Mo t t o Mo t t o Mo t t o Mo t t o Mo t t o

1. Hunawl hman that

2. Kristian nun dan tha
ngaihsan
3. Zofate hmasawnna
ngaihtuah
YMA chu \anpui ngaite
\anpuitu a ni
Kar tin chhuak
Since 2004
Vol ume VI , I ssue No. 19 Dat ed 11
t h
June, 2011. (I nr i nni ) Phek 1-na (A man : Thla khatah Rs. 10/-)
TLANGNUAM BRANCH YMA
KUM 2011 OFFICE BEARER TE
President : Pu Lalthangmawia
Vice Pre. : Pu C.Zoliana
Secretary : Tv. K.Lalmuansanga
Asst. Secy. : Pu C.Lalhriatpuia
Treasurer : Pu C.Zothansanga
Fin. Secy. : Pu Lalduhkima
KUM 2011 THUPUI
Khawtlang nun
siamthat
Mi tupawhin vanram kai chu an duh a, mahse thih erawh an duh hauh si lo
RAWN TLAWH DAWN
Salvation Army, Tlangnuam Corps te
chu tun chawlhni hian Enna Corps YP
(Bethlehem Veng) te chuan an rawn tlawh
dawn a, chawhma i nkhawm hi
Tlangnuamah neih a ni ang a, chawhnu
erawh chu Seling Corps-ah inkhawmin,
tlaiah an haw leh nghal ang.
CHAMPION LAWM DAWN
GSA te chuan tun hnaia All Inter Club
Championship khelh zawh taka an cham-
pion chu vawiin (11/6) hian P/S ah
lawmna hun an buatsaih a, he hunah hian
VC te bakah, khaw chhunga NGO hrang
hrang hruaitute leh zirna sikula head te
an sawm.
GSA te hi he an inkhelh chhunga
sum leh paia tanpuitute chungah an
lawm hle a, an sum neih chuan tlin se
khawtlang huapa ruai nen ropui taka
lawm pawh an duh hle, amaherawhchu,
sum lam indaih lohna avangin khawtlang
huapin an ti thei ta lova, sawm bikte nen
an lawm ta a ni.
THALAI KHAWMPUI NEI MEK
Isua Krista Kohhran, Chhingchhip
Bial chuan tun Pathianni hmang hian
Tlangnuamah Khawmpui (Revival) an nei
mek a, nizan kha palai thlen kim zan niin,
naktuk zanah a tiak ang. He Inkhawmpui-
ah hian khaw hrang hrang 8 atangin palai
an rawn kal a ni . (An i nkhawmpui
programme dah tel kan duh avangin a hranin,
phek 4-naah kan dah mai - Ed)
WRC ASSOCIATION HRUAITUTE
June ni 6 zan khan WRC Associa-
tion te chuan Committee neiin, kum 2011-
12 chhunga hruaitu turin heng mite hi an
ruat :
President : Pu Zolura Chhangte
Vice President : Pu RTC.Zoramliana
Secretary : Pu C.Lalhlimawma
Asst. Secretary : Pu H.Muankima
Treasurer : Pu Lalkiamlova Hmar
Fin. Secretary : Pu Vanlalringa
Tin, member ni duh te tan June thla
ral hmain Rs. 50/- a inpek ni se an ti bawk.
TRAINING NEI MEK
Seling lama kan Corrrespondent Pu
Lalthlamuana chu tun kar chho khan
Aizawl lamah Scout Master training neiin
a kal. Hlawhtling taka a train kan
duhsakpui e.
e-mail : [email protected]
YMA DAY (JUNE NI 15) PROGRAMME
Zingkar hnatlang : YMA Inah inngahkhawm tur, thlanmual sm tur a
nih avangin chem thawhchhuahpui tur a ni e. Hemi tuk hian chhun lama
kan programme hmanna tur Primary Sikul pawh buatsaih a ni ang.
Chawhma Session : (10:00 a.m. onwards)
Chairman : Pu Lalthangmawia, President
Tanna hla : Ro min relsak ang che
Hunserh : Nl HS.Lalmuanpuii.
