VOL. XXX ISSUE NO. 08 An Official Organ of Y.M.A. Republic Veng Branch Dt. 19.02.

2012

KUMPUAN
Hnamdang (Non tribal) pasala nei leh an fate chu Tribal an ni lova, Mizo hming pawh inphuah mahse Mizo an ni chuang lo.

SAIHA KANGMEI TUAR TANPUINA

The Republican 19thFebruary 2012 : Ni 1.2.2012 zana Saiha khawpuia kengmei chhuak avanga nunau mangang te tanpuina tur sum tlingkhawm chu Central YMA chuan ni 14.2.2012 khan an hlan. Tualchhung chanchinbu lamah te kan lo hriat tawh angin Saiha a kangmei chhuakah hian in sawmhnih panga (25) chhungkaw sawmnga (50) chuang luah lai chu kangin bungrua pawh a nuaih tel fe mai chu chuh hman lovin a kangral bawk a ni. He thil thleng hian ram pum a nghawng zia pawh sawi tam ngai lovin kan hre theuh awm e. Hemi avang hian mi tamtak leh tlawmngai pawl tamtak ten tanpuina an pe a ruih ruih a ni. Central YMA pawh in he thil thleng avang hian tanpuina pek ve tha a ti a. Tichuan, Ni 2.2.2012 khan CEC Emergency Meeting nei nghalin, Aizawl khawpui huam chhungah vehbur khawn turin a rel a. Aizawl khawpui chhunga Branch YMA ten an huamchhungah vehbur/ tanpuina an khawnin tanpuina hi Branch 87 atangin Rs. 30,72,734.00 hmuh a ni a. Heng bakah pawh hian kar hmasa lam khan Tlangnuam Branch YMA Rs. 20,150.00, Saitual Group YMA Rs.5,000.00, Saitual Jt. YMA & VC Rs.10,000.00, Mission Veng South Rs.5,000.00 , Zonuam Rs. 2,270.00 , SAY Bazar Corp Rs. 5,000.00, ZONET CABLE TV Rs.2,50,000.00, SAY Enna Corp, Bethlehem Rs.3,660.00 leh New Dawn School, ITI Rs.2,610.00 ten thawh belh lehin tanpuina lut zawng zawng hi Rs. 33,87,884.00 a ni. Heng tanpuina tlingkhawm hi Ni 14.2.2012 khan Pu R. Lalngheta, Treasurer, Pu Lalhmangaiha CEC leh Pu Vanlalzuiliana CEC ten Saiha an panpui an hlan ta a ni. Heng bakah hian Sub-Hqrs. YMA, Lunglei, Champhai leh Kolasib ten an khawn mek bawk. Tin, Mizoram Bhojpuri Kalyan Samatri, Gen. Hqrs, Aizawl ten Rs. 5,000/- leh Zobawk Vengthar Branch YMA ten Rs. 11,500/- an khawnkhawm chu Saiha Group YMA hnenah an hlan leh bawk.

NGENNA
Ni 23.02.2012 (Ningani) hian Local Council thlanna neih tur a ni a. Kan khawtlang hruaitu turte kan thlang dawn a, Vengchhung mipuite vote thlak theuh turin kan in ngen a ni.

BPL HRIATTIRNA
Rashtriya Swasthya Bima Yojana (RSBY) Health Care Scheme Smart Card la lo an awm a. Health Care Scheme office Dinthar ah Smart Card hi thawn kir leh thuai a nih dawn avangin a la lam lo te chuan tun thla February 2012 chhung in BPL Secretary Pu Lalhmingmawia Sec-III (Venglai) hnenah a rang lama turin an in ngen in an inhriattir a ni.

MUP HRIATTIRNA
Vawiin Pathianni chawhnu inkhawm banah MUP in Pu C.Rualhleia Venglai inah hla zir leh tur a ni a, thahnem ngai taka kal turin an in ngen a ni.

