سونے کی قیمت میں آج بھی کمی ہو گئی
ملک بھر میں سونے کی قیمتوں میں کمی کا رجحان 5ویں روز بھی جاری رہا، آج فی تولہ سونا مزید 500 روپے سستا ہو گیا۔
سرکاری خبر رساں ادارے ’اے پی پی‘ کے مطابق آل پاکستان جیمز اینڈ جیولرز ایسوسی ایشن نے رپورٹ کیا کہ 24 قیراط خالص سونے کی فی تولہ قیمت 500 روپے تنزلی سے 3 لاکھ روپے پر ہوگئی۔
اسی طرح 24 قیراط 10 گرام سونا 438 روپے سستا ہو کر 2 لاکھ 57 ہزار 201 روپے میں فروخت ہوا، جبکہ 22 قیراط 10 گرام سونے کے دام 2 لاکھ 35 ہزار 776 روپے رہے۔
ادھر، چاندی کی فی تولہ اور 10 گرام قیمت 10 روپے اور 9 روپے تنزلی سے 3 ہزار 240 روپے اور 2 ہزار 777 روپے رہی۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 6 ڈالر گر کر 2 ہزار 863 ڈالر ریکار ڈکی گئی ہے۔
واضح رہے کہ گزشتہ روز 24 قیراط کے حامل فی تولہ خالص سونے کے دام 2 ہزار 500 روپے کمی سے 3 لاکھ 500 روپے ہو گئے تھے۔
اسی طرح 24 قیراط 10 گرام سونا 2 ہزار 143 روپے گر کر 2 لاکھ 57 ہزار 639 روپے میں فروخت ہو تھاا، جبکہ 22 قیراط 10 گرام سونے کا بھاؤ ایک ہزار 964 روپے تنزلی سے 2 لاکھ 36 ہزار 169 روپے ریکارڈ کیا گیا تھا۔
لائیو ٹی وی