YMA thuthlung sawi rual
Kaihruaitu : Pu C. Lalhriatpuia
Snna : (Member boral ta te pualin)
Kumpuan Thupui sawi
Sawitu : Pu C.Lalremkima, Vice Chairman, Kumpuan Sub-Comt.
Sawi hona : (Group-a inthenin sawiho a ni ang)
HSLC chin chunglam pass tharte lawmpuina :
Hlantu : Pu RTC Zoramliana, VCP/Br. Sr. Adviser
(A remchan dan angin YMA Chhangten item chi hrang hrang an entir
bawk ang)
REFRESHMENT REFRESHMENT REFRESHMENT
Chawhnu Session : (1:30 p.m. onwards)
Chairman : Pu C.Zoliana, Vice President.
Competition : 1. Lengkhawm zai
(Section inelna) 2. Solo
3. Debate
Reports : Section pahnih atangin leh Branch atangin
Competition result puan
Lawmman sem : Section competition.
Hlantu : 1. Pu C. Zothansanga, Treasurer
2. Pu Lalduhkima, Fin Secy
Lawmman sem : Essay leh Article Writing competition.
Hlantu : Library Sub-Committee atangin.
(Note : Special Item nei turte : Tv. Malsawmzuala, Tv. C.Lalrinmawia,
Tv. C.Lalrohlupuia, Tv. K.Laldinpuia, Tv. H.Malsawmtluanga,
Nl. K.Lalhlimpuii, Nl. Kawngkharmawii. Special Item neiturte zai hun tur
hi Chairman kutah dah a ni)
(YMA Day hmang tur hian Tlangnuam Branch YMA member zawng
zawngte sawm kan ni e.)
SECTION 2 TE HNATLANG
Niara Section te chuan thawhtanni (6/6) khan Pu C.Tawnkima ter-
race laiin nileng inhlawh hnatlang an nei a, member 18 thawk chhuakin,
Rs. 2300/- vel lai an hlawh chhuak. Pu C.Zoliana, Br. Vice President
chuan Rs. 70/- leh Tv. R.Lalnuntluangan Rs. 150/- in hnatlang an pui a,
an chungah member te an lawm hle.
Mena Section te pawh hemi ni vek hian Darlawng rama Pu
Thangmawia huanah rubber phunin an inhlawh a, member 24 thawk
chhuakin Rs. 3000/- lai an hlawh a ni. Tin, Pu C.Lalmuana, Venglai chuan
hnatlang chawhmeh man atan Rs. 200/- lai a thawh bawk. Niara leh
Mena Section hruaitute, hnatlanga thawk chhuak member leh inhlawhna
siamsaktute chungah an lawm tak zet a ni.
UnktldUH+HrrtdMn-08C`sdc00
sg
Itmd+1/00Hmqhmmh(Ogdj1,m`
Huaisenna hi mi danglam bikte zia a ni a, thiltihtheihna leh chakna a keng tel thin - Goethe
E
ssay leh Article inziahsiak kan
han buatsaih a, kan beisei ang a
lut dawn lo emaw tia kan beidawn
hnuah, kan beisei aia tha mah a lut
leh hlauh mai a, a lawmawm e.
Chutih rual chuan, kan thalai leh
zirlai bengva deuh, essay leh article
ziak tura kan beisei deuh zingah
tumah ziak an awm lo; kan tawng an
huat thu suhah, lehkha zir lai ni tawh
lo, heti lama chet rawn la ve tura kan
beisei chiah loh atangin a lut mah
zawk a, khawnge kan zirlai leh
mithiamte hi an awm le? Hei hian kan
khaw nihna dik tak a pho lang kan ti
dawn nge, kan lehkhathiam intiho
nihna a tarlang kan ti zawk dawn?
Nu leh paten harsa taka an
thawh chhuah hmangin khawpui
lamahte lehkha zirin kan awm a, kan
nu l eh pate thawh hahzi a l eh
keimahni vanga hrehawm an tawrh
nasatzia ngaihtuah lem lovin nuamsa
takin lehkha kan zir a, essay emaw
article pakhat lek pawh sual chhuak
thei khawp finna kan chhar lo nge,
kan khaw chhung hi kan changkan-
san a, kan YMA te hmalaknate hi
engahmah ngai lo khawpin kan fing
ta lutuk zawk ni ang le?
