Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 38 Dawrpui News Kartin Chhuak Pathianni Sept 18, 2011

TUALCHHUNG
LUSUN : Pi Thansangi Kum L 85, Thakthing Veng m/o Pi Malsawmi, w/o Dr.Rosangluaia Medical Qtr chu cancer natna in Ni 15 Sept zan dar 8:30 khan a boral a tuk ni 16 Sept khan vuiliam a ni. Lusun chhungte kan tawrhpui hle. DAMLO : Pi Lalrammawii w/o D Dr Thangchungnunga chu cancer natna avangin Mumbai-ah enkawl a ni a, Biopsy lak mek zel niin a result pawh a tha zel rih e. Tawng\aina ah i hre reng ang u. Chhuanawm : Lalrinsangi Chhuanawm d/o Thankimi, Zion Street chuan tunhnaia MPSC hnuaia MJS examah a inziak tling a, Interview a la hmabaka tha taka a tlin chhoh ngei kan duh sak e. Lalrindiki Pi Thankimi fanu tho hian Architech tha takin a zo thar bawk a kan lawm puiin kan chhuang em em a ni. Subroto Mukherjee Cup ( U17) Delhi a khelh mek ah Mizoram aiawha kal NCC Mizoram Team ah T v. L a l r i n c h h a n a s / o Chawngthanzami, Med Qtr. TSection chu telin an game hmasaber ah hat-trick a siam nghe nghe. 16 Sept. khan Punjab chu 5-0 ngawt in an hneh bawk. Joint Meeting : Nimin Sept. 17, 2011 (Inrinni) zing dar 10:00 khan Local Council Member-te leh YMA Office Bearer-te chuan Meeting an nei a, hetah hian Multipurpose Centre In sak zawh tak hman dan tur chungchang te, veng chhung Gas sem dan kalhmang chungchang te leh Veng chhung thil pawimawh hrang hrang an sawi ho niin kan lo hria a, he thu bautsaih lai hian an thuthlukna kan he hman ta lo. Kar leh Issue ah rawn tarlan tum a ni e. Dawrpui News : Dawrpui News-a thu chhuah duh kan nei anih chuan, Editorial Board Member tu hnenah pawh pek theih reng ani a, veng chhung mi tupawh inthlahrung lovin thu leh hla i thawhkhawm zel ang u.

CENTRAL CO-ORDINATION MEETING

September 14, 2011 (Nilaini) khanYMA Committee sang ber Central Coordination Committee vawi 66-na chu Central YMA Hall, Tuikhuahtlang-ah neih a ni a, meeting hi Pu Lal Chungnunga, President-in a kaihruai a, member 186 an tel a, kan Branch aiawhin Pu Lalrammuana a tel. He Meeting hian 66th YMA General Conference 2011 Sub-Hqrs. YMA, Kolasib-a neih tur chungchang a ngaihtuah a, Sub-Hqrs., Group leh Branch atanga Agenda lo lut an thifim a, hengte hi chhawpchhuah nise an ti. YMA KHAWIH: 1. Mizoram khawpui hrang hrang thlanmual intawm (Common Cemetery) kan neih theih nan Central YMA-in hma la rawh se. 2. Mizorama Project/Industry ah leh leilung hausakna haichhuah kawngah ram leilung faten a tam thei ang ber hamthatna an dawn theih nan Central YMA-in hma la rawh se. 3. Mizorama hnamdang dan lova sumdawngte hi YMA hian dapchhuah hna hi tun aia chak zawkin hma la rawh se. 4. Kan rama tuihna humhalh leh a awmsa tihpun zel a nih theih nan Central YMA-in hma la rawh se. SORKAR KHAWIH: 1. Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, Sorkar-in siksawi rawh se. 2. Tribal hmeichhia Non Tribal pasal neite, an pasalte hnam vuan tura Dan (Supreme Court Ruling) awmsa hi Mizoramah khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkar-in khapna khauh takin siam rawh se. 3. School Academic Session tuna kan hman mek hi India State dangte tih dan milin April - March ah thlak ve ni rawh se. 4. Labour Law kan neih ang angte kenkawh kawngah Sorkar-in chak zawka hma la turin Central YMA-in ngen rawh se. 5. Mizoramah hmun remchang chuh a Bawk khawh a khawper din thin hi a awm tawh lohna turin hmalak ni rawh se. KUMPUAN: Kumpuan rawtna hi Branch hrang hrang atangin engemawzat a lut a, chung zingah chuan Khawtlang Nun Siamthat tih leh Ram leh Hnam Humhalh tih chu buk tur atan Conference ah hian chhawp chhuah a ni ang. Pi Teressa Rothangpuii, President, Sairang Branch YMA-in Pathian hnenah tawngtaiin Meeting a tin a, tlai dar 4:30 PM ah tluang takin an zo fel a, Khatla Branch YMA ten zanriah tuihnai tak an buatsaih chu an kilho bawk.

