Kum 23 Issue No.19 Missionary Tlngau July 2011 Editor 2342250 (O) 9615344234(M) Asst. Editor : H.

Zadingliana 2342294 (R) 9436157190(M) Cir.Manager : K.Lalremsanga 9436370298(M) Member : Rev.Dr.K.Lalrinthanga 9436158852 (M) : L.H.Liandinga 2342667 (O) Email Address : [email protected] Address Baptist Church of Mizoram Office Serkawn, P.O. Zotlang - 796691 Lunglei, Mizoram Ph.Off - 2342250 A man kum khatah - Rs 40 : HS.Lalhmingthanga

Thuchhuah rng rng hi a ziaktu mawhphurhna a ni a, Editor leh BCM ngaihdn a ni vek kher lo.

A CHHUNGA THU AWM TE Sl.No 1. 2. 3. 4. 5. 6. 7. 8. 9. 10. Editorial Hong-ah Lalpa kan chawimawi BCM Chakma M.Kawnpui Kohhran Salvation. Kan Missionary te tan i tawngtai ang u Upa Lalthanghluna Lalpa hnenah Report from Damparengpui Prayer/News Letter Assam-Bengal Field tlawh Reports Kan tuar Lalpan a phal Missionary Support petute leh an pek dan 1 Phk 1 2

Editorial Editorial A MI TIRH HI RING ULA Pathian thu thianghlim (Chanchin Tha Johana ziak bung 6) chuan Pathian Mi Tirh Isua Krista thiltihtheihzia min hrilh a : i) A thusawi ngaithlatu mipui patling ngawt pawh 5000 zet chu chhangper 5 leh sangha 2 in tlai takin a hrai. ii) Galili dila thlipui tleh leh tuifawnin a tih mangan a zirtirte chu tui chunga kala rawn panin, lawnga a chuan luh veleh an lawng chuan an pan vaukam a thleng nghal. iii) Isua chu van Manna, chatuan Nunna Chaw a ni. iv) Isuan mipuite hnena thu a sawi chu thlarau lam thu a ni a, a ring apiang tan Chatuan Nunna a ni. Kan chang thlan (Johana 6:29) hian mipui tam tak Amah zawngtute chu Isuan Amah ring tura a duh thu min hrilh a. Pakhatnaah chuan Isuan mipuite chu chaw dangral mai uma phili chung lo turin a hrilh. Mi tam tak buaipui ber leh Pathian lam ngaihsak hman lova an chakna, sum leh pai leh hun an hmanralna chu Isuan min pek a tum Chaw tak ni lovin, damchhung khawsakna thil, tisa chakna te, mit chakna te, damchhung ropuina lem te an ni. Khawvel hi a chaknate chawpa boral thuai tur a ni a, heng khawvel thil kan sawi takte pawh hi rei lotea la boral mai tur an ni. Hei hi hriain Isua chuan chatuan nun thlenga awm reng tur chaw chu uma neih ngei tuma tan la zawk turin a hrilh khawl mai a ni. Pahnihnaah chuan Isua chuan amah zawngtute chu van atanga lo chhuk Nunna Chaw chu anih thu a zirtir a. Amah ngei chu ring a, chatuana boral lo va nung turin Mosia hun laia Israel-te hnena Pathianin manna a pek tehkhin thua hmangin a zirtir a ni. Chu Chaw chu Pain an hnenah a pe reng a ni tih chiang takin a sawi (chang 32). Chuvangin tupawh Isua ringa nitin nunna atana hmangtu chu eng tikah mah a riltam lo vang a; Isua atanga Tui 2

Nung lui lo luang chhuak intu chu engtikah mah a tuihal dawn tawh lo a ni. Pathian thilpek Isua Krista hi hre chiangin nitin ring ila chuan aw! mi azawnga mi vannei ber kan va ni dawn em! Pathumnaah chuan Pathian hna an thawh theih nana Isua rin aia tih tur zawng tlat mai mipuite chu Amah hria a, ring a, a chakna thahruia innghat tlat turin a zirtir a ni. Chhandamna thuah pawh thiltih avang ni lovin, Isua Krista rin avanga chhandam kan ni a. Rawngbawlna thuah pawh Isua ringa Amaha innghat tlat chunga rawngbawl turin kan chang thlan hian min zirtir a ni. Mipui riltam chaw pek thuah te, dila thlipui leh tuifawn kara lawnga kal thuah te, mihring khawsakna mamawh taksa, silhfen leh ei leh in thu thlengin Isuan Amah ring si lova buai chung lo turin min duh a ni. Amah hi Lal atan thlangin kan thinlung lalthutthleng hi luahtir hmak ila; a rawngbawlna chhunzawma Chanchin Tha kan hrilnaah pawh kan hma hruaiin min thawhpui zel dawn a ni tih hriain (Marka 16:20), Thlarau Thianghlima min hruaina hi lawm takin i zui mai ang u. Lal Isua nen chuan engkim hi a ropui si a.

*****************

HONG-AH LALPA KAN CHAWIMAWI FP.Lalthathanga, Evangelist Kohhran hote tawngtaina azarah Pathian khawngaihna leh hruaina nasa tak kan chang zel a, a lawmawm thin ngawt mai. 2011 pawh kum chanve kan lo hmangzo ve leh dawn ta reng mai a, kan thawhna chanchin tawi ang reng taka kohhrante hnenah han puanzar ve leh thain ka hria a, ka han ziak a ni. Kumtir lama Apatani Area huam chhunga thawktute kan inhmuhkhawmnaah, Kohhran hrang hrang te chipchiar deuh taka inchhiarna neih nise, tiin kan rel a, Baptisma chang tawh zat chiah 3

leh, member te pawh duh anga inhriat chian a harsat deuh vang a ni a, reports hrang hrangte kan peih fel tawh hlawm nain Hong khuaa kan thawhna bik deuh chauh ka han tarlang dawn a ni. Kum 2009 June thla khan ka thleng thla a, heta survey kan neih khan kan Kohhran ah hian member Baptisma chang 80 vel leh naupang leh baptisma chang lo 60 vel, a zavaiin 140 vel kan ni a, chhungkua (in) 50 vel kan ni. (Survey neih tawh hnu pawh a, a vel tia sawi a ngaihna chhan chu, hmundanga cheng leh chhungkua anga chhiar hleih theih siloh te, a changa rawn kal ve, member a han chhiar mai theih silohte an tam vang a ni.) Kum 2011 April khan survey thawh hnihna kan nei leh a, hetah hian Baptisma chang 163, naupang leh baptisma la chang lo member 69, a vaiin mi 259 kan lo ni ta a. Hei mai bakah hian kan Sunday school naupang tam tak hi an nu leh pate Kristian an la nih loh avangin kan chhiar tel thei lo zawk a ni. Chhungkua (In) pawh 88 lai Pathian leh Kohhran hote tawngtaina zarah kan lo tling ve ta bawk. Baptisma chang tam ber te hi nu valai, pa valai leh thalaite kum 15-40 an ni hlawm a ni. Pathian hruaina ka chan hi a makin a ropui ka ti ve thin. Hetih lai hian kohhran dang atanga lo lut te leh kan inchhiar hmasak laia hmun pawna awm, rawn haw leh tawhte an awm ve nual bawk. Survey hmasa leh hnuhnung inkara baptisma class kan pek atanga baptisma chang tak hi chu mi 65 an ni. Heng zinga mi 28 te hi kum 15-25 inkar, thalai member te an ni. Tun kum 2011 chhung hian rilruin ringthar (baptisma chang tur) mi 40 target kan siam ve a, tunah hian mi 25 Lalpan min pe ve tawh bawk a ni. Hetia survey neih remchan takah chuan tiin Hong khua Kristianna dinhmun te pawh ngaichang turin Sawrkar Statistics Office-ah te ka leng a, kum 2011 Census reports ngaihven pahin Kristian pundan te ka zawt a, Arunachal-ah kum 2001 Census leh 2011 Census-inkara Kristian punna percentage a sang lutuk a, report dik lo a nih an rin avangin tunah hian Supreme court-ah a awm mek, tiin min chhang a, a lawmawm mang e. Electoral roll 4

thar ber atang ten ka han lakhawm chhin a, hetiang hi tuna Hong khuaa kan dinhmun chu a ni : Mihring cheng zat - 4000 In awm zat - 502 Kristian zat - 600 Kristian in zat - 200 Kristian percent - 15 % Kristian in zat - 40 % Chhungkaw member zawng zawng Kristian hi chu an la awm meuh lo. Tun kum Tumkau Pathianni khan kawng zawh ve ila kan ti a, khawchhung atang chiah chuan kan au tan ngam lo nain, khawpawn atangin Lalpa chawimawiin kan au ve a, mi 200 vel lai kan pungkhawm ve thei a, a lawmawm tak zet a ni. Pathian leh Kohhran hote tawngtaina zarah khawchhung atanga kan au ve theih thuai kan beisei. Min tirtu hian min awmpui zel avangin a ram a zau zel ang. Min lo tawngtaipui zel dawn nia.