I ram leh hnam a boral chuan
nang pawh zuah i ni bik lovang tih
kha kan hre fur awm e. Chutiang
deuh chiah chuan, eng ang pawhin
changkangin, sum leh paiah hausa
mah la, i pian leh i seilenna, i khua hi
a changkan loh chuan, a changkanna
tura hma i lak bawk si loh chuan,
l ehkhathi am mai mai , mi fi ng
hawihhai lo tak i ni tihna a ni ang.
PRESBYTERIAN CHURCH
Dt. 11.6.2011 (INRINNI ZAN)
Chairman : Upa Roliana
Sermon : Pu Lalchharliana
Pathianni nileng hian Pentecost
Programme an hmang dawn.
THE SALVATION ARMY
Dt. 11.6.2011 (INRINNI ZAN)
Hruaitu : Pi Lalkungi
Dt. 12.6.2011 (PATHIANNI CHAWHMA)
Hruaitu : Pu R.Zosangliana, YPG
Thusawitu: Pi R.Laldinpuii, AYPSM
(Hun changtute hi Enna Corps
atanga lokalte an ni)
PATHIANNI CHAWHNU
Hruaitu : Pu Ch.Lalthafamkima
Bible Class neih a ni ang
PATHIANNI ZAN
Hruaitu : Nl. Malsawmtluangi
Thusawitu: Pu Tharzuala
UNITED PENTECOSTAL CHURCH
Dt. 11.6.2011 (INRINNI ZAN)
Chairman : T.Upa Ramhluna
Tantu : Sis. Rinpuii
Dt. 12.6.2011 (PATHIANNI CHAWHMA)
Chairman : T.Upa Ramhluna
Tantu : Upa Tlangmawia
(Chawhma inkhawm banah thingpui
ruai buatsaih a ni ang)
PATHIANNI CHAWHNU
Chairman : T.Upa Ramhluna
Thuhriltu : Sis. Rokungi
PATHIANNI ZAN
Chairman : T.Upa Ramhluna
Thuhriltu : T.Upa Lalhmachhuana
KRISTIAN THALAI PAWL
Dt. 13.6.2011 (THAWHTAN ZAN)
Hruaitu : Pu K.Zoramthanga
Tantu : Nl. Annie Zomuanpuii
Sermon : Pu C.Lalhriatpuia
Naktuk hi Pentecost ni a ni a,
kohhran hrang hrangi n mahni
remchan dan angin an hmang ang.
SECTION AIAWH TUR
Niara Section te chuan YMA Day
a Section intihsiakna turah Section
aiawh turin heng mite hi an ruat
chhuak - Solo : Tv. C.Lalrinmawia leh
Nl. H.Vanlalzawmi. Debate : Tv.
Lal bi aktl uanga (Leader), Pu
C.Lal hruai tl uanga l eh Nl .
PC.Lalremtluangi.
SUB-COMMT. HNATLANG
Property Sub-Committee te chu
Thawhtan khan YMA bungrua te
enfelin zingkar hnatlang an nei a,
Group Conference neih laia hman,
Thangchhuah kawr l eh di ar,
Kawrchei leh Puanchei a kim lova, a
lo kawlte kan awm a nih chuan a rang
thei anga pek luh theih ni se a
lawmawm hle ang.
ESSAY & ARTICLE LUT ZAT
YMA Day-a result puan leh
lawmman sem tur YMA member te
puala Library & Literature Sub-Com-
mittee ten Essay leh Article inziahsiak
an buatsaihah Article 6 leh Essay 4
(a vaiin 10) a lut a, hengte hi a
endiktuten an en mek. Article leh
Essay ziaktute chungah Lib.&Litt.
Sub-Comt. hruaituten lawmthu an
sawi a ni.
