外蒙古
外蒙古末，中國清朝搭民國時期行政區域劃分，相對於「內蒙古」。伊个範圍除脫今朝个蒙古國，還包括撥前蘇聯吞併个唐努烏梁海地區。首府為庫倫（現在叫烏蘭巴托）。
中國共產黨勒到執政前支持國民政府搭蘇聯簽訂《中蘇友好同盟條約》。原因是蘇聯是中華人民共和國頂頂主要个援助者，而外蒙古已經勒事實浪脫離中國統治近三十年。中華人民共和國成立過脫嘸得多少辰光，1949年10月16號搭蒙古人民共和國建交。1950年中國政府毛澤東主席訪問蘇聯，勒簽訂《中蘇友好同盟互助條約》个辰光承認蒙古人民共和國。1950年7月3號，毛澤東接受蒙古人民共和國首任駐華特命全權大使呈遞个國書。1950年代，中國派遣工人到蒙古幫渠建設。
1953年斯大林過輩，赫魯曉夫上台之後，蘇聯歸還旅大軍港搭東北鐵路管理權，但是拒絕討論外蒙古問題。蒙古人民共和國搭中華人民共和國交換地圖，劃定邊界。1960年代中蘇決裂初期，蒙古人民共和國想保持中立，但是後首來倒到蘇聯一海，拿大約匝7000名中國援助工人驅逐回中國。
1980年代中期，中蒙關係緩和。1990年，一個蒙古代表團28年來第一趟正式訪問中國。1994年兩國簽訂《中蒙友好互助條約》，表示互相尊重國家主權搭領土完整。
1953年2月24號，根據聯合國通過个「控蘇案」，中華民國(台灣)行政院廢除「《中蘇友好同盟條約》」，拒絕承認「蒙古人民共和國獨立」个事實，宣布《聯合國大會決議案505》是外交浪个重大勝利。根據「編印我國大陸地區地圖注意事項」，一徑到1998年版个中國全圖，里向還有外蒙古地區，中國領土頂北界線為外蒙古北部个烏梁海盆地薩彥嶺。中華民國(台灣)行政院原設有「部級」單位「蒙藏委員會」，管理「邊政」。「蒙古特別行政區」首府仍為庫倫。台北市仍有庫倫街搭歸綏街（呼和浩特），儕勒到北市西北大同區。
2002年，中華民國(台灣)行政院搭中華民國立法院宣布「外蒙古」搭中國大陸分離，還勒修訂个「編印我國大陸地區地圖注意事項」當中要求弄國界線表示外蒙古搭中國大陸个邊界，承認蒙古國獨立現狀。弗過，就算台灣搭蒙古个經貿關係勒近年有較大發展，外蒙古地區地位到現在還有弗清爽个戶蕩。
參見
[編輯]
| 中國 – 中華民族 – 蒙古族 |
| 蒙古 | 內蒙古 | 外蒙古 | 蒙古國 | 蒙古人種 | 蒙古語 |
| 蒙古帝國 | 元朝 | 成吉思汗 | 忽必烈 | 外蒙古獨立 |