CONFERENCE ANG AW
Kumin 2011 YMA General Conference chu Oct. 25 - 27 hian Kolasib ah nghah a ni a, kumin Conference ah hian kan Branch pawhin Item kan nei leh dawn a, heta tan hian mi thahnemngai ten hma an la mek a, an bei ngawrh tawh hle. Kan in report na tur hi Counter No. 2 niin, Kolasib Diakkawn-ah a ni ang. Nikum Lungleiah khan Branch kal zawng zawng zingah kal tam ber kan ni a, member 77 lai kan kal thei a nih kha. Kumin pawh hian kal tam ber nih tum leh ila, member te i lo inbuatsaih lawk ang u. Tunah hian Branch hruaitute hnenah a kal turte chuan hming pek luh theih reng a ni tawh a, kalna tur Motor te ngaihtuah hma angaih dawn avangin Member kal tumte chu a rang lama hming pek ni thei se a lawmawm hle ang.

Dawrpui

News

Kartin chhuak

Pathianni

Sept 18, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

INFIAM ANG AW
Dawrpui YMA Sports Sub Committee hmalakna in kan hma lawkah hian infiamna runpui Rising Day pualin Winter Sports Oct. ni 1-ah Lammualah leh ni 6-ah Dawrpui Sikul tualah neih a ni dawn a, YMA member te he hun lo thleng turah hian lo inbuatsaih lawk ila, kan veng in field kan neih ve chhun lammual ah phullem phah chungah ngei he hun hi kan hmang dawn a, naupang atanga puitling thlengin he hun hi chhim vek ila, chhhun lamah tiffin pai kan theh tlang anga a nuam dawn em asin, chuan Oct. ni 6 ah sikul tual ah sports kan nei leh dawn a, tlailamah ruaiin min hmuak dawn bawk a, awmni kham in he hun ah hian i tel vek ang u

CHHUNGTIN HNENA NGENNA

Dawrpui Branch YMA Executive Committee in a lo rel tawh angin kumin YMA dinchampha vawi 23 na chu October 6, 2011 hian khawtlang huapa ruai nen ropui taka lawm nise a ti a, heta tan hian vengchhung intinah thawhlawm khawn mai nise a ti bawk a, tunkar chho atang hian Section hruaituten an rawn khawn tan dawn a, chhung tin ten kan rem chan ang tawk lo thawh theuh turin kan in ngen a ni. Sd/- Secretary Dawrpui Branch YMA

YMA RISING DAY PUALA ARTICLE INZIAHSIAK

Dawrpui YMA dincham lawmna denchhen in Article inziahsiak neih a ni dawn a, kan vengchhunga YMA member a duh apiang tan he Article inziahsiak ah hian a tel theih a ni. mahni in lamah duh ang tawk a ziah theih a ni a, Rising day niin Article ziak tha pakhatna atanga pathumna te hnen ah lawmman pek a ni ang Article ziah tur : Khawtlang nun siamthat kan vengchhung milin Thumal ziah tur zat : Thumal 1500 aia tamlo ziah tur a ni a, kan thumal hmanzat ziah lan tel tur a ni bawk. Thehluhna tur : Branch YMA President hnenah Thehluh hun : September 24, 2011( Inrinni) thleng thehluh theih ani ang Sd/- Secretary Dawrpui Branch YMA