*****************

BCM CHAKMA M.KAWNPUI KOHHRAN SALVATION CAMPING REPORT R.Lalnunsanga, E/T BCM Chakma, M.Kawnpui Keini BCM Chakma M.Kawnpui te chuan kumthar Committee-ah Salvation Camp neih ve nise tiin kan rel a. A hun atan Dt.30th March atanga 2nd April, 2011 kan ruat a. Speaker atan Evan. Jamadon, Marpara S nise kan ti a. He Salvation Camp buatsaihna tur hian sum leh pai engmah kan nei lo, kohhranten kan theih tawpa Pathian auvin, awmni khama Bethel leh Chawnghei tawngtaite neiin, chu bakah Camp puala tawngtai inkhawmte 5

buatsaihin Pathian kan dawr ve a. Tin, he Camp inbuatsaih nan hian Home Visit-te neiin Chakma in tin tlawh chhuakin Camp-a lut tur hian theih tawpin kan sawm ve a ni. M.Kawnpui khua hi Lawngtlai District-a awm Mizo khua a ni a, Chakma in 50 vel an awm ve a ni. Chakma kohhran member hi 80 vel kan ni ve a. Tun hma lam chuan kohhran member hi 100 chuang te pawh an lo tling ve tawh a, mahse eng eng emaw avangin an lo bang then tawh hlawm a ni. Kan tawngtainate chhana awmin, Pathian hnathawh ropui tak a lo lang a, mimal leh kohhran hrang hrang hnen atangin tanpuina kan dawng a, chungte chu han tarlan ve kan duh a : (1) Lunglei Chanmari Bial Mission (2) Zobawk Venglai (3) Kikawn (4) Haulawng Lal Veng (5) E.S, Lawngtlai (6) Pi Sangkihi (7) Pu Rualhnema (8) Pu H.C.Lalhmunliana. Heng bakah tha leh zung leh tawngtainaa nasa taka min tanpuitute leh BCM M.Kawnpui kohhran atul zawng zawng min buaipui a phur tak leh hlim taka eirawng min bawlsaktute avangin kan lawm hle. Sum lam leh Councellor engkim tihfel anih hnuin, Moria tlang an pan laia Abrahama te pafa thu inzawhna, Thing leh Mei chu a awm a, halral thil hlan tur chu khawiah nge? tih chu kan chan a lo ni leh ta. Theihtawpin Pathian kan au a, Jehova-Jire puihna a zarah a hun takah Camping pawh kan tan thei a, kan beisei phakbak Pathianin Campers mi 120 zet mai min pe in heng zingah hian Kristian la ni lo mi 30 zet mai an rawn tel ve bawk. Camp luh ni hian khua a chhe hle mai a, kan zam hle nghe nghe a ni. Tin, he Camp-a lut tur hian Sekulhkai khua leh Damlui khua atangin khawchhe hnuaiah ah mi 40 vel zet an lo kal bawk. Heng zawng zawng hi intawngtaina chhanna a ni e. Pathian ropui ber rawh se. A mite min kalsan ngai lo, a thutiamah a ding nghet thin. 6

Speaker hnen atangin Pathian Thu tha tak tak bakah Chakma ten Pathian an bosan nasat tawh zia te thuchah ropui tak tak ngaihthlak ani a. Campers ten ngaihnawm an tiin an ngaithla kham lo thei hle a, muthlu hmuh tur an awm ngai lo. Tichuan Camping chu kham lo taka tih tawp alo nit a a ni. Campers-te hlim taka chhuakin hnungtawlh tawh te hruaikir leh in Lal Isua la hmelhriat ngailo ten Lal Isua an lo hmu ta. Lal chu fakin awm rawh se. Chu chauh nilovin Lal Isua Lal leh Chhandamtu a pawm thar Baptisma chang thar mi 14 zet mai kan nei bawk. Campers hlim taka chhuakte tan kan tawngtaipui rualin, Lal Isua la nei ve lo te tan bang lovin i tawngtai zui zel ang u. Isuan ram neih a thulh thei lo, thla thar det ban hma loh hi chuan. He Camp-a thil thleng ropui, rapthlak bawk si hi han tarlan loh theih loh chu, Baptisma chang thar zingah mipa naupang kum 13 mi Class-VI zirlai Barenga (Phunongchand) chu a nu leh pa ten Kristian nih an phal lo va, nasa taka vauin, sawisak leh hnawhchhuah hial pawh an pawisak loh thu an hrilh a. Chuvangin keini thawktute leh Speaker pawhin Baptisma chu chang rih lo mai tura kan hrilh pawhin, eng pawh tawk se Lal Isua ringtu leh a hnung zuitu nih a duh thu a han sawi chuan kan thinlung a khawih kher mai, kan dang zo ta lo a ni. Bptisma chu chantir a ni a, Sacrament inkhawm kan neih lai chuan a nu leh pa ten pawnah lo changing, ban veleh in lamah hnuk haw nghalin an sawisa a, i Pathian chuan a chhan che em? tiin vuak leh sawisak a ni ta a. An fapa chuan, Ka pa, min vaw mai rawh, kei chu Kristian ka ni duh, a ti mauh mai, Kristian ramah naupang kum 13 lek miin Krista avangin vuak leh sawisak 7

hnawhchhuah a tuar ta anih chu. Amah hi thawktute leh mi thenkhat ten an in atanga va la chhuakin, thawktute Quarter-ah lak phei a ni a. Tunah chuan Pu Phena ten an awmpui ta nghe nghe a ni. Hei hi kan boruak tawn anih avang hian he naupang nu leh pa te hian Lal Isua an lo rin ve ngei theih nan nasa lehzuala lo tawngtai zel turin kohhranhote kan sawm nghal bawk che u a ni. A tawp berah chuan Chakma Kristiante hi Krista avanga chan ngam, tuar ngam an nih zel theih nan i tawngtai zel ang u. Lal Isua hming avanga tuarte chuan lawmman tam tak an la dawng dawn si a (Luka 6:22-23). Lalpan ropuina chang rawh se.

***********************

KAN MISSIONARY-TE TAN I TAWNGTAI ANG U UpaChalhmingthanga, BCMChaltlang,Aizawl. Anni (ringlote) tana ka tawngtaina chhan ber chu chhandama an lo awm theihna tur a ni. (Rom 10:1) Tunlai chu ka lawm hle mai. Missionary-te an thawhna hnam tawng thiam pawimawhzia hriatnaah an thangharh zel a, hei hi a lawmawm a ni. Chanchin Tha hril turin Ramthimah Missionary-te kan intir chhuak mek a, tawng an thiam lo thei lo va. An hnathawhna tur hmun an han thleng a, tawng an thiam loh chuan ram dang mi leh hnam dang an nihzia chu a lo lang ta thin a ni. Chuvangin Missionary-te tana kan tawngtaina tur tlangpui chu a hnuaia point tlem ka han tarlan atang hian i lo thlir teh ang u :-

1. Tawng an thiam thuai nan : An thawhna tur hnam tawng an thiam loh chuan, tawngri an hriat apiang kha a awmzia an hre lova, an tan awze mi an ni mai a. An han inbe thei lo phawt a, zaizira inbiak a lo ngai ta a, a lo chiang tak tak thei si lo va. An tawng kha letling thei pawh han awm bawk mahse, thinlunga khung a harsa bik thin. Chu mai bakah tawng thiam loh chuan an va thawhna ram mite nen rilru in hriat tawn a harsa a, innelna leh inpawhna tak tak a awm thei thin lo a ni. Chuvangin chatuan thil thlarau lam nun an thinlunga khung tak tak tur chuan an tawng kha mahni pianpui tawng ang maia thiam hi a pawimawh em em a ni. An tan thian tha tak an nih theih nan te, hmangaihna tak tak neia rawng an bawl theih nan te, a ram mite tawng leh hnamzia hriaa an hmangaiha an duhsak tak tak ani tih anni pawhin an hriat theihna turin, keini a fawng vuantute hian kan Missionary-te hi thahnemngai takin i tawngtaisak ang u. 2. A ram mite nunphung hriat : Lalpa tana rawngbawlna hlawk tak nei tur chuan a ram mite nunphung leh khawsakho dan hriat chian a ngai hle a ni. Mizo khawsak dan nen a lo inang lo viau thei a. Chuvangin an khawsak phung hre chiang hmasa lova, mahni duh dan dana an zinga va khawsak ve ngawt mai kha chuan, mak intihna te, inhriat thiam lohna te, in hmelmakna thlenga thil awm thei vek a ni a. Chuvangin, rawng an va bawlsakte khan an thu leh hla an lo awih a, belh tlak an nihzia an hriatna tur chuan an nunphung kha an hriat hmasak a, an zahsak a tul viau a ni. Entir nan- Chhungkua an inawp khawm dan te, Nupa an inen dan te, khawtlang an inawpkhawm dan te, inleng an neih dan te leh an in mikhual tawn dan te thlengin an hriat thiampui a ngai awm e. Chutiang ni lova mahni duh ang anga va khawsak mai chuan mi rilru an hliam palh thei a, mi thinlung a an hnawn a, an tuitlak loh chuan a pawi hle dawn a ni (an awm ang ang leh an tihdan ang anga va tih ve vek lam chu a ni lovang chu). Kan Missionary te, kan aiawha kalten a ram mite tihdan leh nunphung leh khawsazia an hriat thuaina turin i tawngtaisak thin ang u. 9

