Мюлер (футбаліст)

Мюлер
Агульная інфармацыя
Поўнае імя	Луіс Антоніу Карэа да Коста
Мянушкі	Афіцыянт
Нарадзіўся	31 студзеня 1966(1966-01-31) (58 гадоў) Кампу-Гранды, штат Мату-Гросу-ду-Сул, Бразілія
Грамадзянства	Бразілія
Рост	178 см
Вага	80 кг
Пазіцыя	нападнік
Маладзёжныя клубы
1983 Аперарыу
Клубная кар’ера
1984—1988 Сан-Паўлу 60 (25) 1988—1991 Тарына 65 (24) 1991—1994 Сан-Паўлу 41 (13) 1995—1996 Касіва Рэйсал 24 (8) 1995—1996 →  Палмейрас 69 (28) 1996 Сан-Паўлу 20 (11) 1997 Перуджа 6 (0) 1997—1998 Сантус 35 (14) 1998—2001 Крузейру 54 (9) 2000 →  Карынтыянс 13 (3) 2001—2002 Сан-Каэтану 16 (4) 2003 Тупі 0 (0) 2003 Партугеза Дэспортус 7 (1) 2004 Іпатынга 0 (0) 2015 Фернандопаліс 1 (1)
Нацыянальная зборная
1986—1998 Бразілія 56 (12)
Трэнерская кар’ера
2009 Грэміу Марынга 2010 Сіноп 2011 Імбітуба 2014 Грэміу Марынга
Узнагароды і медалі
Чэмпіянаты свету Золата ЗША 1994
Медыяфайлы на Вікісховішчы

Луі́с Анто́ніу Карэ́а да Ко́ста (парт.: Luís Antônio Corrêa da Costa; нар. 31 студзеня 1966, Кампу-Гранды), больш вядомы як Мю́лер (ням.: Müller) — бразільскі футбаліст, нападнік. Чэмпіён свету 1994 у складзе нацыянальнай зборнай Бразіліі. Па колькасці галоў за «Сан-Паўлу» (158 мячоў), займае 7-е месца ў гісторыі клуба.

Кар’ера

Мюлер пачаў сваю кар’еру ў клубе «Сан-Паўлу» ў 1984 годзе і выступаў за гэты клуб да 1987 года, выйграўшы два чэмпіянаты Сан-Паўлу і чэмпіянат Бразіліі, а таксама стаў іграком нацыянальнай зборнай, у складзе якой паехаў на чэмпіянат свету, дзе на турніры заваяваў месца ў стартавым складзе каманды.

У 1988 годзе Мюлер перабраўся ў Італію, дзе пачаў выступаць за «Тарына», нягледзячы на тое, што бразілец забіваў у камандзе-аўтсайдары ў кожнай трэцяй гульні, гэта не выратавала турынскі клуб ад вылету ў Серыю B, аднак Мюлер дапамог клубу выйграць 2 Кубкі Італіі, што было несумнеўным поспехам клуба.

Адразу пасля гэтага Мюлер пакінуў Еўропу і вярнуўся ў «Сан-Паўлу», выйграўшы з камандай яшчэ два чэмпіянаты штата і першынство Бразіліі. Але найбольшых поспехаў клуб дамогся на міжнароднай арэне, выйграўшы два Кубкі Лібертадорэс і два Міжкантынентальныя кубкі, у другім з якіх гол Мюлера прынёс перамогу «Сан-Паўлу» ў матчы з «Міланам» 3:2, пасля чаго Мюлер быў прызнаны найлепшым іграком матча.

У 1995 годзе Мюлер з’ехаў на заробкі ў Японію, выступаючы за клуб «Касіва Рэйсал». Вярнуўшыся ў Бразілію праз год, Мюлер перайшоў у «Палмейрас», выйграўшы з камандай свой апошні тытул чэмпіёна штата. У 1996 годзе «Палмейрас» устанавіў рэкорд па колькасці галоў у чэмпіянаце, 100 мячоў, частка з якіх прыйшлася на долю Мюлера.

Следам за «Палмейрасам», Мюлер гуляў за «Сан-Паўлу», ужо не паказваючы свайго былога ўзроўню гульні, і італьянскую «Перуджу», за якую правёў толькі 6 матчаў. У 1997 годзе Мюлер перайшоў у «Сантус», дзе гуляў два гады, але ніякіх тытулаў не дамогся. Пасля гэтага, Мюлер перайшоў у «Крузейру», выйграўшы з клубам некалькі трафеяў.

Пазней Мюлер гуляў за «Карынтыянс», «Сан-Каэтану», «Тупі», «Партугезу Дэспортус» і «Іпатынгу».

Скончыўшы кар’еру іграка, Мюлер стаў тэлекаментатарам, працуючы на тэлеканале TV Bandeirantes, у тым ліку і на матчах чэмпіянату свету 2006 года. А адразу пасля турніру, Мюлер заняў пасаду выканаўчага дырэктара клуба «Санту-Андрэ», падпісаўшы кантракт на 5 гадоў.

Літаратура

• Руднік В. Чэмпіёны свету па футболе 1930—2006. — Беласток: «Set-Print», 2006.

Спасылкі

• На Вікісховішчы ёсць медыяфайлы па тэме Мюлер (футбаліст)