Hattingè

47.92258.7852777777778747

Hattingen (Immendingen) Gmeind Immèdingè
Wappe vo Hattingen (Immendingen)
Dialekt:	Alemannisch
Hauptvariante:	Niederalemannisch
Höchi:	747 m
Iiwohner:	953
Iigmeindig:	1. Januar 1975
Landchreis:	Duttlingè
Poschtleitzahl:	78194
Vorwahl:	07462
Nummereschild:	TUT

Hattingè isch èn Ortsdeil vo dè Gmeind Immèdingè im Landchreis Duttlingè z Baddè-Württèbärg. Im Johr 2013 hèt Hattingè 953 Ywooner ghaa.

Geography

Dè Ort Hattingè lyt uff 780–850 Meter übber m Meeresschpygel. S Dorf lyt unterhalb vom Witthoh uff dè Hegaualb. Vom Dorf uus hèt èn Bligg übber s Hegau un dè Boddèsee bis zu dè Alpèchettè. Hattingè lyt è bitzeli südlich vo dè Donauvosickerig, wo s Wasser vo dè Donau vosickerè duèt un 11,7 Kilometer witer südlich i dè Karschtquällè vom Aachhaffè bi Aach widder hinnè fürrè chunnt. Nit wit wäg vom Ort lyt dè Naturschutzgebièt Rambärg-Rehledal mit sèltènè Orchideè.

Gschicht

Diè èrscht urkundlichi Erwäänig gòt i s Johr 973 zrugg. Graf Berchtold hèt Hattingè im Reichenauer Schenkigsvozeichnis selli èrschti Erwäänig beschèrt. Hattingè sèlber isch abber wesèntlich älter, well d Endig „-ingè“ uff è alemannischi Gründig im èrschtè Johrdausend hywyst.

S Dorf Hattingè hèt im Mittelaalter voschidnè Ortshèrrè ghört, 1588 hèt s zum Hèrrschaftsgebièt vo dè Hewè ghört un isch denn 1806 zum Land Baddè chò. Uss wùrtschaftlicher Not sin im 19. Johrhundert vill Hattinger nõch Amerika uusgwanderet, diè meischtè am 18. Oktobèr 1859.

Auch Hattingè isch vom Zweitè Wältchrièg nit voschont worrè: Am 13. Februar 1945 isch dè Hattinger Baanhof s Zyl vo alliyrtè Bomber gsi, well sich im Hattinger Baanhofsdunnel dè Heinrich Himmler uffghaaltè hèt söllè. Am 21. April 1945 isch Hattingè vo französischè Truppè bsetzt worrè.

Sit dè Gmeindereform vo 1975 ghört Hattingè zu dè Gsamtgemeind Immendingè un dõmit zum Landchreis Duttlingè.

Sehenswürdigkeitè

Pfarrkirchè

Im Johr 1212 isch d Hattinger Pfarrkirchè èrschtmòls urkundlich erwäänt worrè. Diè hütigi Pfarrkirchè, wo uff dè Fundamènt vo dè aaltè ruèt, stammt vu 1607. Hattingè isch immer è ergybigi Pfarrpfründe gsi, well dõ umfangrychi Grundbsitz vohandè gsi isch. Vill Geischtlichi hèn sich nõch Hattingè, well vill Chlutter ummè gsi isch. Dè Schutzheilige vo dè Pfarrkirchè z Hattingè sin dè Theopont un Synesius. D Bevölkerig isch übberwigend römisch-katholisch.

Brunnenkapelle

Im Johr 1275 isch d Brunnèkapellè im heiligè Nikolaus gweit worrè. Um d Brunnèkapellè rankèd sich voschidni Legendè. D Brunnèkapellè isch früèner au Roßkapellè benamst worrè, well sich è Saag nõch èmòl è Ross obbè im Chorraum vofangè hèt un durch s „Aafrèssè“ vom Gloggèseil uff sich uffmerksam gmacht hèt. D Brunnèkapellè wörd mit èm jöhrlichè „Brunnenkapellèfescht“ vo dè Pfadfinder Hattingè gwürdigt. Endi vom Johr 2006 isch d Kapellè ußè renovyrt worrè.

Johannes-un-Jakobus-Kapellè a dè Witthoh

Im Johr 2004 isch d Johannes un Jakobus-Kapellè a dè Witthoh errichtet worrè.

Lindèbaum

S „Wòrzeichè“ vom Ort isch è Lindè i dè Hauptschtrõß, gnennt Lindèbaum. Dè Durchmessèr vo irèm Stamm bedrait 1,70 Meter, iri Höchi öppè 40 Metèr. Im Juni 2008 isch d Aalaag um dè Brunnè un um dè Lindèbaum neu aaglait worrè.

Vokeer

EG vum baddischè Bedrybsbaahnhof Hattingè, im südlichè Èndpungt vo dè Gäubaan.

Hattingè lyt a dè Vozwygig vo Schwarzwaldbaan un Gäubaan a dè Südschpitzè vom Hattinger Gleisdreiegg. Am Baanhof Hattingè (Baddè) haaltè hüt zwar keini Züüg mee, trotzdèmm diènt dè Baanhof witerhy als Betrièbsbaanhof. Z Hattingè hört dè zweigleisige Gäubaanabschnitt Hattingè–Singè uff un diè eingleisigi Gäubaan-Vobindigsbaan zum Baanhof Duttlingè fangt aa. Desèll Status als Eggpungt vom sognanntè Hattinger Gleisdreiegg hèt Hattingè übberregional bekannt gmacht. Buslinniè 45 vobindet Hattingè mit Immendingè, wo Aaschluss a dè Ringzug nõch Duttlingè un Rottwyl übber d Gäubaan ebbèso bschtõt wiè übber d Fèrnvobindigè gu Ulm, Konschtanz un Donau, .

Weblingg

• Hattingè uff immendingen.de
• Narrenverein Hattingen e. V. uff nv-hattingen.de
• Musikverein Hattingen/Baden e. V. uff musikvereinhattingen.de

Einzelnõchwys

Dä Artikel basiert uff ere fräie Übersetzig vu dere Version vum Artikel „Hattingen_(Immendingen)“ vu de dütsche Wikipedia. E Liste vu de Autore un Versione isch do z finde.