0% found this document useful (0 votes)
1K views13 pages

Kristian Chhungkua Hapta - 2013

The document summarizes the Baptist Church of Mizoram's Christian Family Week program from May 19-24, 2013. It provides the daily themes and Bible passages that will be discussed each day, which are focused on strengthening families and emphasizing the importance of God and the Bible in family life. The overall goal of the program is to guide families spiritually through the teachings of the Bible.

Uploaded by

Hlima Ralte
Copyright
© Attribution Non-Commercial (BY-NC)
We take content rights seriously. If you suspect this is your content, claim it here.
Available Formats
Download as PDF, TXT or read online on Scribd
0% found this document useful (0 votes)
1K views13 pages

Kristian Chhungkua Hapta - 2013

The document summarizes the Baptist Church of Mizoram's Christian Family Week program from May 19-24, 2013. It provides the daily themes and Bible passages that will be discussed each day, which are focused on strengthening families and emphasizing the importance of God and the Bible in family life. The overall goal of the program is to guide families spiritually through the teachings of the Bible.

Uploaded by

Hlima Ralte
Copyright
© Attribution Non-Commercial (BY-NC)
We take content rights seriously. If you suspect this is your content, claim it here.
Available Formats
Download as PDF, TXT or read online on Scribd
You are on page 1/ 13

Baptist Church of Mizoram

KRISTIAN CHHUNGKAW HAPTA

THUHMA. Kumin 2013 Kristian Chhungkaw Hapta thuzir tur hi buatsaih leh a ni a. Kum danga kan hman dan thin aia zangkhai hlek a buatsaih a ni. Amaherawhchu Chhungkuaa he hun kan hman lai hian a huhova tawngtairual thin tur a ni a, Tawngtai thupui pawh dah tel zel a ni.. Chhungkua hi Pathian chenna leh a Hmanrua a ni a, chutiang chhungkua chu kan nih theih nan thahnemngai takin he Hapta hi hmang theuh turin kan insawm a ni..

Rev.H.Lianngaia General Secretary.

Kristian Chhungkaw Hapta 2013

KRISTIAN CHHUNGKAW HAPTA HMAN DAN TUR PROGRAMME A hun: May 19 24, 2013 1. May 19 Pathian Ni hi Thlarau Thianghlim thlen Ni (Penticost Ni) a ni a, Kristian Chhungkaw Ni a ni bawk a. Thupui atan Thlarau Thianghlim thlen Ni Thupui Thlarau Thianghlima khah hi Pathian Ni zingah hman nise. Sunday zanah chuan Kristian Chhungkaw Ni a nih avangin Kristian chhungkua chu- Tanpui ngaite tanpuitu (Luka 10:25-36) tih hi hman nise. 2. May 20 (Thawhtan) zan : Thupui- Pathian, Chhungkaw Innghahna (God, The Foundation of the Family) 3. May 21 (Thawhleh) zan : Thupui- Bible, Chhungkaw Hruaitu ng (Bible, the Guiding Light for the Family) 4. May 22 (Nilai) zanah In lama thuzir tur buatsaih a ni lova, Biak In lama Thupui atan Kristian chhungkua chu-Midangte tana malsawmna(Gen 12:1-3) tih hi hman tur a ni. 5. May 23 (Ninga ) zan. Thupui :-Kohhran, Chhungkaw chenna In(Church, Home for the Family) 6. May 24 (Zirtawp) zan, Thupui :- Thilpek, Chhungkaw Mawhphurh (Giving, the responsibility of the Family). 7. May 25 (Inrinni ) zan chu Tawngtai Inkhawm a nih avangin Thupui hran siam a ni lo. Lawmthu sawina leh BCM chhungkua zawng zawng intawngtaisakna atan hman tur a ni ang.