DAWRPUI Y.M.A. SPORT SUB-COMMITTEE 2011 Sept. 14, 2011 (Nilaini) zan dar 8:00 khan Sports Sub-Committee te an thu khawm a, Chairman Pu. R. Zolianan committee hi Pathian hnenah a hlan a thurel tan a ni. Thurelte : I. Marathon Race Duty dan tur kan sawi ho a, hetiang hian duty-na hmun tur kan ruat. a) Dawrpui School kawt i) Pu R. Zoliana ii) Pu Peter Lalthasiama b) Tennis Court bul Traffic point :i) Pu Ziakkima Pachuau ii) Nl. Parengmawii (Puite-i) c) Zodin Point i) Pu Lalbiakdika ii) Tv. PC Lalrinchhana d) Bazaar Bungkawn i)Pu Lalrinsanga Pachuau ii) Tv. Ramherliana iii) Tv. Steven Lalruatliana e) Pastor Quarter kawt : i) Tv. Lalsangbera ii) Tv. Jonathan F. Zomawia iii) Nl. C. Zarzoliani Marathon Race thlan hun atan Dt. 1.10.2011 nise tih a ni a. Tlan hun chhung hi Dar 6:00 A.M.- 7:00 A.M. inkar a tlan tur a ni a. Dar 7:00 A.M. a tlan thlenglo chu pawm an ni lo ang. Marathon Race a tlan tur te hi President in Flag off a nei ang. Marathon Race a an lehkha ken tur hi Secretary in lo buaipui se kan ti. II. Dt. 1.10.2011 (AR Ground) ah zing Dar 10:00 ah Exhibition Match, Branch Executive Members leh Sports Sub-Committee member tangkawp leh Section tin Committee Members tangkawp ten an khel ang. An hak tur Jersey lo ngaihtuah turin, Pu. Lalrinsanga Pachuau chu ruat a ni.Exhibition Match khelh zawh ah hian hetiang hian Item hrang hrang chhunzawm a ni ang. i) Under 14 (ii) Relay Race ( Mixed) M=4, W=4 ( Relay race a, an hmawlh ken tur hi Pu Lalbiakdikan lo buaipui se kan ti) (iii) Sakuhuilut - M(10) W- 10 (iv) Football (M) Section in elna in a zui leh nghal ang. ( v) Penalty Shoot Ouat. ( 10) Member Team, Tin, Football Match ah hian Yellow Card Rs. 20/-, Red Card Rs. 50, a ni ang. Match Official tur hian Sports Sub-Committe te ruat an ni. III. Dt. 6.10.2011 hian Rising day lawmna denchhena Sports neih chhunzawm leh tur a ni a, Zing dar 10:00 ah tan tur a ni ang. Hemi ni a Sports Item neih dan tur chu ahnuaia mi ang hi a ni ang. i) Under 14 Basket Ball Shoot out( 10 each) 1 round. ii) Poison Ball (Women), 15 Member each (Knock out) iii) Separtakraw (Men), Section tin atangin Team hnih. ( 5 Member per Team) ; Separtakraw Game bik ah hian member duh zah zah inthlak theih a ni a, a chhuak tawh chu luh nawn theih a nilo ang. Game point chu 21 point a ni anga, Half time point chu 11 point a ni ang. Knock out System a khelh tur a ni. iv) Fill in the cup (Mixed) Women-10 Member, Men-10 Member. ( 5 Minutes) v) Nuclear Bomb(All Member) Football Goal Net leh Separtakraw Ball hi Branch Committee in Sport Directorate/ Sports Council ah min dilsak se kan ti. Hun remchandan azira tih theih turin U-14 Games lo ngaihtuah turin, Pu Lalbiakdika, Nl. Parengmawii, Nl. C. Zarzoliani te kan ruat. Member inchhiarna a awm anga, inchhiarna hi Sports Item pakhatah chhiar tur a ni a, Dt.1.10.2011 leh Dt. 6.10.2011 a member kalte belhkhawm tur a ni. Sd/- Secretary

Dawrpui

News

Kartin chhuak

Pathianni

Sept 18, 2011

KAN |HEN TAK

HRISELNA

Medical Science
- Dr. Thangchungnunga, MS (Ortho)

