Армія (воінскае аб’яднанне)

Абазначэнне арміі NATO

А́рмія (ням.: Armee, англ.: Army), аператыўнае аб’яднанне пэўных відаў узброеных сіл некаторых дзяржаў. Складаецца з некалькіх злучэнняў і часцей розных родаў войскаў. Выконвае аператыўныя задачы ў ходзе баявых дзеянняў. У залежнасці ад прыналежнасці да віду ўзброеных сіл, баявога складу і характару вырашаемых задач у гісторыі будаўніцтва ўзброеных сіл вядомыя арміі: агульнавайсковыя (ва ўзброеных сілах замежных дзяржаў — палявыя), танкавыя, паветраныя, СПА і іншыя. Армія мае прысвоены ёй нумар (напрыклад, 7-я палявая, 5-я танкавая, 16-я паветраная, 3-я армія СПА) або найменне (Рэйнская, Далёкаўсходняя, Прыморская і г. д.).

Камандаванне

Камандаванне арміяй звычайна ажыццяўляе камандуючы ў званні генерал-палкоўніка. У якасці першага памочніка выступае начальнік штаба.

Літаратура

• Армія // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 495. — 10 000 экз. — ISBN 985-11-0035-8. — ISBN 985-11-0036-6 (т. 1).
• Армия, воинское объединение // А — Бюро военных комиссаров / [под общ. ред. А. А. Гречко]. — М. : Военное издательство Министерства обороны СССР, 1976. — С. 255—257. — (Советская военная энциклопедия : [в 8 т.]; 1976—1980)..