Kristian Chhungkaw Hapta 2013

May 20, 2013 (Thawhtan zan) Thuzir 1-na PATHIAN: CHHUNGKAW INNGHAHNA. Bible chhiar tur: Sam 127:1-5. Engkim mai hi nghahchhan tha taka a innghah loh chuan a nghet lovin, a nih tur ang a ni thei thin lo. Engineer-ten Building lian leh sang tak an sak dawn chuan a innghahna (foundation) an uluk em em thin a, building rih tur angzia zelin a foundation an siam rinawm thin. Chhungkua pawh hi mi mal eng emaw zat, inrelbawlna pakhat hnuaia in khata khawsa kan nih avangin, building rit tak angin a suangtuah theih awm e. A rih dan erawh chu ei leh bar, hriselna, rilru leh thlarau lama mamawh tam tak neihna kawngah a rit a ni. Mi mal eng emaw zat, rilru leh nunze inang lo mamawh tam tak nei awm khawm kan nih avangin kan zavaia min huap zo, innghahna dik, rinawm leh tlo kan neih a tul hle. Tunlai khawvelah hian chhungkaw tam tak chu innghahna dik loa kan innghah avangin, rual-elna dik lo leh thahnemngaihna dik lo umin kan tlan nasa hle. Chhungkaw innghahna dik lo: Kawng hnih chauh lo tar lang ila1. Sum leh pai, Hausakna: Tangkain engkim a si thlu (Thuhriltu 10:19) tih ang deuhvin sum leh pai kan neih chuan engkim nei thei turah inngai chiah lo mah ila; innghah nan leh hahchawlhna atan hman kan tum fo thin. Chuvangin, sum leh pai neih theihna tur a nih dawn chuan, Pathian duh loh zawng leh kan thlarau nun tichhe thei thilte, thenawm khawvengte tana chhiat phah theihna turte pawh kan ti duh hial thin. Pathian Thu chuan, A sum ring mi chu a vuai ang a, mi fel erawh chu hnim angin a duah ang a ti a ni (Thuf. 11:28).

Kristian Chhungkaw Hapta 2013

2. Thiamna leh finna: Thiamna leh finna hi rualawhna leh thahnemngaihna bera neih chhungkua kan awm nual awm e. Tu leh fate tana rualawhna bera neih pawh kan tam awm e. Amaherawhchu Pathian hriatna tel lo leh amaha innghat lo finna leh thiamna chu a khingbai em em a ni. Mi thiam leh mi fing rui ral ta mai mai te, mi hman tlak loh te, mite tana mi hnawksak te, mahni hmasial em em te kan tam ta khawp mai. Pathian thu chuan, Mi fing finna chu ka ti boral ang a, remhre remhriatna chu ka paih thla ang a ti (1 Kor. 1:19). Chhungkaw innghahna- Pathian: Thupuia tarlan tawh anginchhungkaw innghah-na tur chu Pathian a ni a, a nihna chhan chu hengte hi a ni1. Chhungkaw dintu a nih avangin (cf. Gen. 2:18, 20- 24, Eph. 5:31) 2. Pathian chu lei leh vana chhungkaw tinreng hming chawichhan a nih vangin innghana tlak a ni (Eph. 3:15) 3. Mamawh tinreng min pe theitu a nih vangin. Pathian thu chuan, ...sum leh pai deh chhuah theihna petu che u chu amah chu a ni zawk asin a ti (Deut. 8:18, Phil. 4:19). 4. Amah hmangaihtute tana an thatna tura engkima thawhsak thintu a nih avangin. (cf. Rom 8:28). 5. Mihringte anga rilru thlak danglam mai mai thin a nih loh avang leh (Heb.13:8) tumah duhsak bik a neih loh avangin (TT. 10: 34&35) 6. Amah beltute chu a nin ve ngai loh avang leh nin ahnekin amah rinchhan chu a lawmzawng tak a nih avangin (cf. Heb. 11:6) 7. Kan dam chhung leh thih thleng pawha min hruaitu tur Pathian a nih vangin (Sam. 48:14)

Kristian Chhungkaw Hapta 2013

Kawng dang tam tak sawi tur a la awm ang. Chhungkuain sawi belh ni se: Mi tam takin Pathian kan hriat dan a dik loh avangin chhungkua leh mimal innghahna atan kan hmang thiam thin lo a, a pawi hle. Kan Pathian hi a bel chiang a piang leh rinchhan tam ngam apiang tan a rintlakzia a lang tam deuh deuh thin. Chhungkaw tinin hlim ni leh lungngaih niah i bel tlat ang u. Tawngtairual thupui. 1. Chhungkuain Rin tur Pathian dik tak kan neih avanga lawmthu sawina 2. Chhungkaw member zawng zawngte rinna kawnga kan than zel theih nan. 3. Chhungkua chu thil dang zawng aiin Pathianah kan innghah tak tak theih nan _______________