TUI PIPE LO THLENG
Tlangnuam khaw tui lak belhna
tur pipe (50 mm a lian) chu Ningani
tlai khan Tlangnuam khua a lo thleng
ta. Tui pipe hi Aizawl atanga rawn
phurh a ni a, a rawn phurtute hian an
dahna tur an hriat loh avangin
Serchhip thlengin an phur phei a,
chumi hnuah an rawn phur let leh a,
mahse vanduaithlak takin Saisih piah
lawk, Ramri kawnah Wagon R MZ01-
F-9541 nen an insu hlauh mai a,
chuvangin an rawn thlen hun tura
beiseiah an rawn thleng hman ta lo
a ni. Heng pipe te hi VC house ah
unload niin a vaiin tlawn 250 a ni a,
hei hian Chalfilh atanga Tlangnuam
thleng tur chuan a la daih dawn lo
deuh a, amaherawhchu, VC te
hmalaknain a daih tawk nei thei turah
inngai teh ang.
EXHIBITION-AH KAL
June ni 8-9 chhung khan
Chaltlang HSS ah State Level Sci-
ence Exhibition (Inspire Award) neih
a ni a, he hun hmang tur hian
Tlangnuam High School atangin
HS.Lalhriatkima (Teacher) hovin
Lalhruaizeli leh C.Lalthansanga te an
zuk kal ve a, Ninga zan khan dam
takin an lo haw leh. An hlawkpui hle
niin kan lo hria.
DAMDAWI INAH
Pi Lal rozual i (Mami ) w/o
C.Lalengzauva, Hmar Veng chu Lu
n leh khawsik avangin Nilaini khan
Tst. CHC ah admit a ni a, he thu kan
buatsaih damdawi inah enkawl mek
a la ni. Dam taka a lo chhuah leh vat
kan duhsak e.
NAUTE THAR
Pu PC.Lalhmachhuana, Sikul
Veng te nupa chuan naute duhawm
tak mai (mipa) June ni 7 zan khan
Tst. CHC ah an nei. Kan lawmpui e.
INNEI DAWN
PC.Lal l awmki ma s/o
PC.Tl angkhuma Tst. D/A l eh
Vanl al hruai i d/o Lal thl amuana,
Chawlhmun Aizawl te chu nimin June
ni 10 khan an innei.
INNEI
Nimin, June ni 10 khan Nl.
Lalruatsangi d/o Chhuanthangi,
Hmar Veng leh Lalchawimawia s/o
Lalthuama, Aizawl Edenthar Veng
chu UPC kohhran danin an innei.
INNEI DAWN
Reuben Lal mal sawma s/o
Hmuchhuaka (L), Tst. C/A leh Eliza-
beth Lal ri ntl uangi d/o
H.Lalramchhuana Tst. C/A te chu
June ni 16 (Thu) khian an innei dawn.
UnktldUH+HrrtdMn-08C`sdc00
sg
Itmd+1/00Hmqhmmh(Ogdj2,m`
Hun a la awm chhung hian hmangaihna chi chu theh rawh u - Edmund Spenser
KHAWTLANG NUN SIAMTHAT
(Extracted from Lengzem, March 2009)
1. Inthununna : Tunlaia ram thenkhatin compulsory-a
thalai rual sipaia an tantir ang deuh hian, kan zawlbuk
kha inthunun zirna, institution tha tak a ni. Chhungkaw
inthununna piah lamah khawtlang inthununna an zir
theihna turin, rawlthar chu zawlbukah khawtlang dan
hmangin an la hrang tihna tluk a ni. Chhel, huaisen, chak,
rual el leh an hmabak hmachhawn dan zirna hmun a ni. A
huhova tlangval riak khawm chuan, sipai anga a huhova
chet an thiam a ni. Sa leh rl leh kangmei chhuakah te, a
huhova hmachhawn an thiam phah a ni.