Venghlun III Pa ho Hruaitu thar

Venghlun III Pa ho Committee chuan ni 17 zan khan kum 2012 a hruaitu tur an thlang thar a, chungte chu hetiangin :Chairman : Pu Lalbanthanga Vice Chairman : Pu Lalengliana Secretary : Pu R.C. Thuama Asst. Secretary : Pu K. Lalbiakliana Treasurer : Pu Lalhmingthanga Fin. Secretary : Pu Zaneihsanga

SECTION YMA NEWS

Section I : Hum remchang hmasa berah sumtuak nan blanket suk hnatlang neih tum a ni a, member te lo inring turin kan in ngen. Kum hmasa lama kan lo tih tawh angin thla thar inrinni hmasa berah YMA member te leh YMA chhang member te section huamchhung thenfai hnatlang neih leh tur a ni a. member te lo inring lawk turin kan in ngen a ni. Section V : Member fee an thehlut a,hetiang hi an member dinhmun chu a ni : Life Member 5, Nula - 45, Tlangval - 58, Pi - 61, Pu - 78, Total - 242 * Census siam that pawh zovin Branch ah an thehlut tawh bawk a,an Section ah chhungkua 98, Mipa 218.Hmeichhia 236 an vaiin Mihring awm zawng zawng 454 an ni. * 21.2.12(tue) Zan Dar 6;30 an Anganwadi Centre No1 an Committee an kova,kohna hmulo palh tan pawh hei hi kohna ah ngai a kal theuh turin an in hriattir. Section VIII : Nimin ni 18.02.2012, Inrinni khan thuthleng rem fel hnatlang neih a ni a. Member hnatlang zawng zawng chungah lawmthu an sawi. Thuthleng hi awlsam zawka hman theih nan property house bakah Pu T. Vanlalchhuanga te in hnuai ah dah a ni. An inhnuai phal taka hmantir tu Pu Chhuanga chungah lawmthu an sawi nghal e. Section Basketball Jersey kawl chuan a rang lamin Section Secretary hnenah thehluh tur a ni e.

MPF Hriattirna
MPF Republic Veng Local Forum in, ni 23.02.2012 (Ningani) Local Council inthlan turah Electoral Roll lo en a, duty tura a ruat zawng zawng te ni 20.2.2012, Thawhtan zan Inkhawm ban hian Republic Veng Presbyterian Kohhran Hall ah kim taka kal khawm tur a ni.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthantluanga : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9089603204 9436375023 9862170549 9615820570 9862754953

