Ғиләжев Илшат Фәрит улы
| Ғиләжев Илшат Фәрит улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 1 ғинуар 1960 |
| Тыуған урыны | Балтаc районы, Башҡорт АССР-ы, РСФСР, СССР |
| Вафат булған көнө | 6 март 2022[1] (62 йәш) |
| Һөнәр төрө | рәссам |
| Авторлыҡ хоҡуҡтары статусы | эштәре авторлыҡ хоҡуҡтары менән яҡланған[d] |
Ғиләжев Илшат Фәрит улы (1 ғинуар 1960 йыл — 6 март 2022 йыл) — скульптор, ҡулдан сүкеү оҫтаһы. 1997 йылдан Рәсәй Федерацияһы Рәссамдары союзы ағзаһы. Башҡортостан Республикаһының атҡаҙанған рәссамы (2012).
Биографияһы
[үҙгәртергә | сығанаҡты үҙгәртеү]Илшат Фәрит улы Ғиләжев 1960 йылдың 1 ғинуарында Башҡорт АССР-ының Балтас районы Иҫке Янбай ауылында тыуған.
Әрме хеҙмәтен ГДР-ҙа үтә. Совет ғәскәрҙәренең Германиялағы төркөмөндә танк дивизияһының айырым разведка батальонында хеҙмәт итә.
1985 йылда Башҡорт дәүләт педагогия институтының художество-графика факультетын тамамлағандан һуң Нефтекамала рәсем уҡытыусыһы булып эшләй.
Скульптор булараҡ, металл (ҡара металл, алюминий һәм бронза); боҙ менән эшләй. Уның «Скрипкалы ҡыҙ» тип аталған диплом эше лә металл-алюминийҙан башҡарыла.
1997 йылдан «Мираҫ» ижади төркөмө ағзаһы.
Ижадсы 2022 йылдың 6 мартында Нефтекама ҡалаһында вафат булды, тыуған ауылында ерләнде[2].
Ижади эштәре
[үҙгәртергә | сығанаҡты үҙгәртеү]- Нефтекамалағы Еңеү һалдаты һәйкәле[3].
- «Киләсәк тауышы», «Скрипкалы ҡыҙ» скульптуралары. Боҙ ҡаласыҡтары.
Скульпторҙың эштәре М. В. Нестеров исемендәге Башҡорт дәүләт художество музейында (Өфө), Нефтекама картиналар галереяһында, «Мираҫ» (Нефтекама) картиналар галереяһында, Ғабдулла Ғәлиевтың (Батырша) мемориаль йорт-музейында һаҡлана.
Күргәҙмәләре
[үҙгәртергә | сығанаҡты үҙгәртеү]Ғиләжев Илшат Фәрит улы 1985 йылдан республика, зона, төбәк, төбәк-ара, Бөтә Рәсәй, Бөтә союз һәм халыҡ-ара күргәҙмәләрҙә ҡатнаша.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡортостан Республикаһының атҡаҙанған рәссамы.
- Салауат Юлаевтың һәм уның арҡаҙаштарына, уларҙың ҡаһарманлығына арналған иң яҡшы һынлы сәнғәт әҫәрҙәренә республика күргәҙмә-конкурсының (2004; Өфө) «Скульптура» номинацияһы дипломанты (III дәрәжә диплом һәм премия).
Иҫкәрмәләр
[үҙгәртергә | сығанаҡты үҙгәртеү]- ↑ https://www.bashinform.ru/news/culture/2022-03-06/v-bashkirii-skonchalsya-zasluzhennyy-hudozhnik-ilshat-gilyazov-2717922
- ↑ В Башкирии скончался заслуженный художник Ильшат Гилязов (рус.) (Тикшерелеү көнө: 7 март 2022)
- ↑ http://img-fotki.yandex.ru/get/9837/36256508.33/0_7a729_ad4837a_orig
Һылтанмалар
[үҙгәртергә | сығанаҡты үҙгәртеү]- http://www.shrb.ru/sculpture/gilazov.htm
- https://web.archive.org/web/20140319095846/http://kulturarb.ru/people/?ELEMENT_ID=9840
- https://web.archive.org/web/20140319091049/http://v-gorode-n.ru/article/a-22.html
- https://web.archive.org/web/20140319090233/http://cttd.neftekamsk.ru/tvorchestvo.html