2. Nunphung inkawhhmuh : Pa berin, chaw ei laiin a
fate hnenah nunphung hrilhin a zirtir thin. Chhiatni thatnia
awm dan, pm leh tuikhura awm dan, kt ni vangthla leh
sakhaw thila nunphung, nulat tlangval thua awm dan mawi,
thl awhhma l ak dan, l al l eh upate zah dan cheni n
chhungkua an inzirtir a ni. Nuin a fanu hnenah in chhung
khawsak a zirtir a, mi mo-a a tan hunah in chhung khawsak
rel a thiam loh chuan amah bakah, a hringtu nu chenin
dem an ni. Pain a fate hnenah lo vah dan a hrilh satliah
lova, amah ngeiin ko-a hreipui bata thahrui hmangin a
fate chu nunchan a zirtir a ni. Chhungkuaa inkaihhruaina
chu pawn lamah an nun chhuahpui a, natna benvawn
thinhrik leh lungten chungchangah te, mi zinga sawi lem
lova chhungkuaa inkawhhmuh an thiam hle. Zilhtu nei ve
lo, zilh loh fa nih chu an hlauh ber a ni,. Chuvangin, khawlai
fa nih an hlau hle. Tin, chhuahvahnaah, upa zawkte tih
phung leh nun phung chu a rkin naupang zawkte chuan
an mitmei reng a, upate pawh entawnin an awm a ni tih
hriain, an theih ang tawkin nun an uluk a ni. Tunlai hian,
nunphung inkawhhmuh si lovin, chutin khatin awm suh
tiin nu leh paten kan fate kan zilh thin. Hei hi a dik lo,
Zonunmawi chu thu leh nun hmanga upa zawkin a
naupang zawk hnena nunphung a kawhhmuh hi a ni.
3. Work culture : Pi pu nuna thi l hl u, tuna kan
hlamchhiah tak chu hnathawh nunphung work culture hi
a ni. An thlawhhma chu an engkim a ni ber a, an hun
pawimawh zawng zawng thlawhhma hunpui milin an her
rem vek a, an lunglenna thu leh hla chenin an thlawhhma
chhehvelah a vir kual a ni. An eizawnnaah an lung a leng
a, an eizawnna pui ber milin sa leh khua an bia a. An
thlawhhma lak tikhaihlak lova, hlawk tur zawng zelin an
tualzal nun a her rem thiam a ni. Chak, chhuanawm,
thlamuanpuiawm leh zahawm an tehna langsar tak chu
hnathawhah a ni. Tunah chuan kan eizawnna tibahlah
zawngin sorkar, kohhran leh khawtlang programme te kan
siam a, eizawnnaah kan lung a leng lova, kan arts leh
literature hian eizawnna a tlansan tan ta a ni.
4. Intodelh duhna : Intodelh duhna leh tumna spirit hi
pi pu nunah a langsar hle. Hwp khawp thar loh chu
zahthlak tawpkhawkah an ngai a, buhzem hmangin
hausakna leh zahawmna an teh a, thenawmte thil hawhtu
ni lovin, hawh tur neitu nih an tum tlat a, ei leh inah mai ni
lovin, hmanrua, thuamhnaw, mutbu leh ranvulhah te an
intodelh a ni. Hmanraw hawh a pek kir loh phei chu a
chhe zawnga mahni chunga thleng tur ang hialin an ngai.
Hnam zai leh lmah an intodelh a, kt ni vangthla thil leh
sakhaw biakah hnam dang an entawn lo. Thawnthu te,
naupang pawnto hla te, puithiam thiamhlate pawh hnam
dang pr lovin an nei vek. Thil thar an hmuhin, a hming
an phuah vat a, zahpui lovin an hmang hlen ngam zel a
ni. Tunah chuan mahni thil paiha hnam dang pr chu
changkanna emaw kan ti tawh zawk a ni.
5. Rinawmna : Pi puten thingfaka kawngkhar dova an
lensan ngam thu sawi hian, thenkhat chuan, in chhunga
thil hl awm loh vang tiin sawi nep an tum a. An hunlai
chuan awhawm tak a ni ve tho.
In lamah leh ram lamah an rinawm a, buh leh thlai inruksak
te chu sawi loh, an thlaite chu an ri te lamah a zam a nih
chuan mai leng an um ngai lo an ti mai a ni. Chu rinawmna
thinlung chuan min tinsan mek a ni.
