Anna-Maria Botsari
Anna-Mariya Botsari (yunoncha: Anna-Laraia) (1972-yil 5-oktyabrda tugʻilgan) — yunon ayol shaxmatchisi. U ayol grossmeyster (WGM) unvoniga ega.
| Anna-Maria Botsari | |
|---|---|
 Anna-Mariya Botsari 2007-yilda EuroChess Iraklion musobaqasida | |
| Toʻliq ismi | Anna-Maria Botsari |
| Mamlakat |
 Gretsiya |
| Tugʻilishi |
5-oktyabr 1972-yil Kavala, Gretsiya |
| FIDE reyting | [1] (fevral 2024) 2338 (oktyabr 2013-yil) |
| Yuqori reytingi | 2394 (oktyabr 2003-yil) |
Shaxmatdagi faoliyati
[tahrir | manbasini tahrirlash]Botsari sakkiz marta ayollar shaxmati boʻyicha Gretsiya chempionatida gʻolib boʻlgan yoki birinchilikka davogar boʻlgan. U 1990-yilda shaxmat boʻyicha oʻsmirlar oʻrtasidagi jahon chempionatining bronza medali va 1991-yilda shu musobaqada kumush medal sovrindori boʻlgan. U oʻn yildan koʻproq vaqt davomida eng yuqori oʻrinlarni egallab kelgan yunon shaxmatchisi hisoblanadi.
Botsari 1991, 1993 va 1996-yillarda shaxmat boʻyicha ayollar oʻrtasidagi jahon chempionatining zonalararo turnirlarida qatnashgan. U 1990-yilda Azovda ayollar oʻrtasidagi zonalararo musobaqada 9/18, 1991-yilda Subotica shahridagi ayollar interzonalida 6/13 va 1993-yilda Jakartada ayollar interzonalida 7,5/13 ball toʻplagan.
Botsari 1986-yildan 2014-yilgacha oʻn beshta shaxmat olimpiadasida Gretsiya nufuzini himoya qilgan. Uning eng yaxshi natijalari 1988-yilda Salonikidagi 28-shaxmat Olimpiadasida boʻlib, u yerda jami 8,5/12 ball toʻplagan va birinchi zaxira taxtasida oltinchi oʻrinni egallagan. 2002-yilda Bled shahrida oʻtkazilgan 35-shaxmat Olimpiadasida u 8,5/13 ball toʻplashga muvaffaq boʻlgan va reyting balli 2435ga yetgan. U shu musobaqada birinchi taxtada oʻynab toʻqqizinchi oʻrinni egallagan.[1]
Anna-Mariya Botsari 1992-yildan 2011-yilgacha ayollar oʻrtasidagi toʻqqizta Yevropa shaxmat chempionatida Gretsiya shaʼnini himoya qilgan va 1992-yilda Debresenda ikkinchi taxtada oʻynab, oltin medalni qoʻlga kiritgan.[2] U shaxmat boʻyicha ayollar Balkaniadalarida ikkita shaxsiy oltin medalni (1992-yilda Mangoliyada va 1994-yilda Varnada) va jamoaviy oltin medalni (1992-yilda Varnada) qoʻlga kiritdi.[3]
2002-yil 27 va 28-fevral kunlari Anna-Mariya Botsari Gretsiyaning Kalavrita shahrida 30 soatdan sal koʻproq vaqt ichida 1102 nafar raqib bilan oʻynab, Ginnesning rekordlar kitobiga kirdi. Uning balli +1095 =7 −0.[4][5]
Botsari 1993-yilda ayol grossmeyster (WGM) unvoniga sazovor boʻldi.
U 2009-yilda Riyekada boʻlib oʻtgan 7-Oʻrta yer dengizi shaxmat chempionatida ayollar oʻrtasida gʻoliblikni qoʻlga kiritdi.[6][7][8]
Shaxsiy hayoti
[tahrir | manbasini tahrirlash]Anna-mariya Botsari bir vaqtlar serbiyalik grossmeyster Igor Miladinovichga turmushga chiqqan edi. Hozirda u ikkinchi turmush oʻrtogʻi va qizi Melina bilan Afinada istiqomat qiladi.
Manbalar
[tahrir | manbasini tahrirlash]- ↑ Anna-Maria Botsari Chess Olympiad results, www.olimpbase.org
- ↑ Anna-Maria Botsari European Womenʼs Team Championship results, www.olimpbase.org
- ↑ Anna-Maria Botsari Womenʼs Chess Balkaniad results, www.olimpbase.org
- ↑ Anna-Maria Botsari Biography, www.echesspedia.com
- ↑ Susan Polgar world simultaneous chess record attempt, www.chessbase.com
- ↑ 7th Mediterranean Men and Women Championship 2009 FIDE Tournament Report, www.fide.com
- ↑ 7th Mediterranean Men and Women Chess Championships concluded report, www.chessdom.com
- ↑ Mediterranean Chess Championship 2009 — Comments (Wayback Machine saytida 2016-03-04 sanasida arxivlangan) Mišo Cebalo, www.sah-rijeka.hr (Wayback Machine saytida 2013-11-26 sanasida arxivlangan)