3. Hmangaihtu angin : Sap Missionary-te Mizorama an lo kal khan, kan pianphung leh khawsakzia a lo inang lo nasa mai si a. Kan nel lova, kan inkar a hla a, Sap vakvai/Sap thatchhia, kan ti a. Kan mithmuhah chuan, Khawdang Sial ang ho mai kha an ni a. An han awm rei deuh va, kan awmdan te, kan inchei dan te sawisel mai lovin, hmangaih takin kan zingah min awmchilh a. Min hmangaihtu nia kan hriat chinah chuan, an nihna atan pawh Zo Sap (Mizo ni si, Sap) min hmangaihtu, kan ta, kan lo ti ta a. An hming atan pawh, Zohmangaiha (Mizo min hmangaihtu), Zoduhi (Mizo min duhtu), Zomawii (Mizo nih a inmawi) tiin kan phuahsak hial a nih kha. Mizo min hmangaihtu Sap-a kan pawm chinah chuan Pathian ram Chi tiahna turin kan thinlung kha min lo buatsaih reng mai chu niin..! Pathian ram zauna daltu lian tak mai chu a ram mite awmdan phung hriat thiampui tawk lohna hi a ni fo mai..! Kan Lal Isua pawh kha khawvel chhandamna hna a thawh khan, Pathian a nihna te leh Van mi a nihna zawng zawngte chu hlipthlain a chhandam tur mihringte angin a lo piang anih kha. Van thuam hlipin Lei thuamin a inthuam a ni tih te pawh hi kan hriatthiam a ngai a ni. Pawimawh tak mai chu kan rawngbawlna Hnamte hian an mahni mi anga min lo pawm a, anmahni hmangaihtu-a min lo ngaih theih hi a ni. Khawdang Sial ang tlat kan nih chuan, min nel ngai lovang a, Chanchin Tha Len-in kan khuh phak dawn lo a ni. Lalpa Isua ang turin, khawvela damchhung hian, Pathian rawng chauh bawl turin mahni inpe vekin tih hla ang khan, kan Missionary-te hi a ram miten an mahni hmangaihtu anga an lo hmuh theihna turin i tawngtaisak ang u. 4. Van ropuina kalsanin : Boralte min zawng tura Lal Isua he khawvela a lo kal khan, a Van ropuina zawng zawng a rawn kalsan a, Lei thuamin a inthuam a, a ngaih pawimawh ber chu Lei mite chhandam a, chatuan nunna pek kha a ni. Hnam nunphung tihdanglam a tum chuang lova, Setana leh a hnathawh zawng zawng tih boral a, Van nun thianghlima kan nun theihna turin khawvelah a lo kal a ni. Van ropuina kalsanin, mihring angin a awm a, anihna pangngai reng, Engkimtithei Pa Pathian anihna chu a nunpui a. 10

Keini chuan mihring emaw kan ti a, kan hai ta a ni, a pawi khawp mai. Missionary-te pawh hian an va thawhna ram mite nunphung chu tawmpuiin, Mizo-na kalsan ve-in, Lal Isua nun erawh nun chhuahpui zel siin, Lal Isua hnungzuitu an nihna, boralte zawnga chhandamna hna thahnemngai taka an thawh zel theihna tur leh hriselna tha an neih zel theihna tura lo tawngtaipui hi kan bat tlat a ni e. Lalpan malsawm rawh se, Amen.

********************

UPA L.THANGHLUNA LALPA HNENAH Upa H.Zadingliana, BCM Hqrs., Office Upa L.Thanghluna hi pa te lam sa pan deuh ngo vak lo a ni a, ni 1.4.1989-ah Vathuampui High School-ah Peon hna a thawk tan a. Nupui fanau neiin Vathuampuiah hian an khawsa a, kum 2009 khan Doctor-in Pumpui Cancer a ni tih hmuh chhuakin Dec 2009 khan Serkawnah zai a ni a, chuta tang chuan that chhuah nei vak lovin a awm a, 2010 atang phei chuan khum betin a na ta a. March 29, 2011 khan kum 22 dawn lai rinawm taka rawng a bawlsak Lalpan a hnenah a lo hahchawlhtir ta a ni. Amah hi pa inngaitlawm tak, mi pawisawi ngai lo, mihlim thei tak, nelawm tak a ni a, a bula awm a nuam em em thin. A thawhpuite pawhin thawhpui nuam an ti thin a ni. Pathian malsawmna dawngin a nupui fanaute a enkawlna kawngah pawh ngaihtuahawm an awm lova, a fate pawh kohhrana inhmang mi vek an ni a, an chhungkua hian an lawina Hermon Baptist kohhran, Vathuampui tan an tangkai em em a ni. BCM-a a thawhpuite Workers Condolence Scheme hmingin ni 2.4.2011 (Thawhtan) zan khan ama chenna inah Ralna neih a ni. Kohhrana a thawhpuite leh thenrual tha, chhung leh khatte nen hun hman a ni. Upa H.Zadingliana, Treasurer, WCS, Missionary Tlangau Assistant Editor-in he hun hi a kaihruai a, Ralna thilpek Rs 30,000/- Pu Biakchungnunga, Secretary, WCS, BCM Hqrs., 11

Office Assistant-in a nupui duhtak hnenah a hlan a, Rev.H.Lianngaia, General Secretary, BCM-in Thlamuanna Thuchah a sawi a, a rawngbawlna avanga lawmthu sawina leh a nupui fanaute tana tawngtaisakna Rev.Lalbiaksanga Chinzah, Executive Secretary Lawngtlai Area-in a nei a, Malsawm tawngtaina Rev.C.Lalbiakzuala, Bialtu Pastor, BCM Vathuampuiin a nei a, programme chhinchhiah tlak leh hlu tak hman a ni. Hetia a lo awm loh takah chuan Family pension pek a ni a, a pension hlawh pawh a nupui fanaute chan turin thlatin pek tur a ni ang. Hetiangah hian kohhran leh Pathian belh hlawkzia a lo lang a ni. Kan rawngbawlpui Upa L.Thanghluna kalsan tak a nupui fanaute Lalpan awmpuiin thlamuan zel sela, an pa rawngbawlna hi chhunzawm zel turin duhsakna kan hlan a ni. Upa L.Thanghluna hi BCM hian a theihnghilh thei dawn lo va, Nazaret Comprehensive High Schol, Vathuampui pawh hian a theihnghilh thei dawn lo a ni. A nuna entawn tur tam tak min hnutchhiah pawh kan rilruin a vawng reng dawn a ni. Upa L.Thanghluna Ral tur hian BCM Hqrs, Serkawn atangin Rev.H.Lianngaia, G.S hovin Pu Biakchungnunga, Tv C.Zonunsanga Driver te nen ni 2.5.11 khan zing dar 5-ah Lunglei kan chhuahsan a, tluang taka Lawngtlai thlengin, Rev.Lalbiaksanga, E.S, Lawngtlai Area thiannu Pi Rammawiin Tukthuan tui tak min lo siamsak tlai taka kan ei khamah Vathuampui lam panin kan kal leh a, tlai dar 4:45-ah Vathuampui chu kan thleng ta a. Kalkawng a tha vak lo va, Driver Zonunan a khalh thiam em a, hahdam takin kan thleng thei a, a lawmawm hle. Pastor C.Lalbiakzuala leh P/P.David Lalmalsawma Sailo, Headmaster, Nazaret Comprehensive High School, Vathuampui leh kohhran hruaituten min lo dawngsawng a, zanriah tuihnai tak min buatsaih sak a, kan lawm hle. Zanah BCM Vathuampui Biakin-ah kan inkhawm a, Rev.H.Lianngaian Pathian thuchah nung tak a sawi a, kan hlawk hle. Inkhawm banah kan rawngbawlpui duhtak Upa L.Thanghluna ralna Programme neih a ni a, an chenna in a leng tawk tak kan kal khawm a, Upa L.Thanghluna hi kohhran mite pawhin an uiin an 12