6. Damkhawchhuah tumna : Chhiat ni leh mangan ni
a inphatsan loh te, sa leh rla huaisente hi pawngpaw
tlawmngaihna leh hmingthat duhna a ni satliah lo, sur-
vival chungchang a ni. Khawvelin vawiina Mizo tih thumal
a lo hmelhriat ve theihna tura mahni thiam ang tawka
damkhaw chhuak tura beihna a ni. Thangthar hian he
rilru hi kan hloh lek lek tawh a ni.
7. Kalphung fel : Aia upa zah ngawt theih a ni lova,
kalphung felin aia upa zah hi a hring a ni zawk. A tuikang
nghah chn te, aia upa bar hmasaktir te, pma hmeichhia
laltir a, tuikhura mipa laltir nachang hriat te hi system fel
entirtu a ni. Feh kawngah hmeichhiain rit a phur a, mipa
chu sa leh rl lo thleng thuta hmachhawn thei turin
kutruakin a kal a ni. Lal, khawnbawl, mual kil mi tha,
tlangau, thirdeng, mi chhia, hnamchawm leh hmeithai
chenin system fel tak hnuaiah an awmphung tur a inrel fel
vek. Thangthar hian kalphung fel bosal kan tuar mek a ni.
8. Sual dem ngamna : Sual an tarlang ngam a, an sawi
ngam a, an tlngchil ngam a, an hnawtchhuak ngam a ni.
A ti tur bik an inthlang chhuak ngai lo. Valupa thuin tlangval
an pungkhawm a, phung in a keuh mai a ni. Hminghliau
hlauhna chuan nun a tithianghlim a, hmingchhiat hi thlahte
thlenga nupui/pasal hnawn theihna a ni. Kan kr a hla ta
hle mai.
9. Mi leh sa inhriat chianna : Anmahni tawkah thil an
chkin an dilchhut a, thenawm an inhre chiang a, pm
thar chu a lo zik chhuahna lama a dinhmun thlenga hriat
ngei an tum a, laina zawn an thiamin thian a duhtui a,
lampui changkhatah an inbe chhe ngam lo. mikhual
tlangval buan tihte pawh mi leh sa inhriat chianna game
chikhat a ni. Mi rel sual leh an pawisawi an hlau a, an
inpawh tawh chuan thisen zawmpui angin an inhmangaih
thung a ni.
10. Chi thlaha fimkhurna : Nupui/pasal zawn thu-ah
keini aiin pi pute an fimkhur zawk. Hmelthat leh hausak hi
an tehna ber a ni lo. An kawppui turte leh an thlahtute
chuan natna benvawn an nei em? Taksa leh rilru lama
rual ban lohna an nei em? Kutkem nei chhungkua an ni
em? tihte an zir hmasa thin. Ui leh ar anga inhring pung
thlahte ni ta ila, Mizote hian vawiin kan dinhmun hi kan
luah zo hauh lovang.
11. Ram rorelna : Kan lalte kha nepin, an thil neihte
pawh kha hlu lem lo mah se, khua leh tuiten an zah thiam
a, lal an zahawm zawh poh leh khua a zahawm tih an hria
a ni. Lal chuan zawlbuk zahawmna leh tlangval thahrui
hman sual pawi theihzia pawh a hria. Forest department
kan neih hma kum 200 ah ram hual nachang an lo hre
tawh. Lal fing chuan thlawhhma atana ram theh dan leh
khamkhuai lak thu thlengin system fel tak an siamsak
vek. Mualkil mitha inluling tur leh michhia hnuaichhiaha
an awm tur chu lalin an veng tlat bawk a ni. Ram hauh an
tin a, lu chhum ban chhum huama indovin, an ram chin
an hauh ngam a ni.
12. Hriatna an ngaihven : Heti khawpa kristian nih kan
awlsamna chhan hi Pathian hnathawh a nih rualin, hriatnaa
tuihal hnam kan nih vang niin a lang. Pm leh zawlbuk ti ti
atangin hriat belh theih an neih apiang hriat an tum a,
Hringchar thlangah kawng a la bel hle tih an hriat hnu
lawkah sap hmel an hmu leh a, hriat belh an chk a ni.
