যুগদ্ৰষ্টা (চলচ্চিত্ৰ)
| যুগদ্ৰষ্টা: দ্য ভিজনেৰী | |
|---|---|
| পৰিচালক | ভাস্কৰ জ্যোতি মহন্ত |
| ৰচনা | ভাস্কৰ জ্যোতি মহন্ত |
| কাহিনী | ভাস্কৰ জ্যোতি মহন্ত |
| ভিত্তি | পীতাম্বৰ দেৱগোস্বামী |
| প্ৰযোজক | স্বপ্নালী মহন্ত |
| অভিনয়ত | মুন বৰকটকী হৰিদেৱ গোস্বামী গুণ মহন্ত |
| চিত্ৰগ্ৰহণকাৰী | সুমন দুৱৰা |
| সংগীত পৰিচালক | অনুৰাগ শইকীয়া |
| দেশ | ভাৰত |
| ভাষা | অসমীয়া |
যুগদ্ৰষ্টা: দ্য ভিজনেৰী হৈছে ভাস্কৰ জ্যোতি মহন্ত পৰিচালিত এখন অসমীয়া ভাষাৰ চুটিছবি। মুক্তিযুঁজাৰু তথা সমাজ সংস্কাৰক পীতাম্বৰ দেৱগোস্বামীৰ জীৱনৰ আধাৰত নিৰ্মাণ কৰা চলচ্চিত্ৰখনৰ মুখ্য চৰিত্ৰত অভিনয় কৰিছে মুন বৰকটকীয়ে। অনুৰাগ শইকীয়াই সংগীত পৰিচালনা কৰা ছবিখনৰ প্ৰযোজনা কৰিছে স্বপ্নালী মহন্তই।
কাহিনীৰ সাৰাংশ
[সম্পাদনা কৰক]১৯৫৬ চনত ঈদ মজলিছৰ অনুষ্ঠানত ভাগ লৈ গোস্বামীয়ে তেওঁৰ সচিৱ তথা জীৱনীকাৰ গংগাধৰ হাজৰিকাৰ সৈতে নাৱেৰে নিজচহৰ মাজুলীলৈ উভতি অহাৰ এক দৃশ্যৰে চলচ্চিত্ৰখনৰ আৰম্ভণি হয়। গোস্বামীয়েই আছিল এই অনুষ্ঠানত ভাগ লোৱা একমাত্ৰ সত্ৰাধিকাৰ।
ইয়াৰপাছত গোস্বামী আৰু গংগাধৰ হাজৰিকা এক কোঠাত মিলিত হয় আৰু অতীত সুঁৱৰি নষ্টালজিক হৈ পৰে। ১৯১৪ চনৰ ২৫ মাৰ্চ তাৰিখে গোস্বামীয়ে সত্ৰাধিকাৰৰূপে নিৰ্মালি গ্ৰহণ কৰা সময়ৰ পৰা তেওঁলোকে আলোচনাৰ পাতনি মেলে। তেওঁলোক দুয়োজনে এই কথাত সহমত প্ৰকাশ কৰেযে সমাজৰ নিয়মসমূহ ভগৱানৰ দ্বাৰা আৰোপিত নহয় আৰু এজন ব্যক্তিৰ মূল্য তেওঁৰ ন্যায়ৰ ভাৱধাৰাইহে বিচাৰ কৰা উচিত।
অভিনয়ত
[সম্পাদনা কৰক]- পীতাম্বৰ দেৱগোস্বামী (সত্ৰাধিকাৰ) - মুন বৰকটকী
- সৰুকালৰ গোস্বামী – আশ্বাস ৰাগ মহন্ত
- আউনিআটি সত্ৰাধিকাৰ – হৰিদেৱ গোস্বামী
- গংগাধৰ হাজৰিকা - গুণ মহন্ত
- আলধৰা - প্ৰদীপ ভূঞা
- H. W. Phriel - Henry Cottee Jones (Eden)
- Chief Secretary - Rupert Grey
- নীৰু - সৃজনী ভাস্ব মহন্ত
- ৰমাই - ৰুবী মহন্ত
- মিছিং মহিলা - জ্যোৎস্না দ'লে
- নীৰুৰ বান্ধৱী - প্ৰিয়ংকা বৰুৱা
বঁটা/সন্মান
[সম্পাদনা কৰক]- ৬১ সংখ্যক ৰাষ্ট্ৰীয় চলচ্চিত্ৰ বঁটা: অনুৰাগ শইকীয়া (শ্ৰেষ্ঠ সংগীত পৰিচালক, নন-ফিচাৰ চলচ্চিত্ৰ)
- 2nd Mumbai Shorts International Film Festival-13: Best Music Award, Music Director (অমৃত প্ৰীতম, অনুৰাগ শইকীয়া)
- 2nd Delhi Shorts International Film Festival-13: Special Festival Mention (Direction), Bhaskar Jyoti Mahanta[1]
- নয়দা আন্তঃৰাষ্ট্ৰীয় চলচ্চিত্ৰ মহোৎসৱ ১৪: বিশেষ সন্মান, শ্ৰেষ্ঠ অভিনেতা (জুৰি), শ্ৰেষ্ঠ পৰিচালক (জুৰি)
তথ্যসূত্ৰ
[সম্পাদনা কৰক]- ↑ "Result". Delhi Shorts International Film Festival. Archived from the original on 18 November 2014. https://web.archive.org/web/20141118205346/http://miniboxoffice.com/delhishortsinternationalfilmfestival/news.php?id=MTQy। আহৰণ কৰা হৈছে: 3 May 2015.