Kristian Chhungkaw Hapta 2013

May 21, 2013 (Thawhleh zan) Thuzir 2-na BIBLE - CHHUNGKAW HRUAITU NG Bible chhiar tur: Sam 119:105, 2Tim 3:14-17. Thuhmahruai: Bible hi Mizo tawng chuan Pathian Lehkhabu Thianghlim tih a ni a. Tun tumah hi chuan Bible tiin kan sawi zel dawn a ni. Khawvela mihring za zela 33 vel hi Kristian kan ni a, kan vaia kan rinna innghahna chu Bible hi a ni a. Chuvangin Bible hi vawiin thleng hian khawvela lehkhabu chhut tam ber leh hralh tam ber a la ni reng a ni. 1. Bible ziaka kan lo neih dan: i) A ziak hun chhung: kum 1500 vel, (BC 1400-AD 90). ii) A ziaktu zat: mi hrang hrang 40 iii) A ziaktute dinhmun: Zawlnei, Puithiam, Chhiahkhawntu, Sangha mantu, Puan In siamtu, Beram vengtu, Doctor (Physician) te an ni. iv) A ziaktu te hian kan Pathian chauh hi Pathian nung a ni a, Isua Krista chauh hi Chhandamtu a ni tih an puang chhuak theuh a ni. 2. Khawvel mi ropuiten Bible chungchang an sawi dan: (i) Nepoleona: Bible hian a dotu apiangte hneh zel theihna chakna leh nunna a nei a ni. (ii) Queen Victoria: Kum zabi 19-na a khawvel ram zawng zawnga Sapram a chungchuan bikna chhan ber chu Bible hi a ni. (iii) Abraham Lincoln: Mihringte tana Pathian thil thlawn pek tha ber chu Bible a ni. 3. Lehkhabu dang aia a danglam bikna:

Kristian Chhungkaw Hapta 2013

Thu nung Pathian thawkkhuma ziak anih vangin a danglam bik a ni. A ziaktute hi mi hring mize inang lo tak tak, duhdan nei hrang leh thiamna inchen lo tak tak vek an ni. Mahse Pathian hmanruate vek an ni a, Pathian Thlarau Thianghlim kaihhruaina hnuaiah theuh an ziak a, an thuziak chu Pathianin a thawk khuma thu Nung leh Thiltithei a lo ni ta a ni (2Tim. 3:16-17, Heb. 4:12). Pathianin mhring a siam khan vaivutin a siam a, vaivut chu nunna nei lo, a hmanrua mai a ni. Mahse Pathianin a hnarah nunna thaw a thaw lut a, minung a lo ni ta ang khan kan Bible hi Pathian thawk khuma ziak thu Nung Thiltithei a lo ni ta ni. 4. Chhungkaw tin tan hruaitu ng a ni: (1) Chhungkua-a pa berin Pathian a rin tlat chuan nu leh fate pawhinan zui thin a, chhungkaw nuam tak a lo ni thin. Paula leh Sila chuan Phillippi khuaa Tang vengtu hnenah: Lalpa Isua ring la, tichuan chhandamin i awm ang, nang leh i chhungte nen, (Tirhkohte 16: 31) an ti a. Josua chuan, Kei leh ka chhungte erawh hi zawngin Lalpa rawng ania kan bawl dawn ni, (Josua 24:15b) a ti bawk a. Chhungkuaa chhandam kan nih theihna turte, chhungkuaa Lalpa rawng kan bawl theihna tura thutlukna siamtu chu pa a ni a. Chuvangin chhungkaw tinte hian heng Bible thute hi kan chhungkua min kaihruaitu ng atan i hmang theuh ang u. (2) Nupa nun a hlim chuan chhungkaw nun pawh a hlim thin. Bible chuan Nupuite u, Lalpa hnena in intulut ang hian mahni pasalte hnenah intulut rawh u (Ephesi 5:22).Psalte u in nupuite hmangaih rawh u, Kristan kohhranho a hmangaiha an tan a inpe ang khan (Ephesi 5:25), tupawhin mahni a inhmangaih angin mahni nupui hmangaih theuh sela, nupui pawhin a pasal hlau thiam rawh se,