British-in min awp lai khan commonwealth hnam mawlte
zingah Lei lal kraun leh nuthlawi an bk leh dawn e, nuthlawi
a kng lo a pawi ber mai! tia chheihpui thei hnam dang tu
nge awm ang! Hriatna lama he hnam tuihalna remchanga
hmanga ram tihhmasawn hi thangtharte bat a ni.
(
EDITORIAL BOARD
Editor : C. Lalhriatkima (9612320470) Joint Editor : Lalchhandama Hmar (9615558098) News Editors : H. Lalngaihawma (9862359066)
Circulation Manager : K. Lallawmzuali (9862425981) K. Lalmuansanga (9862335086)
Correspondents : Lalthlamuana (9615468563) Seling. John Lalramchuana (8575185540) Thingsulthliah
(Pri nted at KC Paper Works, Ramhl un N , Ai zawl . Publ i shed by Li brary & Li terature Sub-Commi ttee on behal f of Thi ngsul -Tl angnuam Branch YMA)
UnktldUH+HrrtdMn-08C`sdc00
sg
Itmd+1/00Hmqhmmh(Ogdj3,m`
IKK CHHINGCHHIP BIAL THALAI KHAWMPUI (REVIVAL)
PROGRAMME
Dt. 10.6.2011 (ZIRTAWP ZAN)
Chairman : Tv. Lalrinsanga, Bial Fin. Secy.
Tantu : Nl. K.Lallawmzuali, Tlangnuam Br. Treasurer
Sermon : Tv. Lalropuia, Bial Asst. Leader
Dt. 11.6.2011 (INRINNI CHAWHMA)
Chairman : Tv. Lalhmingmawia, Baktawng Br. Asst. Secy.
Tantu : Tv. Lalramchhana, Chawilung Br. Secy.
Sermon : Tv. Ngurnunmawia, Khawbel Br. Asst. Leader
INRINNI ZAN
Chairman : Tv. Malsawmtluanga, Chawilung Br. Asst. Leader
Tantu : Nl. Lalengsangi, Hmuntha Br. Treasurer
Sermon : Tv. Lalrinsiama, Bial Asst. Secy.
Dt. 12.6.2011 (PATHIANNI CHAWHMA)
Chairman : Tv. R.Lalmuanawma, Hmuntha Br. Leader
Tantu : Tv. K.Lalnunmawia, Chhingchhip Br. Secy.
Sermon : Pu Vanlaltawka, Baktawng Br. Fin. Secy.
PATHIANNI CHAWHNU
Chairman : Pu Darthangseia, Chawilung Br. Leader
Tantu : Nl. Lalrempuii, Bial Treasurer
Sermon : Upa HS.VL.Thlamuana
PATHIANNI ZAN
Chairman : Pu Vanlalsanga, Bial Leader
Tantu : Nl. Vanlalpeki, Khawbel Br. Treasurer
Sermon : Tk. R.Lalfakzuala, Chhingchhip Bialtu
FAINA LAMAH TAN I LA ANG
Lalthangmawia
President
T
langnuam khua hi khaw fai lawmman dawng
tlakah kan la inngai em le? Kan khaw
thenawm Thingsulthliah leh Seling hi kawng tam
takah kan phk ta lo hle mai a tih thei awm e. Hei
hi eng vang nge kan tih chuan, a mihring chengte
rilruah faina lam kawnga inzirtir hi kan la mamawh
hle tih a hriat a ni. Naupang leh puitlingte rilruah
hian fai chkna leh bawlhhlawh ngaih theih lohna
kan la neih tawk loh vang pawh a ni thei ang.
Hetiang renga kan thalaiho pawh hi kan tladah a nih
chuan mi nuihzatin kan awm vat mai dawn a ni.
Sanitation Committee-in hmun remchang
laia tn ruak a khai pawhin, a bul kawng sirah leh
hmun danga kan thil eina kawr kan la paih zel
duh hi chu MAWLNA chikhat a ni tih i hria ang u.
VC ten Community Hall bula Waiting Shed an
sakah pawh bawlhhlawh bawm khai a ni reng
chung pawha helai vela khawsa thinten meizial
bung leh thil eina kawr bawlhhlawh bawmah pawh
paih lova, a bul maia an han paih darh han hmuh
hi chuan a zahthlakin kan mawlzia leh kan
changkan lohzia a lang chiang ngawt mai.