ngaisang hle tih a lang a ni. Hetiang mi tha leh Pathian tana rinawm BCM-in kan chan ta hi a vanduai thlakna lai pawh a awm a, mahse Lalpa remruatna a ni miau si a, kan sawisel thei bawk si lo. Tin, a tuk zing ni 3.5.11 ah Vathuampui High School-ah thingpui kan in a, Zirtirtu leh Thawktute nen reilote kan inkawmho a, an thahnemngaihna leh inpekna a ropuiin a hlu hle a ni. Kum 3 lai HSLC results pawh tha tak kan neihna hmun a ni a, kohhran min ti hming thatu School a ni hi an chhuanawm em em a ni. Tin, Thingpui tui tak min buatsaihsak a, kan in zawhin Nghalimlui Comp., M/S lam kan pan a, thawktuten duat takin Tukthuan tui tak min lo buatsaihsak a, kan lawm hle. Nghalimlui hi a hmun a nuam a, thawktute pawh an fel hle. Kohhran leh School lamah tan an la hle tih kan hmu thei. School kan en a, naupang te pawh an nei tha thaw khat hle. Nghalimlui pawn atanga zirlai lo kal engemawzat an awm a ni. Pu Z.Lianthanga, Headmaster leh Staff te min lo dawngsawng tha a, lawmawm kan ti hle. Vaseitlang-ah kan tlan phei a, kan G.S Rev. H. Lianngaian a hmel hriat Pu Kathiram (37) a lo thi a, an lo vui fel chiah a; G.S chuan tawngtaina leh thuchah tawi a sawi a, kum 1982 Feb.,ni 24 a boral Nl. Rodingi Ralte, Pu Sapchhawna fanu, Pangzawl thlan kan tlawh a, a bul vel te kan sam fai a, he nula tleirawl hi Rev.H.Lianngaia nupui Pi Siami nuta Pu Sapchhawna fanu a ni a, Vaseitlang Bialtu Rev.H.Lianngaia te thlaha a kal chu vanduai thlak takin he hmunah hian a boral a, Vaseitlangah hian phum a ni ta a ni. Helai hmunah hian Upa N.Taithanga, Ramchhung Mission-a Bru leh Chakma hnam zinga kum tam tak lo thawk tawh, tuna Lunglawna awm ta, fanu naupang thlan pawh a awm nghe nghe a ni. Khang hun lai Mizoram buai lai vela Pathian rawngbawl tura heng lai ram pilril tak leh ralti taka Pathian rawngbawl tura pen chhuak kan Missionary te hi an va lo huaisenin an va lo inpe tak em! An vanglai hun hlu tak Lalpa ram tana an vui liamna hmun hmuin keini chu kan va kal ve zawk chauh a ni a. Keini inpekna hian a va han phak lo tak em kan ti a ni. Vaseitlangah reilote kan awm a, Vaseikai lam kan pan thla leh a, reilote Nghalimluiah chawl pheiin, kan kal leh a, Bungtlang S Pastor quarter-ah kan lut a, Pastor C. Vanlalhruaia te chhungkua 13

leh Bial hruaituten min lo dawngsawng a, Zanriah tui tak min lo buatsaihsak a, kan lawm hle. Zanah Bial Upate nen Bial chhung a hmalak zel dan tur te sawiho a ni a, hlim tlang takin hun kan hmang a, E.S. Rev.C.Lalbiaksangan kohhran chungchang thua a hmathlir leh ruahmanna a lo neihte a sawi kan ngai thla a, kan sawiho zui a, kan hlim tlang hle. Tui takin kan mu a, a tuk ni 4.5.11 zingah Diltlang lam kan pan phei a, BCM Pastor Quarter-ah lutin Bialtu Pastor Rev.P.C. Lalmuankima nupuiin thingpui tui tak min lo siamsak a, kan lawm hle. Kan kal leh a, Lawngtlai-ah Upa R. Lallawma, Lawngtlai Bazar-in Tukthuan tui tak min lo siamsak kan ei a, kan lawm hle. Rei lote E.S., Lawngtlai Area Office-ah kan chawl a, thawktute nen kan in chibai a, kan kal leh a, Lunglei Serkawn chu tlai dar 3 ah kan lut a, kan zin kawng thui takah hian kohhran hote min tawngtaisakna leh kan tawngtainate Lalpan min chhang a, hahdam tak leh nuam takin kan kal thei a, kan lawm tak zet a ni. Reports kimchang tak chu kan sawi thei lova, Pathianin kohhran kal tlanga a rawng kan bawl a la phal hi a hluin a ropui em em a ni. Tun tumah hian Pathian hnathawh ropui tak benga kan hriat thin kha mit ngeia kan hmu thei hi kan lawm em em a ni. Lalpan ropuina chang zel rawh se.

****************

REPORTSFROMDAMPARENGPUI Upa Laldika Zadeng, Headmaster Damparengpuia BCM rawngbawlna hi Pathian hruainain tluang takin a kal zel a. Tawngtaisaktu leh tlawhtu kan nei zel te hi lawmawm kan ti hle a ni. Min rawn tlawhtute leh kan thil tawn then khat kohhran hoten kan hriat tlan atan ka han report leh ang e. 14

Chipchiar deuh hleka ziah a chakawm thin hle nain hmun a awh tam loh nan tawite te-in kan tarlang leh diat diat mai dawn a ni. 1. February 24-27, 2011 chhung khan Jonathan Training BBC Damparengpui-ah neih a ni a. Resource Persons te chu Rev.Lalthanzauva leh Pu Andrew Lalhmangaiha (Lecturer, AICS) te an ni. AICS-a M.Div II Yrs zirlaite Bru tawng zir turin an lo kal bawk. He Training hi Damparengpuii-a BCM Missionary te leh Aizawl Area-a BBC Worker te pual a buatsaih a ni. Rev.Lalthanzauva leh AICS tangkawpin hetianga training tha tak kan awmna hmuna min rawn buatsaihsak hi kan lawm hle a ni. Chhun thingpui senso chenin an tum vek lehnghal a, a lawmawm tak zet a ni. Rawngbawltute pawhin kan rawngbawlna kawngah kan sawtpui ngei kan beisei. 2. March 25, 2011 (Zirtawpni) khan BCM Comp. H/S Damparengpui-ah Free Clinic neih a ni a. He Free Clinic hi BCM shalom, Mission Vengthlang M&E Committee huaihawt a neih a ni. Upa Dr.Eric Zomawia (MSACS Director) hovin Doctor pasarih lai an local a. Doctor te zingah hian Mission Vengthlang atang chauh ni lovin, Mamit atang leh Phaileng atanga local pawh an awm bawk. Tin, Doctor ho bakah M&E Hruaitute an Bialktu Pastor hovin Kohhran member engemawzat nen, Mission Vengthlang atangin an lokal a. Kan Sikul tual zawlah motor lian deuh leh a te deuh chi pariat lai a ding thup mai chu a ropui hle mai. Tun hma-in heti zat zat motor kan Sikul tual zawlah a la inhung ngai lo reng reng. Mobile Medical Unit (Khawl ropui phur motor lian ka ti mai) pawh pahnih lai an rawn keng. Inentirna kan tan hma in Pastor A.Tumsangan Free Clinic buatsaih hi kan Lal Isua leh kan Zosap Missionary te rawngbawlna chhunzawmna anih thu sawiin, urhsun taka tawngtaiin kan hun hman tur chu Pathian hnenah a hlan a, Program a tizahawm sawt mai. He Free Clinic a inentir hi mumal taka kan chhinchhiah theih chin ngawt pawh mi 460 lai an ni a. Damdawi thahnem tak a 15

thlawna sem a ni bawk. Hetiang taka Free Clinic ropui hi Damparengpui-ah leilung pian tirh ata a la awm ngailo. He thil huaihawttu te : Mission Vengthlang Kohhran te, a bik takin M&E hruaitute, Bialtu Pastor te, Doctor leh Nurse te, kohhran member local zawng zawng te leh awmhmun a min lo tawngtaipuitute chungah kan lawm takzet a ni. Motor ropui (Mobile Medical Unit) pahnih hi Mamit Chief Medical Officer (CMO) Dr.Chawngthansiami (Dr.Chawngthanpari nau) rawn tirh a ni a. Amah local thei ta chiah lo mahse a chungah kan lawm hle a ni. Tin, hemi tum hian Pu Samuela (Rev.H.Killuaia fapa) in sikul a hman tur Water Filter lei nan `. 1000/- min pe a. Tin, Pi Zampuii (M&E Treasurer) - in `. 500/- a thawhbelh a. Tin, Pi Zampuii vek hian thawktute chhungkua Face Towel min present theuh bawk a. An chungah kan lawm takzet a ni. Hemi tum a lo kal te hi a tam zawk chu lehlanga lo kal an ni a, an hah hlawm ngawt ang le. Pathianin malsawmna a vur let ngei ang tih kan ring tlat a ni. 3. April 17, 2011 Pathianni hmangin BCM Salem, Lunglei BKHP ten kohhran min rawn tlawh a. Member 28 lokalin an Senior Adviser Upa PL.Lianzualan a rawn ho thei a, a lawmawm hle. Inrinni zanah Pi K.Liankimin hun a chang a, Pathianni zingah Upa PL.Lianzuala, hun hmangin Pathianni zanah Pi K.Zoparin a chang a. An hnen atangin Pathian Thu tha tak tak kan ngaithla a, a ropui hle a ni. Salem BKHP te hian lam an peih hle a, inkhawm apiangin kan lam mup mup zel a, a hlimawm khawp mai. BKHP te rual hian Nl.Betsy Lalrinsangi a lo kal ve hlauh mai a. Inkhawm apiangin Pathian fakin a zai thin a, a mawi thei hle a, kan beng a tlai hle thin a, a lawmawm takzet a ni. Nl.Betsy Lalrinsangi thlen tum ruh tak tak, chang ta si lo an awm nual a, chang lo langsar zual zingah Pu Zoawithanga leh Pu 16