Kristian Chhungkaw Hapta 2013

tiin min zirtir a. He Bible zirtirna hi chhungkaw tin tan hruaitu ng pawimawh tak a ni. (3) Nu leh pa leh chhungkaw tin te hlimna thuruk chu faten nu leh pa thu an awiha an zawm hian a ni. Chutiang bawkin nu leh pa tilungngai a, chhungkaw hlim lohna thlen thintu chu naupang (tu leh fa) ten nu leh pa thu an zawm loh hian a ni thin. Bible chuan, Naupangte u Lalpa-ah chuan in nu leh in pa te thu zawm rawh u i nu leh i pa chawimawi rawh i tan a tha ang a I dam rei bawk ang (Ephesi 6:13), tiin min zirtir a ni. Heng zirtirnate hi chhungkaw tin tan ro hlu leh hruaitu ng a tling tak zet a ni. I thu hi ka ke atante hian khawnvar a ni a, ka kawng atan ng a ni(Sam 119:105) Sam ziaktuin a tih ang hian chhungkaw tin ten Bible hi min hruaitu atan i hmang tangkai zel ang u. Bible kan chhiar hian Pathianin kan hnenah eng thu nge a sawi; entawn tur engnge a sawi, ka tih tur leh tih loh tur engnge a sawi, ka beisei tur thutiam engnge a sawi tia ngaihtuah zui chungin kan vawiin hun hman turah lakluh kan tum ang a, kan kawng hruaitu ng ropui tak a ni zel ang. Ni tin kan nun dan tur atan Bible i hmang zel ang u. Tawngtairual Thupui: 1. Pathianin Bible min pek avangin lawmthu i sawi ang u. 2. Bible letlingtute, chhu tute leh sem darhtute tawngtaipui ila. 3. Chhungkua hi Pathian Thu-a innghat leh zirtirna dik zuitu kan nih zel theih nan leh zirtirna dik lo laka kan him theih nan _______________

Kristian Chhungkaw Hapta 2013

May 23, 2013 (Ninga zan) Thuzir 3-na KOHHRAN, CHHUNGKAW CHN IN. Bible chhiar tur: Sam 87:3-5; Eph 2:21. Zanin kan thuzir tur thupuiah chuan Kohhran, Chhungkaw chn In tih a ni dawn a. Kristian chhungkua leh Kohhran hi thil inzawm leh kungkaih tlat a ni a, inthen hrang thei hauh lo tura Pathianin a din leh a siam a ni. A dintu Pathianin tum fel tak nei leh awmze nei taka a buatsaih a ni. 1.Kohhran leh chhungkaw inlaichinna: Kohhran leh chhungkua hi unau piang hmun ang a ni a. Bul hmun khat atanga chhuak, inlaichinna nghet tak neia Pathianin a siam a ni. Chhungkua hi Eden huana piang tawh kha a ni a. Tirhkoh ten Chanchin Tha an hril atangin chhungkaw hrang hrang atangin ringtu an lo awm a. Ringtute chu a mal mala tladarh lovin inpawlin, tawngtaiin, chhang phelin an awm khawm a (Tirh 2:42). Chung inpawl khawmhote chu Kohhran tia vuah an lo ni ta a ni. Kawng dangin sawi leh ta ila, Kohhran chu Kristian chhungkaw dintu leh siamtu a ni bawk. Kohhran chuan nupaah min siam a, kan fate Pathian hnena hlanin Kohhran huang chhungah a seng lut a. Ringtu Baptisma chantirin, Kohhran member puitlingah a seng lut leh a ni. Chutichuan Kohhran tel lovin Kristian chhungkaw ziktluak a din theih tak tak loh bawk. Tichuan Kohhran chu chhungkaw tana siam a ni a, chhungkua pawh Kohhran tana siam a ni. 1. Kohhran,Chhungkaw chn In: Lal Isuan Kristian chhungkua chu pumkhata kan awm theihna turin ka Kohhranho ka din ang a(Mat 16:18)a tih ama Taksa ngeiah chuan mi awmkhawm tir vek a duh a ni.(Kol 1:18-20) Chhungkaw chen In atana Kohhran min