Tun atang chuan bawlhhlawh hi i ngaithei
tawh hauh lovang u. Tichuan kan lo hriselin khaw
nuam kan siam dawn nia.
CHHIAT TAWH CHUNGA
LAWMTHU SAWINA
May ni 27 a kan fapa R.Lalbiakthanga leh
R.Lalthatluanga ten vanduaina an tawh thu hriaa
min tanpui tur leh buaipui tura kan khawtlang leh
khaw thenawm - Seling leh Thingsulthliah atanga
mi tlawmngai rawn kal zawng zawng te, thil
mamawh ti nreng, motor thl enga mi n
ngaihtuahsaktu te leh tlawmngaia thawktute ei
leh in tur min ngaihtuahsaktu te, Aizawl atanga
kan fapa R.Lalthatluanga kuang rawn siamsaktu
leh lirthei min ngaihtuahsaktu te, ruang rawn
zuitute leh a hnu zela khawngaihna leh lainatna
kan chunga lantirtu zawng zawngte chungah
thinlung takin kan lawm tak zet zet a, kan chhiat
tawh hlimchhawna kan hmelhriat loh min
khawngaiha min rltu te leh a hnu zela tanpuina
thilpek min pe a min tuamhlawmtute kha kan hre
seng vek lo che u a, kan chunga in thatna zozai
hi keini chhungkua hian kan damchhungin kan
rul zo dawn lova, he chanchinbu kaltlanga
lawmthu kan sawina hi min lo pawmsak turin kan
han ngen che u a ni. Tin, in thatna leh kan chunga
in ngilneihna hi a let tam takin Pathianin rul mawlh
che u rawh se.
In khawngaihna dawngtu
R.Laldawngliana te chhungkua
Tlangnuam -Chhim Veng
NLUP PAWISA DAWNG DAWN
NLUP hnuaia Sangha khawi thlangtute pawisa dawn tur chu
peihfel a ni tawh a, tunkar Nilaini khan Aizawlah cheque an zu la
chhuak. An pawisa dawn tur hi Rs. 25,000 niin kan khaw
chhungah chhungkaw 4 in an dawng dawn a ni.
SERTHLUM CHI LO THLENG
NLUP hnuaia Thingsulthliah khaw chhunga Serthlum chin
thlangtute dawn tur Serthlum chi (a tiak tawh) chu nilaini khan a
lo thleng a, chhungkaw 116 in 100 theuhin an dawng.
RUL CHUK
Pu H.Ramhluna, Venglai chu Thawhlehni zan khan Tuirinia
an ram riahnaah rultuha-in a ke ding lam (pheikawng) ah a chuk
palh hlauh mai a, a tirah a nat vak loh avangin a rawn haw mai
lova, amaherawhchu a hnuah a nat tak deuh avangin Nilai zan
khan zawn haw a ni a, he thu ziah lai hian Pu Lalkiamlova te In,
Tlang Vengah enkawl mek a ni.
SAINT DON BOSCO RUHRO
Catholic kohhrana Don Bosco Society dinchhuaktu
Mithianghlim Don Bosco ruhro chu khawvel hmun hrang hrangah
kal kualpui mek a ni a, zanin dar 9:00 hian Shillong atangin Seling
a rawn thleng dawn a. Selinga chawlhpui a nih chhung hian
Catholic kohhrante chuan amah chawimawina hun an buatsaih
ang. He hun hmang tur hian Most Rev. Stephen Rotluanga, CSC
Bishop of Aizawl leh Mizoram leh hmun hrang hrang atangin an
rawn kal ang.
MUSIC VIDEO CHHUAK DAWN
Zanin dar 8:00 hian Thingsulthliah Pastor Bial Zaipawl (2009-
2011) Music Video chu Sub-Town chhunga Cable TV pathumah
chhuah a ni ang. He Music Video hi Simeikhu Editor Pu Sawma
siam a ni a, duh aia hun a chep avangin a duh ang takin a peih
fel hman lo niin thu kan lo dawng.