Lalbiakzuala te pawh an tel a, an khawngaih thlak hle. A chuh chak deuh Pi Thangchuailovin a chang ta anih kha. Salem BKHP te hian Dekchi lian tak, cheng sangthum man lai min pe a. Secondhand bag engemawzat an rawn keng bawk a, a lawmawm tak zet a ni. Tin, Buhfai bag hnih, Alu leh Dal tam tawk an rawn keng bawk a. An rawn intodelh thlap mai a, a lawmawm hle rualin an rawn inthlahrung lutuk mah mah a ni. 4. April 25-29, 2011 chhung khan Zotlang (Azl) Bial TKP ten BBC Hqrs. Office hmun tur JCB laih bak lai chhunzawmin Work Camp an rawn nei a. An bial Secretary Tv.T.Lalhmingthangan rawn hovin mi pariat lai an rawn kal a. Hmeichhia pahnih an rawn tel. An thawk nasa hle a. Ni a sa si a, an hah ngawt ang. Lalpan malsawmna tam tak vur let rawh se. Hna an thawh bakah, a pawisa faiin `. 2000/- (Cheng sanghnih) lai BBC Office sak nan min pe bawk a, kan lawm takzet a ni. Aw le, Nang i hmunah, kei ka hmunah, tih angin BCM hnuaia thawktu zawng zawng te leh kohhran mi zawng zawng te, kan awmna hmun theuh ah mahni hna leh awmna hmun iai lovin, Lalpa hna thahnemngai takin i thawk zel ang u. Lalpaah chuan kan thawhrimna a thlawn dawn si lo va. In tawngtaipui tawn zel ila, Damparengpui-a thawktute leh kohhran hote pawh hi min lo hre ve reng teh u khai. (Pu Dikan Damparengpui Reports a rawn ziak thin a, a lawmawm tak zet a ni. BCM Mission School Headmaster dangte kha, in va ngawi thei ve? Reports rawn pe fo teh u, a inchhawk mawi tawka School News tarlan a chakawm a lawm le).

*****************

17

Van Lal Buatsaiha (Prayer/News Letter: Mar/Apr, 2011) SIM Kenya, Post Box No. 60875. Pin- 00200 City Square, Nairobi, KENYA Contact:Mob:+254-7015-61923/ +254-7394-09169 Email: [email protected]/ [email protected] Skype: vanlal.buatsaiha Thiante, Unau duh takte, Rawngbawlpui te leh Kohhranho zawng zawngte. Thihna hneha tho leh kan Lalpa Isua Krista hming thianghlimin leh SIM Kenya aiawhin in zavaiin chibai ka buk vek a che u. Mimal, chhungkua, FOD, leh Kohhran pumin min tawngtaipui a, tawngkam tha leh Pathian thua min fuih fo thin avangin ka lawm hle. In zavaia hnenah Lal Isua hmingin lawmthu ka sawi mawlh mawlh e. SIM pumpui anga kan rawngbawlna pawh Pathian zarah kan kal tluangin zawi zawiin hma pawh kan sawn ve zel e. Tun hnaia ka rawngbawlna tlangpui in lo hriat theih nan heng te hi ka han tarlang e : -

1. Borana Church Leaders (Local Pastor/Evangelist) Mission Seminar/Conference: Borana hnam te pawh hi S*li hnam te ang thovin Cushitic tribe te zinga mi an ni a, SIM Kenya ten kan rawngbawlna lama kan target group te zinga mi an ni bawk. Borana hnamte hi a tlangpuiin M*lim sakhua bia an ni tlangpui. Thil lungchhiat thlak deuh mai chu Borana hnamte hi tunhma pawha M*lim la ni ngai lo tunhma kum 50 mai liam ta atang khan M*lim an lo ni tan a, keini Mizote ang thovin Animists (thingbul lungbul bia) an ni thin a, Kristianna a lo luh tantirhin Roman Catholic-ah tam tak an lut a ni. Kohhran lamah an thlarau nun enkawla venpuitu an nei tha lo va, chutih laiin East 18

Africa lamah Islam sakhua an lo lian tual tual bawk si nen, sum leh pai hmangin awlsam tein M*lim-a inlet turin mi tam tak an thlem bawk a, mipui nawlpui te chu kar lovah Roman Catholic atangin M*lim ah an inlet ruih ruih mai a ni. Kohhran/Ringtuten kan vela buh lak tur awmte kan hmuh loh leh kan haider avang hian tam tak hi an boral mai dawn em ni tih hi ka ngaihtuahnaah a lian hle.

Pic.1. Borana Church Leaders Mission Seminar and Conference. Pic. 2. Me with Young Borana Christian Evangelists Tunah hian Kenya-ah hian Borana kohhran 55 vel a awm ve mek a, Borana ringtu tlemte la awmte an thangharh tan ve mek a, an hnampuite Ringtua siam leh hi an mawhphurhna a ni tih pawh an hre tan ve mek a, rawngbawlna tur hmachhawp a la tam hle. Borana hnam zinga Lal Isua ringtu (Kohhrante) an lo pun zel theih nan tih beiseiin April 4- 9, 2011 (chawlhkar khat chhung) khan Borana kohhran-a an Local pastor te, Evangelist te, leh hruaitute Mission Training/Seminar Isiolo khuaah kan neihpui a, kan beisei ai daiha tam Borana kohhran hruaitute mi sawmruk (60) chuang lai Northern Kenya leh Southern Ethiopia atang ten an lo kal/tel thei bawk. He training min neihpui tur hian mithiam tak tak USA atangin Mission Team member paruk (6) lai an lo kal bawk. He Conference/Seminar hmanpui tura min sawmna angin ka tel ve thei a, Pathian thu ngaihtuahhona hunte kan nei thei bawk a, ka lawmin keimah ngeiin ka hlawkpui hle. He Conference/Seminar atanga Pathian thu min hneh em emtu pakhat chu: Thenkhatin tawlailirte an ring a, thenkhatin sakawrte an ring. Keini erawh chuan Lalpa kan Pathian hming chu kan lam zawk ang (Sam 20:7) tih ang khan Lalpa lam la hawi tlat leh Pathian au tlattu hruaitute kan la nei hi a 19

lawmawmin rilruah chona nasa tak min pe bawk. Khawsakna lamah rethei ve te te ni hlawm mahse an hnam/chi-puite hnena Chanchin Tha hril hi an veiin an inpekna te pawh a thuk hlein ka hria. Lalpan heng hnamte zingah hian Thilmak (miracle) leh hmanrua hrang hrang hmang ten zawi zawiin hna a thawk mek bawk a, an kohhran te pawh fuih chak leh enkawl an ngai hle bawk a ni.

Above Pictures: SIM Kenya Spiritual Life conference, Jumuia Conference and Country Home, Limuru (Kenya) 2. SIM Kenya Annual Spiritual Life Conference, 2011: SIM rawngbawlna Mission Field hmun zawng zawngah chuan Missionary te tan Spiritual Life Conference (SLC) thlarau lam nunah intuaitharna leh rawngbawlna lama intihsawt tawnna hun atan kumtin vawi khat kan hmang ziah thin a, SIM Kenya-a Missionary chhungkaw zawng zawngte leh Staff zawng zawng nen April 14-17, 2011 (Thu-Sun) chhung khan Jumuia Conference and Country Home, Limuru (Kenya) ah kan hmang a ni. Speaker thatak Rev Dr Elizah Duo Lalpan min pe bawk, Thupui ah Take Heart tih hmangin thusawi tha tak tak kan ngaithla thin. He SLC ah hian SIM Kenya community (Missionary leh fate) kan vaiin mi 60 vel lai kan kal khawm a, Pathian thu thlarau nun chawm tak tak leh mahni thinlunga awm/veite sawihona (Heart to Heart Discussion) hun hlawk tak inpawlhona hun te kan hmang thei bawk.

20

Above Pictures: SIM Kenya Spiritual Life conference, Jumuia Conference and Country Home, Limuru (Kenya) SIM Missionary Kenya thawkte hi khawvel ram/hnam hrang hrang 15 atanga Lalpa ram tana thawk tura kalkhawm, hmun hrang hrang leh rawngbawlna peng hrang hranga thawkte kan ni. Hetiang SLC program hi inhmelhriat tawnna hun tha tak a ni bawk. A bik takin keini ang mithar/thawktu thar te tan lo thawk hmasate hmun danga awmte inhmelhriatna hun tha tak a lo ni bawk nen. Kan vaiin tisa leh thlarau lam nunah ka hlawkpui hle a ni. 3. Good Friday and Easter Sunday, 2011: Kumin Good Friday leh Easter Sunday program pawh S*li Christian fellowship member tlemte te (mi 50 vel) nen kan hmang a. S*li kristian te zingah hian tam tak hi chu Lal Isua hriat chianna leh piantharna em em pawh awm nei chuang lova M*lim sakhuaa hlimna tak tak hmu lova Lal Isua zui thlangtute an ni ve mai a, chuvangin he Good Friday hun chhung hian keini pawhin hlawk taka hman tumin thupui hrang hrang: (1) Pathian Hmangaihna hi engti fakauva thuk nge a nih? (2) Eng vang nge Lal Isua hi Kraws-a a thih kher a tulna chhan? (3) Lal Isua thihna leh tawhlehna hi kan tan enge a hlutna/pawimawhna? tih hmangten Lal Isua chanchin sawina hun tha tak kan nei thei a, chubakah Lal Isua Film (video) kan entir bawk a ni. Mi then khat phei chuan, Lal Isua min hmangaihna thuk zia te hre thar vein Lal Isua tana nung turin an in pein mittui nen an inhlan hial a ni. Kan hlawkpui ve 21

hlein in ka hria a, kan lawmawm hle a ni. Heng zawng zawng hi kohhran hote kan tawngtaihona rah vek a ni.

