ݣارديان (كورة)

حارس باغي يشد لكورة

لحارس أولّا لݣارديان ؤلا لݣون (بالنݣليزية: Goalkeeper) فماتش ديال لكورة هو كوايري اللي عندو بلاصة موهيمة فالتيران، وهي بلاصة ختيصاصية بزاف. لحارس هو اللي كايعسّ على لݣول ديال فرقتو وماكايخلّيش لفرقة لوخرة تماركي بيت عليها. هادشي كايكون فاش لحارس كايتبع الطريق اللي شادّها لبالون وإما كايشدو أولّا كايدفعو لبلاصة خرة بعيد على لݣول. لحارس عندو لحق يخدّم يديه غير فلمينطاقة د پيلانتيات اللي قبالة لݣول ديالو لي مرسومة بالخط الابيض، الشي اللي كايخلّيه بوحدو (من غير لكوايرية فالتوش) اللي عندو هاد لحق. لحارس هو اللي كاتكون عندو بلاصتو بوحدو فلفرقة، وهادشي كايبان حتى فلكيطمة ديالو اللي لوانها ماكايشبهوش للوان ديال اللعّابة لوخرين.

قانون التير اللوراني كايمنع لحارس باش يشد لكورة اللي جاتو من عند شي صاحبو فلقرقة بيدّيه. لحارس غاليبا كاينفّد ضربة مرمى، وكايݣيّد الدفايعية فاش كاتكون ضربة غلط، كورنير أولّا لماركاج. لحارس عندو دور موهيم فالتݣياد ديال الستراتيجية والطاكتيك اللي واخداهوم لفرقة، حيتاش عندو شوفة مزيانة على التيران وكيفاش غادية فرقتو فلماطش.

لونطريما ديال الحارس:

لحارس كايتريني بوحدو بعيد على لفرقة ديالو وكايدرّبو مدرب خاص بالحراس، المدرب كيركز ليه بزاف فتدارب على سرعة ردة الفعل حيتاش هية اهم حاجة لي خصها تكون عند الحارس( من بعد الطول) بحيت خصو يكون مستاعد لأي كورة علا غفلة، او يقض ايتصضى ليها بزربة قبل ماتماركا .

البوصط ديال لحارس خصو تقنيات لي ماكاينينش فلبوصطات لخرين، داكشي لاش عندو اونطريما صعيبة ، البوصط ديال الݣرديان (حارس المرمى) خصو تقنيات لي ماكاينينش فلبوصطات لخرين ،عكس اللعابة لخرين ، الحارس كيخدم بالجسم ديالو كامل، يعني كيتلاح بالجسم ديالو كامل باش ايجبد كورة او يتصضى ليها او هادشي خطر شوية مما يجعل حارس المرمى اصعب بوصط كاين فالفرقة حيت:( كيتلاح بيديه، برجليه، سدرو، وجهو، الجسم ديالو كامل باش ايعتق كورة قبل ماتدخل لشبكة) او هادشي كيأدي لاصابات خطيرة بعد المرات .

ݣارديان كايبعّد كورة جاية لجيهة لݣول ديالو.

بعض القوانين ديال حارس المرمى:

لبلاصة ديال لحارس هي بوحدها اللي لفلماتش

لقواعد كايفرضو باللي خاص واحد من لكوايرية ديال لفرقة ضروري يكون حارس فأي وقت من لماتش، يعني إلى لحارس خرج بدقّة كلاها وماقدرش يكمّل أولّا خدا حمرة، خاص ضروري كوايري آخور يدخل لبلاصتو ويكون حارس. لقواعد كايخلّيو لفراقي باش يبدلو اللعّاب اللي بغاوه يكون حارس فوسط لماطش فاش كايكون واقف، ولاكين قليل فاش كايطرا هادشي. لحارس يمكن ليه يخرج برا لمينطاقة دپيلانتيات ديالو وماكاينش شي قانون فلقواعد اللي غايحبسو، ولاكين الى خرج او الكورة فيديه غايتحسب بيلانتي يعني الحارس لابغا يخرج من المنطقة ديالو خصو يلعب برجليه او ممنوع الحارس ايشد الكورة بيديه خارج المنطقة ديالو ولا غاياخد حمرة. لحرّاس غاليبا كايفضلو يبقاو حدا لݣول ديالهوم. بنسبة لبيلانتي الحارس خصو يبقا فوق خط المرمى قبل ما اللاعب لي فالفرقة لخرا يتيري ، ويلى تلاح قبل مايتيري لاعب لاخر غايصفر الحكم باش ايتعاود البيلانتي

ط

شوف حتى

• مدافع
• لعّاب دلوسط
• مهاجم

عيون لكلام

تقدر تزيد شوف بزاف د تّصاور و لمعلومات ديال Association football goalkeepers ف ويكيميديا كومنز.

تقدر تزيد شوف بزاف د تّصاور و لمعلومات ديال Association football goalkeepers ف ويكيميديا كومنز.