Challuta Pu J. Challuta
(1926 - 2011)
Pu James Challuta hi Thangneuva (L) leh Mawikungi (L) te fa upa ber niin 1926 khan Zote khuaah alo piang a. Pianpui unau 3 (Hmeichhia vek) a nei. Zirna lamah Dawrpui Primary School a\anga zir \anin Shillong Don Bosco School-ah Class X a zo a ni. Kum 1947 khan Mizo zinga Catholic Puithiam hmasa ber Rev. Fr. A. Sanglura(L) Baptisma an chang. Zirna lam chawlhsan hnu hian a pa u, Thangruma (L) te sumdawnna puiin an hnen a\ang hian a indang a. Dawr siamin a tluang hle a, General Merchant a\angin Motor Parts-ah a inlet a, Mizo District-a motor nei hmasa pawl a ni. Kum 1950-ah Brigid

Darziki (L) nen inneiin fapa 6 leh fanu 2 an nei. Amah hi mi ingaitlawm leh \awng tlem a ni a, \hian kawm thiam tak a ni a, tlawmngai leh mirethei chunga khawngaihna ngah tak a ni. Tu leh fate hmangaih a, kilkawi peih a ni a, zirna ngaisang mi a ni a, a fate pawh phai lam school \haah a zirtir deuh vek a ni. Dawrpui-a Catholic Kohhran alo din theihna atana sulsutu ber a ni a. Biak in an neih theih nan theihtawp a chhuah a, tuna St. Marys Biak In (a hma chuan Dawrpui Catholic? hming a pu \hin) alo ding ta te hi a hmalakna rah liau liau a ni a, amah pawh a lawm hle \hin a, hna pawh a uluk a, Pu Challuta Biak In an ti hial \hin. Heng chanvo hrang hrangte hi a lo chelh tawh \hin : 1. Catholic Hmasawn Pawl - Treasurer 2. |halai Chanchinbu - Publisher 3. Dawrpui Catholic Kohhran Committee - Chairman & Vice. Chairman 4. St. Marys Parish Council - Chairman & Treasurer Khawtlang lamah Upa Pawlah a theih ang tawka inhmang chhoin Life Member a ni a. Hruaitu hlun tia chhal ngam khawpa neitu a ni a, Treasurer hna hi 1996 - 2004 chhung a chelh a, Aizawl East II Area MUP-ah Execuitve Member hna hi kum 10 a chelh bakah a thih thleng hian Adviser a ni. Kum 2005 a\anga insawisel \anin phai lamah te pawh kalpui a ni a. Kum 2008 -a a nupuiin a thihsan hnu a\ang phei chuan a chaklo zual hle. In lamah uluk leh duat taka enkawl a ni a, Sept 6, 2011 tuk khan a zing tho a tlu palh a, a Thluakah thisen a tling a, Damdawi inah enkawl a niin a hniam hret hret zel a, Oxygen nena enkawl zui niin Sept 10, 2011 chawhnu lam dar 2:10 khan Pathian hnenah hahdam takin alo chawl ta a ni.

