geografia
Koordenatuak	36°03′51″N 136°13′10″E / 36.06406°N 136.21958°E
Azalera	536,17 km²
Mugakideak	Sakai, Katsuyama (en) , Ono (en) , Echizen (en) , Sabae (en) , Ikeda (en) , Eiheiji (en) eta Echizen (en)
Demografia
Biztanleria	261.474 (2021eko martxoaren 1a); −4.430 (2015)
Dentsitatea	487 bizt/km²
Informazio gehigarria
Sorrera	1889ko apirilaren 1a
Ordu eremua	UTC+09:00
Hiri senidetuak	New Brunswick, Fullerton, Hangzhou, Kumamoto, Suwon eta Yuki (en)
	http://www.city.fukui.lg.jp/ www.city.fukui.lg.jp

Fukui (japonieraz: 福井市, Fukui-shi^?) , Japoniako Fukui prefekturako hiriburua da. 2014ko erroldaren arabera 265.405 biztanle ditu.

Geografia

Prefeturaren ipar-ekialdean kokaturik dago Fukui.

Klima

Datu klimatikoak (Fukui, Fukui)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	5.9	6.4	10.7	17.8	22.6	25.7	29.8	31.5	26.9	21.0	15.4	9.5	18.6
Batez besteko tenperatura (ºC)	2.6	2.7	5.9	12.5	17.5	21.2	25.4	26.7	22.1	15.9	10.5	5.5	14
Batez besteko tenperatura minimoa (°C)	-0.2	-0.5	1.8	7.7	12.7	17.5	21.7	22.6	18.4	11.6	6.4	2.2	10.2
Pilatutako prezipitazioa (mm)	306.9	193.2	148.1	141.1	145.8	204.7	220.0	133.6	216.8	162.4	202.7	293.0	2368.3
Eguzki orduak	58.8	73.6	130.5	164.3	196.1	147.7	167.3	204.1	140.7	145.4	104.5	68.6	1601.6
Hezetasuna (%)	82	79	73	69	70	76	77	75	78	77	78	81	76.3
Iturria: NOAA (1961-1990) ^[1]

Historia

Sengoku Aroan Asakura leinua zen nagusi lurralde honetan. 1471ean gaztelua eraiki eta herria sortu zuten. 10.000 biztanletaraino iritsi zen berehala, Japoniako hiri handienetakoa bihurtu zelarik.

1573an Oda Nobunagak Asakura familia garaitu eta herria erre egin zuen. Gaur egun Asakura familiaren aztarna historikoak Japoniako Ondare historiko garrantzitsuenetakoak dira.

Sekigaharako borrokan laguntza emateagatik Tokugawa Ieyasu shogunak lurralde hau eman zion Yuki Hideyasuri eta honek Fukuiko gaztelua eraiki zuen. Gazteluan bazen zorte onaren putzua (japonieraz Fukunoi) eta azkenean honek eman zion izena lehenik eta behin gazteluari eta ondoren herriari. 1669an ordea gaztelua erre egin zen eta gaur egun harresiak eta inguratzen dituen putzua baino ez daude.

Edo Aroan Echizen probintziako hiriburua izan zen Fukui eta hiri garrantzitsua izaten jarraitu zuen. Meiji berrezarkuntzaren ondoren 1889an eratu zen udalerria.

Toki estrategikoa izanik 1945ean hegazkin estatubatuarren bonbaketa gogorrak jasan zituen eta hiriaren %86a suntsitua gelditu zen. Hori gutxi balitz 1948an lurrikara batek astindu zuen. Hurrengo hamarkadetan hiriak aintzinako energia eta bizinahia berreskuratu dituela sinbolizatzeko Fenix Hegaztia hartu du bere sinbolo.