Kristian Chhungkaw Hapta 2013

buatsaih sakna hian tum fel tak neiin, pawimawhna leh hlutna tam tak a nei. Chung zinga then khat chauh tawi te tein lo sawi ila. 1) Pathianin a ngai pawimawh: Kohhran chu Isua Krista taksa a ni a, Isua Krista chu Kohhran l a ni (Kol 1:18). Kristian chhungkaw member zawng zawngte chu a taksa, Kohhranah chuan tel ngei turin min duh a ni. Chutiangin Kohhranhote hi Pathian Beramte, tia vuah kan ni bawk a, Beramte chu a huhova tla zaa, Berampu Tha, Lal Isua enkawlna leh venhimna hnuaiah pawl khat awm a, Beram huang, Kohhrana awm khawm turin Pathianin min ti a ni (Joh 10:16). 2) Thlarau malsawmna kan chan tlan theih nan leh kan intih sawt tawn theih nan: Chhungkua hrang hrang, a huhova pawl khata awmna Kohhran atangin Thlarau malsawmna tam tak changin, rinna leh rawngbawlna kawng tinrengah kan inti sawt tawn thin, chu chuan Pathian ram a ti zau zel thin. Kristian chhungkua nia in chhal leh ringtu tha tak nia inngai si, Kohhran bel tha duh si lote leh mal tlat Kristian hian Thlarau malsawmna an chang ziktluak thei tak tak lova, rinna kawngah pawh an puitling thei tak tak ngai lo. 3) Tisa leh thlarau nuna hma kan sawn nan: Kristian ramah chuan Kohhran ngainep a, Kohhran thlahthlamtu chuan lehkha thiam leh fing tak angin lang mahse a hmasawn dan a khingbai thin. Lalpa tih chu finna bul a ni a, chu chuan nun a siam thain, mi mawl a tifing thin. Kohhran ngai pawimawha bel tlattu chuan, Pathian thu a ngaihthlak thin atang leh Sunday sikula Pathian thu a zir thinna atangin nun

Kristian Chhungkaw Hapta 2013

10

dan mawi leh tha a nei a, tisa leh thlarauah hma a sawn thin. 4) Nun hahchawlh nan leh sual laka kan inthiar fihlim theih nan: Khawvelah hian harsatnate, buainate, mangannate leh lungngaihnate lakah kan fihlim tak tak hrih dawn lo. Chung kan nuna thil thalo lo thleng thin chuan min timangangin, nun hahchawl thei lovin min siam thin. Niimahsela miin Lal Isua hi Pa anga a en a, Kohhran hi nu anga a belh tlat chuan, a nun manganna leh a ritphurh chu chhawkin a awm a, hahchawlna a hmu thin. Tin, inchei nan leh rual pawl nan chauh ni lova tih tak zeta Kohhran bel tlat mi chu sual lakah a fihlimin sual thlemna pawh a hneh nge nge thin a ni. 2. Kohhran leh rawngbawl hna: Kristian chhungkua chu Kohhranah ringtu dangte nen rem khawm an ni a (Eph 2:21-22). Mahni duh dana rawngbawl mai lovin Kohhran hmalaknaah tangkai takin rawng an bawl thin. Pathian Biak Inkhawm, Inpawlho Thilpek, Hnathawhho leh Mission hna-te hi Kohhran leh a rawngbawl hna chhungkuaa kan thawhho chu a ni a, hetiang tur hian Pathianin Chhungkua chu Kohhrana rawngbawl turin a buatsaih a ni. Ringtu zawng zawng tih tur chu Kohhrana inzawm khawma, inpawl ho hi a ni a, Kohhranah hian rinawmna (loyalty) pe tlat tur kan ni. Kristian chhungkua nia inchhal si, Kohhran ngainep leh Kohhrana awm duh tlat si lo chuan Thurin a kalh a, Lal Isua thupek an dodal a ni. Kristian chhungkua chu Kohhranah rinawm leh nghet taka awmin, khawngaih rawngbawl hna min pek hi theihtawp chhuaha hlen chhuah kan tum ngei a pawimawh a ni.