Dt. 19.02.2012

E DITORIAL B OARD

THIANGHLIM TAKIN AW
- Om-om a Pa. Khawvela mipui rorelna Democracy ram lian ber mai India rama mipuite nena inhne hnai ber,mipui kut leh ke,mipuiten kan aiawh kan thlan chhuah thinMember of Parliament/Member of Legislative Assembly/Village Council/Local Council/Panchayat/ Municipalities zinga mipui khawsak dan nitin nun a taka hrechiangtu leh vil hneh bertu Mizoramah chuan Village Council/Local Councilte anni a.Heng mite thlang chhuak tur hian Mizoram chu a inpuahchah leh ta mup mup mai le.An kovah hian ramin sorkarna tha, khua leh vengchhung hmasawnna tur tam tak hi an nghat thuk hle a ni.Tin kan ram danpui Article 12-nain a tarlan angin Village Council/Local Councilte hi (State) tih a nih avangin sorkar hmalakna kawngah sorkar mi leh sa, sorkar hmingchhiat leh hmingthat thuah pawh sorkar hming putu a nih avangin fimkhur tak leh thu- hnudawn taka mipui sorkarna vawnhim zel thuah pawh an tangkai em em a.An pawimawhna hi mipui ten kan hre chiangin, kan thlan chhuah te pawn an dinhmun an hrechiang tur a ni.Democracy ram kan nih angin vote thlak turin mitinin zalenna thuk tak kan nei a,kan zalenna kan hmanthiam leh thiam lohah thui tak a innghat dawn thung a ni,Abraham Lincoln-a chuan, Democracy sawrkarna chu tiang hian a hrilh fiah Mipuite ta,mipuite tana mipuite siam,a ti a.Chuvang chuan mipui ta an nih dawn avangin kan ram tana thawk thei tur mi kan thlan chhuah thiam theih nan rilru thianghlim leh zalen taka khawtlang hruaitu tur kan thlan thiam a ngai dawn a ni. Kan ramin politics kan khelh dik tawh loh avangin mipuiin kan tuar nasa ani tih hrechiang tute chu mipui bawk kan ni a,nimahsela vawiin ni thleng hian siamthatu leh khalh ngiltuah tumah hi tan kan tum chuang lovin, mahni phak tawk leh remchanna apiangah mahni party sawi mawi leh infak siakin hun kan la hmang ral zel a.Mahni party chiah fak mawiin party dang thil tih that te sawi khumin kan party thiltih chuah fak mawi hi kan bansan a hun ta hle mai.Zoram hmangaihtu tak tak politician leh mitha kan thlan chhuah a hun ta.Party politics avanga kan buaina hi tireh turin mitin hian theihtawp kan chhuah a hun tak zet ani.Ziaktu tam takin kan ram politics khelh dan dik lo nia an sawi ber chu-Kum 1946-47 a Mizoramin politics a hmelhriat tirha a kum zawna piang Union leh Zalen party te an ni a,a tir atangin an insual nghal a.Khuai rau ang maiin khawtlang leh hnam inpumkhatna an tichhia a, khawtlanga inlungrualna an tikeh a, chhungkuaah hem an thlaka, pulupita thusawi thlengin in ei tawn lohna a rawn tuh a, chu chuan he ram politics hi a tichhiain nasa takin mihring nun a sawi danglam ta a ni.Politics khelmual kan luhtirh (column leh lamah chhunzawm a ni...)

News Editors

Manager Cir. Managers

republicanchanchinbu.blogspot.com
YMA RUN hmang turte tan Br. YMA I/c Secy., Property - 9862369320 / 9436362024

Editorial...... Khawthal chho ah hian KANGMEI vanga chhiattawk hmun hrang hrang ah hriattur a awm leh ta nawk mai, tunhnai maiah pawh Maubawk, Saiha , Lengpui leh Darlawn ah te inkang vanga chhiattawk leh thihna hial thleng te pawh kan hre theuh awm e. Kangmei chhuak tamtak hi power supply kalsual tih te, electric short vang tih te a ni thin, heng hi kan fimkhur tawkloh vang te ani tlangpui, kan electric wiring te pawh athiam check tir fo a tha. Tunlai hian khua a ro hle mai , thinghnahro tlak hunlai a lo ni bawk nen kangmei a chhuak awlsam em em a mitin fimkhur a ngai hle ani. Khawthal chho kangmei chhuah duh hun lai hi tui van lai tak ni a, power supply kan hmuh thatloh hun a lo ni lehzel bawk nen mombati kan hmang nasa hle hlawm thin, hetah tak hian kan fimkhur hle angai ani. Mombati chhitlai kalsan dawn chuan chhemhlum zel tur, naupang mombati khawihtir loh a tha bawk, gas eirawngbawl nan leh thildang chhuannan kan hman in kalsan loh hram a tha bawk. Kangmei atanga kan him theihnan mitin i fimkhur theuh ang u.

