Людвік Пацей

Людвік Пацей
Людвік Пацей. Мастак Ф. Паўліковіч
Герб «Вага»
Вялікі стражнік літоўскі 1748 — 1771
Папярэднік	Антоні Пацей
Пераемнік	Леанард Пацей
Нараджэнне	каля 1726
Смерць	студзень 1771[…]
Месца пахавання	Касцёл Святога Духа і кляштар дамініканцаў (Вільнюс)
Род	Пацеі
Бацька	Аляксандр Пацей
Маці	Тэрэза з Войнаў-Ясянецкіх[d]
Жонка	Вікторыя з Патоцкіх[d]
Дзеці	няма
Узнагароды

Людвік Пацей (каля 1726 — студзень 1771) — дзяржаўны дзеяч Вялікага Княства Літоўскага. Абозны (з 1744) і стражнік вялікі літоўскі (з 1748). Трымаў Рагачоўскае і Алькеніцкае староствы. Кавалер Ордэна Белага Арла (1757).

Біяграфія

Вікторыя з Патоцкіх, 1760-я

Прадстаўнік шляхецкага роду Пацеяў гербу «Вага», сын Аляксандра, троцкага ваяводы, і Тэрэзы з Войнаў-Ясянецкіх, удавы кашталяна мсціслаўскага Канстанціна Бенядзікта Бжастоўскага.

Абіраўся паслом на сойм.

Удзельнік канфедэрацыі Вялікага Княства Літоўскага (1767) з прыхільнікаў расійскай імператрыцы Кацярыны II, да якой ездзіў на чале дэлегацыі.

У часы Барскай канфедэрацыі займаў хісткую пазіцыю паміж канфедэратамі і каралём.

У шлюбе з Вікторыяй, дачкой ваяводы смаленскага, кіеўскага і пазнаньскага Станіслава Патоцкага, нашчадкаў не пакінуў.

Літаратура

• Грыцкевіч А. Пацеі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 421. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія магнацкіх радоў Рэчы Паспалітай Архівавана 30 кастрычніка 2013.