Kristian Chhungkaw Hapta 2013

11

Tawngtairual Thupui: 1. Pathianin Kohhran tha tak min pek avanga lawmthu sawi. 2. Kan Kohhran Hruaitute tan (Headquarters, ABC, Bial, Tualchhung, Fellowship). 3. Kan Kohhran hma lakna hrang hrangte hi Pathian duh dana hlenchhuah a nih theih nan. _______________

May 24, 2013 (Zirtawp zan) Thuzir 4-na THILPEK. CHHUNGKAW MAWHPHURHNA Bible chhiar tur: Malakia 3:10, Matt 10: 42, TT 4:32-37, Kristian ten Thilpek kan sawi reng renga kan rilru luah hmasa bertu chu Thawhlawm hi a ni. Mizoram Baptist Kohhran hian kumin 2013 chhung hian cheng nuai sangli zaruk sawmsarih chuang zet budgetah kan nei a, Kohhran thawh chhuah tur chu cheng nuai sang hnih zariat sawm li lai a ni bawk. Hei hi member pakhatin cheng sang hnih leh za zel thawh ngai hisap a ni. Pathian chakna leh malsawmna azarah kan tlin leh ngei pawh beisei ila. Pathianin kan chhungkua hi a ram zau zelna tura thawh ve a la phal hi a lawmawm zawk a, Pathian hnenah chhungkuain lawmthu i sawi ang u.. Sawma pakhat leh thawhlawm dangte hi chhungkuain an duh duhna hmuna an pek hi Bible zirtirna a ni em ?. Pathian thu chuan sawma pakhat leh Thawhlawm dangte pawh Pathian In (House of the Lord=Kohhranah) pe khawm turin min hrilh a (Mal 3:10,1 Kor 16:2); Ringtu hmasate pawh khan an neih apiang Kohhranah an thehkhawm a ni (T.T 4:32-37). Pathian thu angin Kristian

Kristian Chhungkaw Hapta 2013

12

chhungkuate chuan Kohhrana pek hi kan tih ngei tur a ni. Kohhrana kan pek bakah mi harsa leh tanpui ngaite tanpui theia Pathianin min siam a nih chuan a lawmawm hle, Kristian chhungkaw tih tur reng pawh a ni. Pathian hmangaihna leh a ram tana thahnemngai taka petute chu Lalpan a hre reng chauh pawh ni lovin a rul leh ang a, malsawmna tam zawk a vur dawn tih hi Pathian thuin min zirtir dan a ni bawk.(Mal 3:10, Mi rethei khawngaih chuan LALPA a puktir a ni a, A thiltih that chu a rul ang(Thuf 19:17). Pathian hminga tui vawt no khat chauh pawh pe chuana lawmman chu a chan tawp lo vang(Matt 10:42). Chuvangin Thilpek (Thawhlawm) pe thintute hi Pathianin mal a sawm zel dawn a ni. Pathianin mihring lei a ba ngai lo, kan pek aia tam min pe let zel zawk a ni. Kristian chhungkuate hian Pathian leh a ram zau zelna turin Hmangaihna thinlung atangin Pathian tan Kohhranah Thilpek tam zawk i hlan zel ang u. Tihduhdahna hmuna Ringtute chuan zalen taka Kohhrana Thilpek hlan hi an chak ngawih ngawih zu nia. Pek tur Pathianin min pe a, pekna tur Kohhran min pe a, pekna hun zalen min pe a, a va lawmawm em !.I thilpek hlu tak avangin thlarauboten Lal Isua an lo hmu ta, Halleluiah. Lalpan in chhungkua malsawm che u rawh se. Tawngtairual thupui: 1. Pathianin chhungkua mal min sawm avangin lawmthu i sawi ang u. 2. Engmah pek (thawhlawm) tur nei lo rethei te tan Pathian malsawmna dilsak ila. 3. Kan thilpek hmanga Pathian ram a zau zel theih nan Pathian malsawmna dil ila. 4. Tam zawk chhungkuain kan pek theih nan inhlan bawk ila.

You might also like