Huang Zalen
* Kum a lo thar angin information centre or section atanga kan au danah te pawh hian hmasawn tum ila, TV chhanchinthar zing / zan puan lai hi chuan au lo thei hram ila kan hriattur pawimawh vek a nisi a. - Republican chhiarthin * Tunlai hian Venglai leh a chhehvelah zan rei tak tak thleng khawlai a thu khawm a bengchheng siam thin in awm a, tute nge in nih pawh kan hria che u a. Kan in tih mualpho hma hian sim vat a tha ang. - Ning em em-a * Football Tournment lian tham tak Red Ribbon Football Tournment chu khelh leh thuai a ni dawn ta. Kan veng hi football thiam veng ti a sawi thin kan ni a, chuvangin he tournment a kan champion ngei theih nan veng mipuite kan players te support turin i tang ang u. - Football fans

The REPUBLICAN WEEKLY

Y.M.A. REPUBLIC VENG BRANCH

Dt. 19.02.2012

atanga dan dik lova kan inkhelh avang hian hun lo kal zelah pawh politics kan hriat dan hi adik hleithei lo a ni.Politics kan tih chuan dawt leh thutak inchawhfinna bawm ang hialin kan ngai a.Politician kan tih te pawh thutak leh dawt phuah mara, awihawm taka sawi thiam mi tihna emaw kan ti ta hial ani.Will Roger-a chuan , Eng party thil tum mah hi an hruaitute ang ema chhia a awm lo vea ti hial a.Tin, Jonathan Swift-a chuan, Politics khelh dan dik lo chu mi tam tak atna leh mi tlem te din chhuahna a ni.a ti bawk a.Heng mite politics thlir dan hi ngaihtuah zui tham tak leh kan ram politics khelh dan nen hian inhmeh viauin a lang.Chuvang chuan kan ram politics khelh dan hi kan thlak thleng a hun tak zetin, a siamtha turin politician te leh mipuite hi kan pawimawh ani tih hi kan chian a hun ta. Kan ram politics khelh dan dik tawk loh zia chu a chunga kan sawi bak pawh khi sawi tur tam tak a awm.Nimahsela sawina hmunin a daih dawn loh avangin, kan hma a inthlan lo awm turah hian eng angin nge mipui te hian mitha kan thlan chhuah theih ang.Eng ang mi nge ram leh hnam khua leh veng hmangaihtu, tia kan ngaihtuahna kan hman mek laia kan rilrua lo lang leh thin party politics bawk hi kan paih chhuah a hun ta.Chu bakah chuan mipuite hian ngaihtuahna thui tak kan neih a hunin khawtlang hruaitu thlan chhuah kawngah pawh ke kan pen sual thei tih mitinin i hria ang u.Kan nawmsakna tur leh kan hahdamna tur kawng ringawt ngaihtuah leh kan hamthatna tur chauh ngaihtuah hian kan buai lutuk ta em? mitin hian hahdam leh nawmsak chu kan duh vek mai a, Khawtlang hruaitu kan thlan chhuah turah hian nghawng thui tak a nei leh dawn ani.Chuvang chuan veng(Section) bil anga kan thahnemngaihna lo chhuak thei leh duhna lo awm theiah te ngaihtuahna kan siama, veng pumpui huap zo leh thahnemngai taka mipui tana thawk thei tur mi kan thlan chhuah hi kan politics khelh dan tur niin alang.He khua leh veng ram leh hnam tana thiltha duh mi, mi nghet/ mi dik leh tlo, mi nuih zat leh deusawhna karah pawh huai taka ding ngam, chhia leh tha hriatna hmanga hmasawnna tura mi chak,a thlang tlingtu te tana theih-

INFIAMNA
Red Ribbon Republic Veng Local Council Team pawn ngawrh takin practice an nei chho mek zel a. Tunkar chhung khan practice match vawihnih neiin Salem Veng 3-2 a an hneh bakah Zarkawt 3-1 in an hneh bawk. Players te rim takin an thawk a, an thawhrah an seng theih nan vengchhung mipuite pawn kan theihna lai theuhah puih kan tum dawn nia. Career Guidance