Above Pictures: Easter Coin Hunt, Rose Ave (SIM Kenya Compound) On 24th Apr, 2011. Easter Sunday. Easter Sunday (i.e. 24th Apr, 2011) khan SIM Kenya leh Sudan family ten chawhlui kilhona hun Rose Avenue (SIM Compound, Nairobi) kan nei a ni. Chumi hnuah infiamna hrang hrang nen Intihhlimna hun (Coin Hunt) hlimawm takah kan hmang thei bawk a, puitling leh naupang tete te nen hun hlimawm tak kan hmang thei bawk.

Above Pictures: Easter Coin Hunt, Rose Ave (SIM Kenya Compound) On 24th Apr, 2011. Easter Sunday. 4. Pathian hnena Lawmna leh Tawngtainaa kan hriatturte: (1) Lalpa malsawmna avangin hriselna thatak nen vawiin thlenga buaina leh harsatna tawk lova rawng ka la bawl thei 22

(2)

(3)

(4)

(5)

hi min lo tawngtaipuina vang a ni. Pathian hnenah leh kohhran hote chungah ka lawm hle. Ka tawngzir pawh hma ka sawn ve zel a, April thla khan Phase-1 chu ka zir zo ve ta a, Exam te ka bei ve leh ang a, May thla atangin Phase 2 ka zir tan ang. Tawng leh Hnamzia (Culture) ka zirnaah hma ka sawn zel nan min lo tawngtaipui chhunzawm zel dawn nia. Kenya ram pumpui tan tawngtai ang u. Tun hi Fur ruahtui tlak hun lai a ni a, abik takin Kenya hmarlam te, khawthlang ram hniam lamah te leh thlaler hmun deuhvah te tun thlengin ruahtui an la dawn that loh vangin ran rual leh thlai te an thi nasa hle. Kenya rama tam leh khawkheng avanga tam (famine) tuar mekte i tawngtaisak ang u. Sakhuana lamah dinhmun hlauhthawnawm a nih avangin S*li hnam zingah hian a Kohhran din theih a ni rih lova, Borana hnam te zingah erawh chuan kohhran chak lo te te 55 vel lai a awm ve mek. Ringtu tlemte awm mek ten Thlarau Thianghlim Harhna changa huaisen taka Chanchin Tha hril hi an kova innghat a nih zia an hriat nan te, an chipuite veina an neih theih nan leh heng mipuite rilru inhawng taka Chanchin Tha an dawnsawn theih nan i tawngtai zel ang u. Kenya ramchhunga S*li leh Borana hnam mi Nuai 800,000 chuang awmna ah foreign Missionary mi 20 vel bak kan la awm lo. Rawngbawlna hmachhawp a la tam hle a, Missionary thawk mekte tan nasa takin min lo tawngtaipui zel ula, Missionary hna thawk tur mi inpe kan lo pun zel theih nan Pathian hnenah i dil bawk ang u. Hawh u, S*li leh Borana hnam pumpui te hi Lalpa tan i hauh tlat ang u. Setana Thim thuneihnain a thunun leh phuarbeh tlatna lak ata Pathian thutak hmanga chhanchhuah an nih theih nan kan theih tawpa tawngtai, thilpek leh mahni ngei inpein i bei zel ang u. Tirhkoh Paulan a sawi angin:

23

Chanchin Tha chu Krista hming lam tawhna hmunah hril lovin: A chanchin la hrilna ngai lohna mite chuan an hmu ang a, La hre ngai lo te chuan an hria ang.

By Prayers Together in His ministry Van Lal Buatsaiha (Farhan) Nairobi, Kenya. Sending Office Contact (For further necessary Information): SIM NEI address: - SIM NEI, GPO Box 66, Shillong-793001, Meghalaya, India. email: - [email protected] SIM East Asia: - SIM East Asia Ltd, 116 Lavender St., #04-09. Pek Chuan Building, Singapore- 338-730 SIM website: www.sim.org

**************************

ASSAM-BENGAL FIELD TLAWH REPORTS Upa C. Biakchungnunga, Secretary, BCM Farm Veng Tualchhung Kohhran Committee in planninga kan dah angin keini BCM Farm Veng Lunglei-te chu Assam Bengal Field tlawh turin member 12 BCM Head Hqrs hriatpuiin Dt. 6.12.2010 (Thawhtanni) zing dar 6:00 am khan Lunglei kan chhuhsan a, Upa F.Lalluran tawngtaina in min thlah a,kan kalna atan hian MST Bus Rs. 58,140 in kan hire a ni. Tluang taka kalin Aizawl kan thleng a 24

Aizawl atangin Sairang road lamah kan kala Misssion Field tlawh tur kan nih avang nge Tlawng dung hruta thui tak kan kal lai hian kan Pioneer Missionary-te Pu Buanga leh Sap Upa rilruah an lo langa lung anti leng hle mai. Tluang takin kan kal zel a zan dar 8:00 velah Kolasip kan tlenga Diakkawnah Kohhran secretary Upa Zaran min lo hmuaka kan ei turte Hotelah alo order veka zanriah eikhamah BIak in lamah riak turin kan chhova Bialtu Pastor Rev A. Zohranga leh Kohhran member then khat ten min lo dawngsawnga a hahdam tlak hle. Dt. 7.12.2010 Zing dar 2:30 ah Kolasib atangin kan chhuak leh a Pastorin tawngtaina in min thlah a Guwahati ban hman tumin hmanhmawh takin kan tlan a, Sonapur-ah tukthuan kan ei a, kan tlan leh vang vanga Shillong thlen hma Khleriatah Trafic jam avangin darkar hnih vel kan tang a, Shillong chu thim hnuah kan tleng a chawl lovin kan tlang zela Adabostiah Hotelah chaw kan ei tih loh chu chawl lovin kan kal zela zanlai Dar 12:00 ah Guahati kan tlenga Baptist House, Regional Director Quarter-ah kan riaka Missionary Nl.F.Zoramthangi leh kan Rigional Director Rev.F.Ramdinmawia faten min lo nghak a mutna turte min kawhhmuh a kan lawm hle. Dt.8.12.2010 zing 6:30 ah Guwahati kan chhuhsan leh a Debitola panin kan thlan leh ngar ngar Rajapara ah tukthuan kan ei a, tlailam dar 3:30 Debitola chu ka tleng a, Field Supervisor Nl.H.Lalrinpuii (TeTei) quarter-ah kan missionary ten min lo hmuak a, thlen in te min siamsak a chaw erawh chu kan cham chhungin Tete-i inah kan ei zel a ni. Zan ah inkhawmna buatsaih a ni a, Hatibanda ah kan inkhawm a,Upa K.Lalchhandaman thuchah a sawi a,a hlimawmin a nuam hle mai, inkhawmna ah hian zaipawla kal ni lo mahila kohhran hote min beisei avangin hla kan rem ve thin a. Tin, min chawimawi dan a ropuia par thi te min awrh tir a kohhran tan tiin Raba puan mawi tak min pe bawk a, inkhawm banah an kohhran Chairman inah thingpui kan in ho a, kan hlim tlang hle.An kohhran hi a tulna a hman atan Rs. 3,000 kan pe a. 25

