Reglur um lokaverkefni

1. Reglur þessar gilda um lokaverkefni, lokaritgerðir og doktorsritgerðir (sameiginlega vísað til sem lokaverkefni) nemenda í grunn-, meistara-, og doktorsnámi.
2. Nemendur í grunn- og meistaranámi í öllum deildum skólans skila rafrænu eintaki (PDF) af lokaverkefni sínu í varðveislusafnið Skemman (skemman.is).
3. Nemendur í doktorsnámi birta lokaverkefni (ritgerð eða greinar og kápu) í vísindatímaritum og skila rafrænu eintaki (PDF) af lokaverkefni sínu í varðveislusafnið IRIS (https://iris.rais.is/). Gæta skal að birting í IRIS fari ekki gegn skilmálum vísindatímarits.
4. Háskólinn í Reykjavík hvetur nemendur til að hafa lokaverkefni sín í opnum aðgangi í varðveislusafni nema, t.d.:
   i. slíkt brjóti gegn persónuverndarlögum,
   ii. lokaverkefnið innihaldi trúnaðarupplýsingar eða viðkvæmar viðskiptaupplýsingar, eins og viðskiptahugmynd, upplýsingar um og/eða lýsingar á vöru eða uppfinningu sem hægt er að nýta eða sækja um einkaleyfi á,
   iii. birting fari gegn samningi sem felur í sér aðgengi að gögnum,
   iv. birting fari gegn skilmálum vísindatímarits,
   v. unnið sé að birtingu greina úr lokaverkefni, eða
   vi. ágreiningur sé meðal höfunda um birtingu.
5. Nemandi sem óskar eftir lokun á lokaverkefni skilar tilskyldu eyðublaði inn í Skemmuna (vista beiðni sem pdf og hlaða upp sem sér skrá í Skemmuna).
6. Um frágang lokaverkefna vísast til reglna viðkomandi deildar.

Samþykkt í framkvæmdaráði HR 11. febrúar 2025