Bank Officer
India rama bank hrang hrang zingah hian sawrkar bank te hi a lian ber niin Branch za zela sawmkua (90%) zet hi an ni a. Henga officer thawk tur hian Competitive Examination hmanga lak anni. Exam theite chu graduate kum 21-31 inkar tan Staff Selection Commission in a exam a buatsaih thin a. Written exam hi hindi in emaw english in emaw a chhan theih a, written exam a tlingte hi interview neihpui leh anni thin. Written-ah hian objective type ah multiple choice a chhan turin test of Reasoning, Quantitative aptitude, General awareness leh English language te a awm a. Merit List a lak niin, chhana ah hian negative marking a awm bawk. Chhan dik ah mark an hmuh laiin chhan dik loah mark put zat zel paih ani thin a ni. Descriptive Question pawh a awm thova, tawi te te a chhan chi niin candida te ngaihdan leh duh dan leh thi chhut thiam an hria t nana buatsaih ani thin. Interview-ah hian candidate mizia, thiamna, a bikin communication skill te, general awareness leh banking lama an hriat na te enfiah a ni thin.

LAWMTHU SAWINA
Red Ribbon Football Tournment lo awm turah kan veng VC Team te chuan an mamawh a an hman turin mi thil phal te hnen atangin pawisa fai an dawng a. An chungah lawmthu an sawi tak meuh meuh a ni. Pu F.Vanramsanga Vety mual `1500/Pu C.Lalchhandama MVT `1500/Pi remlentiri Venglai `1500/Pu R.Thankhuma Venglai `1500/Pu Lalrosanga Venglai `1500/Pu Rokima Ralte Venghlun chung `1500/Pu Biakkima Venghlun `1000/Pu r.Lalfala Biakin mual `500/Pu Lalchhuangliana MVC `1500/-

Pic: Vantlang Zun In (Rev. Lalpianga In bul) Motor sut chhiat vanga rei tak siamthat anihloh hnuin Pu Lalrinsanga'n (Section-VII) in ama sumin a siamtha. He zun inbul kawng kawi hi a zim vang leh a kual deuh avangin accident a awm zeuh zeuh a, chumi vang chuan motor neite leh helai kawng hmang tute kan fimkhur dawn nia.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 19.02.2012

Sunna

YMA NIHNA : YMA chu Politics rawngkai lo tlawmngai pawl a ni.

MC&DC News
Dt.15.02.12 a Dilorugar Assam a neih North East Flok Festival hmang a MC&DC member 21 kal te chu an zu che tha hle mai a. State hrang hrang zingah an ni chiah hian sawm nawn na an dawngin April chawlhkar hnuhnung ber a kal leh tur a sawm an ni leh a ni. An kal kawng ei leh in man tum sak tu te Pu H.Vanlalruata Local Council Chairman leh Pu PC.Vanlalruata Hmar veng te chungah MC&DC te an lawm hle a ni. Tin, MC&DC te hi an troup leader Pu R.Liandawla, kan Branch YMA President hoin an kal a ni.

Pu R.Thankhuma (60) Section-IV chu ni 15.2.2012 (Nilainini) tlai dar 5:05 khan Nazereth Hospital Chaltlang-ah a boral a. A ruang hi tlaivarpui niin a tuk ni 16.2.2012 hian Republic Veng thlanmualah vui liam a ni. Republican Editorial Board in Khawhar chhungte kan tuarpui hle.

REPUBLIC VENGLAI WELFARE NEWS Dt 11/2/2012 chawhnu dar 3;00 khan Pu Lalhmangaihzuava Ralte te inah 2011 hruaitu leh 2012 kum a hruaitu tharte charge inhlanna neih ani a, dt.16/ 2/2012 zan khan kumin chhunga executive meeting hmasa ber an nei bawk.

