კომუნიკაცია
კომუნიკაცია (ლათინურშე Communico - საართეს გჷნვორთინუანქ) — ფართე გაგებათ, ინფორმაციაშ გოთირუა ინდივიდეფს შქას სიმბოლოეფიშ საართე სისტემაშ საშუალებათ. კომუნიკაციაქ შილებე გეხორციელას ვერბალური ვარდა ვავერბალური მეთოდეფით. თაშნეშე გიშმართჷნა კომუნიკაციაშ ხორცმიკოდგჷმაშ მექანიკურ დო ჸოფურ მერინეფს. კომუნიკაცია, მექანიკური მერინათ, რე ცანდჸურემეწურაფილი პროცესი ინფორმაციაშ კოდირაფაშ დო გინოჩამაშ ინფორმაციაშ წყუშე ინფორმაციაშ მემაღებეშა. კომუნიკაცია, ჸოფური მერინათ, რე კომუნიკაციაშ მაკათურეფიშ ართობური მოღალობა, ნამშ ბორჯისჷთ გჷშამუშება მეკონეფშე დო ქიმინუეფშე საართე (გორკვიაფილ ფარდის) თოლწონუეფი.
კომუნიკაციაშ ფორმეფი
[რედაქტირაფა | წყუშ რედაქტირაფა]1. კომუნიკაციაშ ფორმეფი მეწურაფეფიშ მეჯინათ:
- ართი ართწკჷმა: რაგადი, გინაფა
- ართი მიარეწკჷმა: ლექცია, ჟურნალისტიკა (გაზეთი, ჟურნალი), ტექნიკური მედია (კომპიუტერი, ტელევიზია)
- მიარე ართწკჷმა: კონფერენცია, ფორუმი, დებატეფი
2. კომუნიკაციაშ ფორმეფი მაკათურეფიშ მეჯინათ:
- ინტერპერსონალური კომუნიკაცია
- ზიტყვიერი კომუნიკაცია (აგიტაცია, პროპაგანდა, დიალოგი)
- ტექნიკური კომუნიკაცია (ტელეკომუნიკაცია)
- ინტრაპერსონალური კომუნიკაცია
- ბუნური კომუნიკაცია (მარკეტინგი, კულტურეფოშქაშე კომუნიკაცია)