Dt. 9.12.2010 zing karah Mission compound fangin kan missionary-te kan tlawh hlawm a, then khatin Mission School Mt.Olive School leh Hostel te an lo tlawh bawk a, tukthuan ei khamah Dubri lam panin kan chhuak leh ta a, Dubri chu tlai dar 2:00-ah kan tleng a Field Director Rev.Joseph Vanlalruata leh Kan missionary dang ten Field Director Quarter ah min lo hmuak a Pathian hnena inhlanna te kan neih hnuin thlen in lam kan pan a, a la hma bawka Bramaputra lui kam velah kan leng khawthawng leh rih a a nuam khawp mai. Zan inkhawna buatsaih a ni a,Upa C.Biakchungnungan thu a sawi a,hla kan rem leh a parthi le min awrh tirin puante min pe leh bawk a kan lawm hle. Keini pawhin a tulna a hma atan Rs.3,000 kan hlan ve leh bawk a. Tin Pu Ruata F/D hian Assam Bengal Field Chanchin a bu a siam chu bu khat theuh min pe a kan lawm hle a ni. Dt.10.12.2010 zing dar 7:00 ah Mindavari panin kan chhuak leh a tluang takin tlai lamah Mindavari chu kan thleng leh a, Ramtea leh Pu Lura ten pengah min lo chang a kan hlim hle. Tlaiah kan inkhawma Rbt.R.Khawkungan thuchah a sawi a banah Kohhran hoten ruai min buatsaihsak chu kan ei a, an min duhsakna a ropui thin hle a ni. Mindavari-ah hian School room sak zawh loh leh Principal Nl.PT.Zonunmawii quarter sak turte kan en pui a, kan haw hnuah a hran pain mistiri mi 5 kan tira an zu sa leh a ni. Dt.11.12.2010 tukthuan ei khamah Birpara lam panin kan chhuak leh a, Bhutan lamah kualin Phunshiling kan han tlawh a, Birpara a kan Missionary ten min lo hmuak a kan Motor-in Birpara kan pan ho ta a ni.Tlai dar 5:00 velah Birpara kan tleng a Bethel Baptist Church-ah kan inkhawm leh phawt a,Rbt R.Sanglianan thuchah a sawi a, inkhawm banah Pu.K Siamkima Missionary inah chaw kan ei a kan hlim hle.Anni pawh hi a tulna a hman atan cheng 3000 kan pe. Dt 12.12. 2010.Pathianni chu Birpara-ah kan chama zingah Pu.Siaman Mission compound leh Missionary thlanmual min fanpuia rilru akhawihin a ti thar hle a ni. Zing lamah Depopara 26

ah inkhawm tur a ni a,kan awmna Birpara Mission Compound atangin a hlat deuh a vangin motor pawhin kan kal rei fu a, kan kal pah in Muznai kohhran ten an An Biak inah min lo hmuah avangin kan tlawh kual a,kohhranho hmel hmuh a nuamin rilru an tithar thin khawp mai.Deboparaah hian Baptisma chan,Harhna thlen champha lawmna programme, sermon inkhawm leh Lalpa zanriah sacrament buatsaih te a nih avangin hun kan hun kan hmang rei a, amaherawhchu kan hun hmante hi kan khamlo a ni. Biak in atanga hla lo teah lui a awma chu tah chuan Baptisma chan programme kan hmanga Evan Thangzela kan missionary-in Puitling pali baptisma a chantira thinlung hi a hlim veng veng mai a ni.Chumi hnuah Biak in kawtah inkhawmna kan nei leh a,harhna thlen champha a ni bawka, Flag-te pawtparhin hla kan saho va,chumi hnuah Biak in chhungah lutin Lalpa zanriah sacrament an Pastorin a buatsaih hnuah Sermon inkhawmin hun kan hmang chhunzawm leh a, Upa K.Lalchhandaman thuchah a sawi a, kohhran pathum inkhawmfin an ni a, kan tam viau mai. Tin,inkhawmban hnuah ruai min buatsaih sak te kan han ei leh riha, Birpara Mission Compound lamah kankir leh ta a, zanah Bethel Baptist kohhranah kan inkhawm leh a Upa C.Biakchungnungan thuchah a sawi a. Hostel naupang ten zai leh lamin Pathian fakna an entira a ropui hle mai.Tin, keini pawhin Pathian fakna hla kan rem leh a ni. Dt.13. 12. 2010 ah zing Dar 4.00 ah Birpara chhuahsanin Gauhati ban turin kan chhuak leh ta a zan Dar 10.00 Pm ah Gauhati kan lut a , Regional Diretor Quater bawk kan pan a kan riak leh a ni.Dt.14.12.2010 chhun lam chu Bazar nan kan hmang a, chawhnu Dar 2.30 pm ah Shillong panin kan chhuak leh a, Regional Director Rev F.Ramdinmawian tawngtainainmin thlah a, zan Dar 10.00 velah Shillong kan thleng a, thlasik lai ngang a ni a boruak a vawt hle mai Shillongah hian chaw eiin kan riak nghal a ni. Dt 15.12.2010 zing Dar 2.00 ah Shillong chhuahsanin kan tlan leh ta ngar ngar a, nilenga kan tlan hnuah zan Dar 9.00 velah Kolasib chu kan thleng leh ta a, Kolasibah hian zan kan riak leh a, 27

Dt.16.12.2010 zing Dar 2.00 am ah Lunglei ban tumin kan chhuak leh ta a, Aizawlah tukthuan kan ei a, chawhma lam ah tul pawimawhte tiin kan han vak darh leh riha chawhnu Dar 2.00pm ah Aizawl atangin Lunglei panin kan chhuak leh ta a, Krismas a hnai tawhin mahni khua kan thleng hnai ta bawka rilru a hlim hle a ni. Tichuan tluang tak a kalin zan Dar 9.00 pm ah Lunglei kan thlenga , BCM Farm veng Biak Inah kohhranhovin thingpuite lumin min lo hmuak a, Upa F.Lalsanglura Pathian hnenah a tawngtai a, thingpuite kan in zawh hnuin mahni inlam panin kan haw ta a ni. Mission Field tlawha kan zinnaah hian rilrua cham rehthei tawhlo tur thil tamtak kan hmu a chungte chu hun remchanga la sawiah dah rih ta ila, hengte hi erawh chu han tarlan ka duh. Mission Field a kohhranten min en dan leh min chawimawi thiam dan te,min duhsak ziate, tin,kan Missionaryte inpek zia leh min duhsak ziate thinlungah a cham reng mai. Kohhran kan tlawh zawng zawngte hi tam petheilo mah ila a tul a an hman atan Rs 3000.00 (cheng sangthum) zelin kan pe a, tin, kan in khawmna apiangah hla kan rem ve ziah bawk. Kan Missionaryte leh an hna thawhna a hmun ngeia han hmuh chu a hlawk thlak hle in kan hria.Tin, kan zinna a min buaipuitu kan Missionaryte, Field Director,Regional Director leh BCM Kolasib Bialtu Pastor leh Kohhran hruaitute chungah lawmthu kan sawia, tin, kan Driverte Pu.F.Lalzarliana leh Pu, Ramfangzauva te an fel em em a enghunah pawh kan duhna a piangah min hruai thin a, an chungah kan lawm em em a ni.

******************

28

KAN TUAR LALPAN A PHAL ByUpa H.Biakchhunga Gilgal,Theiriat Hun leh tui luangin tumah a nghak lo an tih thin angin hun leh ni a lo in her liam zel a, Missionary day kan hman thin thla, July pawh kan lo thleng leh ta. He ni a lo thlen hian article han thawh ve ka duh thin a. Ni kum khan Ramthim lam hawi leh ila tih thupui hmangin ka ziak a. Tun tumah hian kan thawktu ten natna leh harsatna an tuar fo avangin he thupui hi ka han thlang ve leh a ni. Tawngkam thiam deuh chuan ngaihnawm takin an ziak thei ang tih ka ring a, kan tana tangkai ringin ka han ti ve leh tawp a ni. Missionary te lo pawh, chhungtin mai hi han in zawt ila engemaw harsatna leh phur rit chu kan nei theuh mai. Kan harsatna tawh dan erawh a in chen lo thei viau awm e.Nu pakhat chuan an fate avanga harsatna leh manganna an tuar nasat zia a sawi laiin pa pakhat ve thung chuan natna benvawn a neih avanga harsatna a tawh ,hrehawm a tih thu a sawi ve bawk a. A ni taka sualna avangte, natna avangte leh mahni in kan tih dik loh avanga harsatna te hi kan tuar fo thin. Pathian rawngbawltute chuan tuar lo tur deuhva ngaihna a awm reng thin lai hian a tuar nasa sa an ni duh leh nghal emaw tih awl tak a ni.Thawktute chungah lo pawh harsatna leh manganna hi chu a thleng ve reng mai. Mihring nunah hian a chhia leh tha hi a in thlen chhawk fo thin reng a ni.Kei pawh kan nu in min kalsanna kum khat leh thlariatna a lo in her chhuak ve a,ka rin aiin khua a har duh fu mai. A changchuan han zia awm deuh thin mahse, thlipui anga rawn thawh chang a awm thin. Love song pakhat, Hei hi maw lo ni le lunglen, Mahriakten luaithlipui nul zelin, Hlim lai ni kha ka tahpui tang nge tih te kha rilru ah hian a lo lang zawr zawr thin.Kohhran upa rilru a lo lang atan chuan a in hmehlo hle si.

