Anime
I anime (アニメ? /anime/ ) xe opare comercai de animasion de produsion japonéze; in Japon, invése el termine el vien doparà par signàr ogni sorta de animasion, sia cuei creai in patria, sia cuei foresti.
I primi somézi dei anime comersałi i scuminsia dal 1917, ma xe solo inte i ani sesànta, grasie soratuto a l'influensa dełe òpre e dełe prateghe produtive de Osamu Tezuka, che il medium ga ciapà le so carateristighe salienti.Col pasàr dei deçeni i anime i ga otegnesto granda popołarità in Japon e in tera forèsta, e dai ani novanta i gode de 'na distribusion e de un riciamo globale. I anime i pol esar produsesti in racuanti formai: par el sinema cofà lungometraji, mediometraji o curtometraji, par ła tełevision cofà serie tełevisive, diretamente par el marcà home video, cofà original anime video (OAV) e, pì di resente, par Internet e ła web TV cofà original net anime (ONA).
I anime i costituise un medium eterogeneo e variegà: i pol defàti tratàr de sogèti, custiòn e zènari asè racuànti intra de łori, e indresàrse a racuànte tipołogie de publego, da i putełi, a i tosati, a i adulti, da grandi partèr fin a categorie socio-demografeghe pì cèe e spesifeghe.
Definision
[canbia | canbia el còdaxe]In japonése "anime" signa cualsesìa forma de animasion, indipendentemente da l'orìxene giografega e dal stiłe. Al de fora del Japon el termine el vien doparà par riferirse noma che a łe opere de animasion de produsion japonese. Segóndo ła ipòtexi pì acredità, ła paroła anime (アニメ ) (アニメ?) ła deriva da ła abbreviazion de animēshon (アニメーション?), trasliterasion japonese de ła paroła inglese animation, o "animēshon (アニメーション )".[1] Un fiłon minoritario el pensa inveze che l'orìxene del termine xe da individuarse nel fransexe anima, "animo". In Japon l'uso del neologismo el xe scuminçià a intestàrse inte i anni sesanta e setanta, sostituendo denominasioni presedenti, cofà senga (線画? "arte de linee"), kuga ("flip-book"), manga eiga (漫画 映画 "film di fumetti") (漫画 映画? "film de fumeti") o dōga (動画 "film animato") (動画? "film animà"). Dal Paese el lemma el xe stà po sparso in tuto el mondo manman i anni otanta.
Anca se inte ła acesion pì zenerałe e acetà "anime" el vien doparà cofà sinonimo de "carton animà japonese", in ambito acadèmego, zornałistego e comercial sta definizion ła xe controversa e łe xe stà proponeste anca formulasion alternadive. Par Susan J. Napier l'anime el xe al steso tenpo un prodoto de intratenimento comercial, un fenomeno culturałe popołare de masa e na forma de arte tecnołogiega. Studiosi cofà Tsunaga Nobuyuki, Thomas Lamarre e Marco Pellitteri i ga proposto na definixion pì difarènsià, cofà na tipica de animasion japonexe che se ga diversificà a partir dai anni sesanta co łe produxion tełevixive, e insentrà su un insénbre de stiłemi comuni fato de tecneghe, procesi e multimediałità.[2] Seguendo sta prospetiva, altri academeghi cofà Jonathan Clements i ga sotolineà che na definizion conplesiva de anime no ła pol esar indipendente dal so esar ojeto e evento, anałizandoło cuindi inte el contesto de come che el vien generà, distribuìo e godesto: i saria cuindi elementi indisołubilmente legai a esso i procesi produtivi dei studi de animazion japonesi, el marcà, i canałi de distribuzion e l'intermediałità co altre forme espresive cofà i manga, i light novel o i visual novel. In sto modo l'anime no saria cuindi na entità precisa e imutabiłe, ma "una articołasion de sistemi concetuałi che se ga formà e modifegà inte el corso del tenpo in respòsta a problemi, tradision e influense" .[2]
Pì speso, in paradór non rigorosi, łi anime łi xe identificai in base a łe so caraterìsteghe narative, esteteghe, stiłistighe e visuałi, che łe xe anca le pì imediatamente riconosibiłi da i utenti. Segóndo sta letura el medium in ojeto el xe definìo cofà un insieme de imàzeni, temi e łéngue comuni, tra cui cuei pì frecuentemente citai xe: na narrazion continua che se desgatìa par pì episodi, l'uso de cliffhanger e ła so risoluzion tramite eucatastrofi, un character design minimo e iconico, granda varietà cromatega, l'uso de ła tènica de animazion limitata, ła creasion de un senso de spaçio tramite el movimento, na granda abundansa de taji, e l'uso de tèniche çinematografeghe e de montajo par rapresentar pì prospetive e detàłi de na stesa sèna. Considerando sta definision de anime cofà stiłe e no par forza legà a na particołare area giografega e viste łe caraterìsteghe de transnazionałità propri del medium, alcuni autori, zornałisti e case de produsion ocidentałi i ga scominsià a riferirse a çerte òpare de animasion ocidentałi cofà "anime", anca se ła tendensa prevałente xe de considerarle animasioni "in stiłe anime" o "influensae da anime".
Inte ła definixion de anime ła vien spéso ponesta l'atençion su cuanto l'animasion japonexe difarise da cuel che i spetadori ocidentałi i xe sołito spetàrse da i cartoni animai, overosìpia opare destinae ai putełi co contenui e temi soratuto lèxeri.
I anime i xe defàti direti a racuànti tipi de publego, putełi cofà adulti, e i pol tratar de sojeti, argomenti e zenari ben racuànti tra de łori cofà amor, aventura, fantasiença, sport, fantasy, drama, erotismo, pornografia e tant altro.