REPUBLIC BASKETBALL CLUB NEWS

1. MBBA in 3rd division screening tournament a buatsaih turah tel tum a ni a. Thawhtanni zing atangin player te practice tur a ni a. Tin, thawhlehni zan dar 7:00-ah YMA Run-ah affilliated player te kim taka kalkhawm tur a ni e. 2. Kum 2012 chhunga RBC member ni duh tan membership fee Rs 10 in member anih theih a, vengchhung mipui te member ni theuh turin an sawm. 3. Hun remchang hmasa-ah Local tournament buatsaih an tum. 4. RBC Property Secretary atan Tv. Vanlalchawimawia ruat a ni. 5. Club Jersey la kawl ten a rang lama club hruaitute hnena thehlut turin an in ngen.

Zin Haw
Nl. F. Zongaihawmi, Section VIII Executive Committee Member chu hun rei tak Thenzawla a zin hnuin ni 17.02.12, zirtawpni khan a rawn haw leh ta.

In sawn
Pu Rohmingthanga te chhung chu Section IV atangin Pu Pathanga te inhnuai Section VIII-ah an in sawn.

Bo / chhar
* Soil Quarter ah sana chhar a ni a, a tibo chuan a awm dan chiang taka sawiin Pu Lalrinfela (Pepe-a) phone-9612154486 Section-III (Venglai) hnenah lam theih a ni. * Ni 16.02.2012 zan khan kan vengchhung-ah wallet dum, a chhunga PAN Card, driving licence (Lalsangliana) leh pawisa tlem awmna ka tibo a, a chhar kan awm chuan khawngaihtakin kan inhriattir dawn nia. - Lalsangliana 9436154802

TBZ INKHAWMPUI
Dt. 24th -26th February 2012 -ah TBZ Inkhawmpui Vawi 34-na, Zemabawk Presbyterian Kohhran Biak Inah neih tur a ni a,. Supporter-te tel theuh tura sawm kan ni a, ilo inbuatsaih lawk ang u. Thupui: "Thuawihna" I Sam 15:22-23 Speaker : Rev. C. Rosiama Inkhawm thei turte chu Zing Dar 9:30-ah Republic Biak In kawtah ingnghahkhawm tur a ni e.

Dam lo
* Pi Lalramhluni W/o Pu H.Lalremruata Section-IV chu dam lohna avangin damdawiin lamah enkawl mek a ni. * Pu Lawmsanga, Pu Laithanthuama in luah chu hun rei tak Aizawl Hospital leh Civil Hospital lamah TB avanga enkawl a nih hnu in an in lama in enkawl chhunzawm turin damdawi in atangin a rawn chhuak.

IDEAL PLAY ABACUS

Thluak Sawizawina I faten heng hi an tlachham in I hria em? Thluak chakna Mahni inrintawkna Hriat reng theihna Thil chik theihna Ngaihruat thiamna Thil chhut zung zung theihna ABACUS zirna hmangin a neih theih ta!

Pangpar khawi zirna bu

Pangpar khawi dan zirna bu lei tur kan nei e. A man hi Rs.700/- a ni. Pi Lalthangliani Phone : 9612513387 Republic Hmar veng

ADMISSION NOTICE
"LITTLE STEPS" Daycare Centre Republic Venglaiah March '2012 atangin a hnuaia mi ang hi hawn thar belh a ni dawn e. 1. AFTER SCHOOL CARE : Nursery - Class-I Admission - Rs 500 Monthly Fee - Rs 500 2. Laklawh thila nau awmtu nei remchang lo tan admit ngai kher lo in ni khatah Rs 150 chawiin a dah theih e. Contact: 9612386946 (3-2) Principal

ADMISSION OPEN
Learning Centre Holy Heart School Class kal hun : Inrinni (darkar hnih zel) Class tan hun : 10th March,2012 Zirthei chin : Class IV - Class VII Ideal Play Abacus India Pvt Ltd Chanmari Ph - 2306789/9436193526/8014001534 (2-1)

Published by Republic Veng Branch YMA, Printed at Zo-Awm Press, Khatla, Copy 700