Damdawi lama Medical Science in enkawlna hi tunhma chuan Doctor leh Pharmacist kutah a awm deuh rawt a. Tunah chuan Computer leh Internet-te alo awm ta a, Doctor zir ve lem lo te pawhin engemawzat hriat tur alo awm ta a. A \hat viau rualin kan hmang thiam lo deuh \hin niin a lang a. Laymen (Doctor ni lo) chuan a hriat tur pawimawh ber chu a damdawi lei a dik em? ni engzat ei tur nge? a expired (thi) em? eng natna atan nge a ei? tih hi hriat chian tur a ni a. A bak Cancer-te leh natna hrang hrang Interneta en leh chhim ve \euha rilru tihah ta chiam mai hi an tam mai a, MBBS kan zirlai pawhin natna kan han zir chiah chu nitin mai hi kan zir apiang hi neiin kan inhre zel mai a. Kan zirtirtute pawh kan inentir fo reng a ni. Hetiang deuh hian hre ve deuh riai ruai la hrechiang tak tak silo hi enkawl buaithlak tak an ni reng a. Kum nga leh chanve zet han zir hnu erawh chuan a dang ta daih \hin. Thil hriat zau chu a \ha, mahse ziktluak silo a, mahni rilru tihhrehawm hi a hlauhawm ber a. Cancer inring tlat kum thum kum li vel in check-tir hnu pawh a Cancer theilo ka hre hnem mai. Engmah ngaihtuah lo leh hriat loh lutuk erawhchu a dik lo. Doctor hriat tur chin leh Doctor lo hriat tur tawk a awm a. Hriatfiah duh chuan zawhfiah mai tur a ni. Entirnan, pumpui na (Ulcer) nei kan tam em em a, pumpui alo thip a, a na deuh a, hrehawm ul in a awm a. Pumpui damdawi (omniprazol, AntacidDigene, Ulgel etc.) kan han ei a, mahni thuin kan ei a, hetianga a lera lo \huai bun mai hi a enkawl dan a ni lova. Engvanga Ulcer nei nge a nih? tih kha Doctor hmuhchhuah tur zawk a ni a. Tunlaiah phei chuan pumpui Ulcer/Na tam ber chu Kuhva ei tam, Meizial zuk leh a pawimawh ber Mit-a lungte awm hi a ni deuh ber a. Mit (Goll bladder) leh Kal (Kidney)-a lung awm pawh paih ringawt kha a damna ala ni lo fo; Engvanga lungte kha lo awm nge? tih hriat a ngai a. Chu chu a pumpui natna chhan bulpui ber a ni \hin. Mizo hi kan thil ei avang nge? Uric Acid hi a sang em em deuh vek a, (Gout kan tih mai hi) hei hi lungte siamtu tam ber a ni a. Chutichuan pumpui na reh hleithei lo, Doctor zawng zawng inentir kual tawh phei chuan a ni deuh zel a. A enkawlna chu Gout (Uric Acid) tam tur ven leh a lungte paih a ni ta a nih chu! Lungte siamtu ber kha Ulcer awmna chhan a nih avangin enkawl loh chuan lungte dang alo insiam leh tho \hin. Hetiang a nih avang hian Internet leh lehkhabu tlanglawn-a ziak ang ngawt a ni lo tih i hrethiam tawh ang u.

COMMITTEE KOHNA
A hnuaia hun leh hmun ruat ah hian Tatesena Section Committee pawimawh tak koh a ni a, Committee member zawng zawng ten i ngai pawimawh ang u. A hun : 21st September 2011, Zan dar 8:00 A hmun : Dr SR Zonunthara In, Jail Veng. Sd/- Secretary

Dawrpui

News

Kartin chhuak

Pathianni

Sept 18, 2011

INFIAMNA

SKA

CHAMPIONS LEAGUE : Football khawvel a sum

tamna ber Champions League Group stage khelh tan a ni a, team lian thenkhat te result beisei ang a ni lem lo. English Club zingah FC Chelsaea chiah in an khingpuite an hneh. Blues hian Manager thar Vilas Boas hnuaia UCL game hmasaber ah German club Bayern Leverkusen lo mikhualin David Luiz leh Juan Mata te goal hmangin hnehna hlu tak an chang. He match ah hian Captain John Terry leh Frank Lampard ten starting line-up an chang lova, a hmatawngah Sturridge leh Torres te an in kawp. Sturridge hian chance vawi 2 vel chu a hmu a ni. He inkhel a goal hnih te hi Torres a siam ve ve a ni. Manchester United an che ropui lem lo, Portuguese club Benfica hmachhawnin an lamah goal a lut hmasa zawk a half time hma hret in kum 37 zet a upa ni tawh Ryan Giggs an an siphurh a sut hram. United hmelma Manchester City pawh an che ropui lem lo tualchhung ah goal thun thei viau mahse an dai ngai loh ram European huhang an ngam lo nge ni Italian club Napoli nen 1-1 in an inhnehtawk. Season bul \an fuh lo em em Arsenal in German champion Borrusia Dortmund hmachhawnin goal 1 ve ve inpe in an \in. Result langsar zual te tarlang thuak thuak ang; Spanish leh World Club champion ni lai Barcelona chuan Italian club hlun AC Milan khelin a khelh ah hneh zawkin ball pawh chang tam viau mahse goal 2 ve ve inpe in an in draw. He game ah hian \an atanga second 24 ah Milan hmatawng Pato an goal a thun a hei hian in khel boruak a her danglam ve deuh . Catalans lam hian nawr behna rah sengin an si phurh hi an sut ve leh mai a, inkhelh chawhnu lamah David Villa freekick nalh zet hmangin hma an hruai a, an chakpui tura ngaih ngei anih laiin hun tawp hma hret in Milan hian an sut ve leh a ni. Hetihlai hian an hmelma hlun Real Madrid ve thung erawh in an khingpui Dynamo Zagreb 1- 0 in an hneh. Real khel hi duhthusam chu a ni lo, chumai pawh ni lovin Marcelos chuan yellow card vawi-2 hmu in hnawhchhuah a ni. INTER -AN MUALPHO : Italian Club lian Inter Milan chuan an khelmual hmingthang San Siro ah Turkish Club Trabzonspor lakah 0-1 in an tlawm! Trabzonspor hian UCL an qualify pha lova mahse Turkish League champion Fenerbache chu match-fixing lamah thubuai an neih avangin UCL khelh pha chauh anni. Inter hian an striker chhuanvawr Samuel Etoo an hralhchhuak tawh a, a aiawh tura an lakluh Diego Forlan lah Athletico tan Europa a lo khelh tawh avangin Inter tan hian a khel thei lova an goal nawr ana lo hle. EUROPA : Champions League khel phalo ten an khelh thin hi ngaihpawimawh a hlawh chho ve phian. English Club zingah an khingpui te hneh an awm lo. Fulham chuan Dutch club FC Twente 1-1 a draw puiin point 1 an hmu a, Division hniam lama tla thla Stoke City chu Sporting Braga lakah 1-3 ngawtin an hneh. London club Tottenham chuan Greece club PAOK nen goal awmlo in an in draw.