29

A ni, kan tuar hi Lalpan a phal a, vui thei kan ni lo tlat a ni. Rinna kawnga kan lo chak zawk theihnan leh rawngbawlna kawnga hma kan lo sawn theihnan kan tuar hi Lalpan a phal a ni. Tuar mai bakah hmantlak tura sawrfe pawh kan ngai a ni. Lunglova lak ngawt theih pawh a ni lo. Field thenkhat atangin kan thawktu duhawm tak tak te natna chi hrang hrang an tuar leh damdawi in an pan thu te kan hre thin. Chubakah kan Pastor te thlengin natna khirhkhan tak tuar an awm thu leh tawngtaipui an ngaih thu kan hre thin.Daniela te thian za ho pawh kha Meipui nasa tak leh Sakeibaknei ko ham pui pui a hmachhawn tir a. Khan gang hma chhawn lo pawh khan a chhanchhuak thei ngei ang.Mahse Pathian nung bia an nih zia lan tirnan a hun takah a chhanchhuak a ni kha.Kei ni pawh sualna avanga harsatna kan tawh thin te, natna tihbaiawm pui pui avanga manganna leh lungngaihna kan tuar Lalpan a phal a. Chuta tang chuan min khai chhuakin atana tangkai zawk a kan nuna rawng kan bawl theihna turin experience min pe a ni. Kan tawrh ang tuar ve te kan hriat thiampui theihnan leh kan tanpui theihnan kan lo tuar hmasa a nih hi.Kan fak hla sak thin I kawng chu hlingin lo khat mahse, aw Lalpa lu chu ngaihtuah la a tih angin kan tana tuartu tawrhna te hi kan thlir thin a pawimawh khawp mai. Mahni chauh kan in en chuan tuar bik, chanchhe bik,vanduai bik ni te hian in hriat a awl khawp mai. Chuvangin kan thawktu duhawm tak tak te leh a ruaitu/hnarkaitu te, chhel taka tuar turin ka in fuih duh a ni. Kan thawhhona hian rah duhawm tak a chhuah a. Ni kum 2010 khan BCM-in Thlaraubo 3534 Isua ke bulah Pathian tanpuina in kan hruai thei a. Kumin ah pawh tam zawk hruai turin theihtawp I chhuah ang u. Natna leh lungngaihna tuar avanga in dawm kun mai lovin hengte hi Lalpan ka tuar ve a phal a ni tih hria a, tangkai zawk leh sawt zawk a rawngbawl turin Lalpa Grep huana thawhpuite ka ngen duh che u a ni.Tirhkoh Paula pawhin tuar chhel turin min fuih a nih kha. Mahse heng ang harsatna han tawh lai chiah hian patlin chu a har khawp mai. A leh lamah chuan tuar chhel lo pawh ni ila kan tuar tho tho mai, kan pumpelh thei silo, Pathian hnaih hi a 30

damdawi tha ber chu niin ka hria. Kan hmelma pa hi a awm mai mai silo, a seh theih tur zawngin a phi ruai reng si a, tha thlah lova kan in san mar reng chu a ngai a ni.Tuarna phenah Malsawmna a awm tih hria in I tuar tan tan mai ang u, kan tuar Lalpan a phal si. Lalpan mal sawm rawh se.

********************

Missionary Support petute leh an pek zat

( 2010 2011 )
BCM Aizawl Area Sl.No.
1. 2. 3. 4. 5. 6. 7. 8. 9. 10 . 11 . 12 . 13 . 14 . 15 . 16 . 17 .

Hming
2nd IR.Khawzawl BCM Armed Veng S BCM Chanmari BCM Electric BCM Kanan BCM Khumtung BCM Serchhip Bethlehem BKHP Aizawl E Bial BKHP Bawngkawn Bial BKHP Central Church BKHP Chaltlang BKHP Electric BKHP Kahrawt BKHP Kawrthah Bial BKHP Kolasib Bial BKHP Luangmual Bial

Pek Zat
11,000.00 2,500.00 3,000.00 12,000.00 8,000.00 4,500.00 12,500.00 32,200.00 45,000.00 45,000.00 46,200.00 18,000.00 4,500.00 1,000.00 7,000.00 17,500.00 6,000.00

31

18 . 19 . 20 . 21 . 22 . 23 . 24 . 25 . 26 . 27 . 28 . 29 . 30 . 31 . 32 . 33 . 34 . 35 . 36 . 37 . 38 . 39 . 40 . 41 . 42 . 43 . 44 . 45 . 46 . 47 . 48 . 49 . 50 .

BKHP Mamit BKHP Mission Vengthlang Bial BKHP Phuaibuang Bial BKHP Ramhlun N BKHP Saron BKHP Serchhip BKHP Serchhip Bial BKHP Shillong Bial BKHP Thenzawl Bial BKHP Upper Rep Bial BKHP Zawlnuam Bial BKHP Zemabawk Bial BKHP Zotlang Bial BMP Bawngkawn BMP Chaltlang BMP Electric BMP Kanan BMP Ramhlun N BMP Serchhip Central Church Champhai Bial Dr.TC.Hmingthangi, Chaltlang Dr.Vanlalringa Durra Chawngthu Market Ebenezer, Serchhip F.Ronghinglovi H.Lalthanthuami Hunlawmawma, Thingdawl Immanuel ITI Joseph P.Liana BCM Chaltlang Kanaan Thenzawl Khuangleng

6,000.00 41,000.00 3,000.00 18,000.00 13,500.00 7,700.00 40,000.00 7,200.00 18,000.00 65,000.00 11,000.00 18,000.00 24,000.00 9,000.00 5,000.00 6,000.00 2,000.00 5,000.00 10,800.00 192,980.00 6,000.00 26,000.00 12,500.00 40,500.00 11,200.00 12,000.00 12,000.00 6,000.00 300.00 18,000.00 26,000.00 1,200.00 2,000.00

32

51 . 52 . 53 . 54 . 55 . 56 . 57 . 58 . 59 . 60 . 61 . 62 . 63 . 64 . 65 . 66 . 67 . 68 . 69 . 70 . 71 . 72 . 73 . 74 . 75 . 76 . 77 . 78 . 79 . 80 . 81 . 82 . 83 .

KNP Chaltlang KNP Ramhlun N KNP Serchhip KNP Zawlnuam Bial KNP Zemabawk Kolasib Bial Lalthangliana Murray Luimawi M&E Aizawl E Bial M&E Aizawl W M&E Armed Veng S M&E Bawngkawn M&E Bethlehem M&E Chaltlang M&E Chanmari BCM M&E Ebenezer Serchhip M&E Electric M&E Emmanuel M&E ITI M&E Kahrawt M&E Kanan M&E Kawrthah Bial M&E Khawruhlian M&E Khumtung M&E Kolasib M&E Lengpui M&E Lengpui Bial M&E Luangmual M&E Luangmual Bial M&E Madanriting M&E Maubawk M&E N.Vanlaiphai M&E New Serchhip

2,000.00 3,190.00 1,800.00 1,950.00 800.00 5,000.00 13,000.00 170.00 18,000.00 5,500.00 24,000.00 28,000.00 101,800.00 54,000.00 34,500.00 8,800.00 25,000.00 8,000.00 6,000.00 24,000.00 88,000.00 5,000.00 2,000.00 9,000.00 10,000.00 12,000.00 33,000.00 18,000.00 8,000.00 36,000.00 2,400.00 10,800.00 30,000.00

33

84 . 85 . 86 . 87 . 88 . 89 . 90 . 91 . 92 . 93 . 94 . 95 . 96 . 97 . 98 . 99 . 100 . 101 . 102 . 103 . 104 . 105 . 106 . 107 . 108 . 109 . 110 . 111 . 112 . 113 . 114 . 115 . 116 .

M&E Phuaibuang M&E Ramhlun N M&E Ramhlun S M&E Ramlaitui M&E Ramthar M&E Saron M&E Serchhip M&E Thenzawl M&E Thenzawl Bial M&E Thuampui M&E Zemabawk M&E Zonuam M&E Zotlang M&E Zotlang Bial M&E Zuangtui Mamit (Chhimveng) N.Vanlaiphai Nalzawl Phuaibuang Bial Pu Sangkhuma Republiv Vengthlang Rev.F.Sangvela Saitual Bial Shalom Thenzawl Bial Thuampui, Zawlnuam TKP Bawngkawn TKP Chaltlang TKP Champhai Bial TKP Chanmari Unit TKP Electric TKP Kahrawt TKP Kawrthah Bial

24,000.00 108,000.00 49,000.00 15,000.00 25,000.00 60,000.00 35,500.00 28,000.00 99,200.00 1,000.00 10,800.00 6,900.00 63,000.00 19,000.00 2,400.00 436.00 8,400.00 302.00 7,700.00 600.00 19,600.00 12,000.00 4,000.00 65,000.00 106,300.00 10,000.00 6,000.00 12,000.00 1,200.00 31,400.00 12,300.00 2,000.00 2,700.00

34

117 . 118 . 119 . 120 . 121 . 122 . 123 . 124 . 125 . 126 . 127 . 128 . 129 . 130 . 131 . 132 . 133 .

TKP Luangmual Bial TKP Lungmuat TKP Mamit Bial TKP MSVT Bial TKP N.Chaltlang TKP New Serchhip TKP Phuldungsei Bial TKP Ramhlun N TKP Salom TKP Saron Unit TKP Serchhip TKP Upper Republic Bial TKP Venghlui Upa CS.Kapliana Upa Hunlawmawma Venghlui Zawlnuam Bial Grand Total =

2,500.00 840.00 2,000.00 5,000.00 300.00 10,100.00 500.00 8,000.00 13,000.00 20,400.00 13,200.00 5,000.00 5,000.00 18,000.00 1,500.00 17,500.00 18,000.00 2,572,068.00

( Rupees Twenty five lakhs seventy two thousand sixty eight) only

35