PRESBYTERIAN
Sept 18, 2011 Sunday School
|antu : Pi Lalzawmpuii, Bial VIII

Chawhnu Inkhawm
|antu Thusawitu Thusawitu : Pu F. VL Biakchhawna, B-II : Pu H. Malsawma, B- VII

Zan Inkhawm
: Upa R. Englaia

K.|.P.
Sept 18, 2011

|awng\ai Inkhawm

A hmun : Fellowship Hall Hruaitu : Nl. Zotinkimi, Khawngaihna Gr. |antu : Tv. K.Lalrinawma, Chhandamna Gr. Thuchah tawi : Nl. Zirnunsangi, C/m Bible chhiar rual tur : II Timothea 3 : 16,17 Hebrai 4 : 12,13

SALVATION ARMY
Sept 18, 2011

Thianghlimna Inkhawm

Territorial Council hlanna Inkhawm

(Territorial Songster leh Territorial Staff Band ten hun an hmang ang.) Colonel Lalngaihawmi, Pathian Thuchah : Territorial Commander

Sunday School
Hruaitu Zirlai Hruaitu Items : David Lawmzuala : 36-na

Chhandamna Inkhawm
: Major Thanhlira, Personnel Secretary : Bazar Corps Band, Central North Division Songster, Chawlhhmun CO Bial Songsters, Chaltlang Corps Band : Lt. Col. Lalramhluna, Chief Secretary

Thusawitu

HRIATTIRNA LEH NGENNA

Vanapa Section Jersery, a var leh a pawl a intial chu engemaw zat a kim lova, a lo kawl tha leh a awmna chin hria kan awm chuan heng a hnuaia tarlan te hnen ah hian hriattir nise a lawmawm hle ang. Tin, Jersey hlui zawk, a eng, a hmaa Philips tih inziak kha tuna kawltute zawng zawng khan a hnuaia tarlan te hnen ah hian submit vek tura ngen kan ni e Sd/- Lianzama Pachuau Leader 9436965574 Sd/- Ramherliana Secretary 9862404739

HRIATTIRNA
Inter Veng Basket Ball Tournament 1st October 2011 hian Chawnpui Basket Ball Courtah neih \an a ni dawn a, he Tournament ah hian kan Veng kan tel ve dawn a, he ta tel/khelh tum zawng zawng te chu 19th Sept. 2011 tlir dar 3: 30p.m ah Dawrpui Sikul kawt ah kal khawm vek tur a ni e.

Published by Y.M.A., Dawrpui Branch, Printed at G.S. Offset Printers, Treasury Square