Сеул
| 서울 Сеул | ||||||||||||
|---|---|---|---|---|---|---|---|---|---|---|---|---|
| Андоза:Койрейсча ном ма'лумот қутиси/НомҚути | ||||||||||||
| Қисқа Номи | ||||||||||||
| Андоза:WикифйҚалин матн | ||||||||||||
| Статистика | ||||||||||||
| ||||||||||||
| Жойлашув Ҳаритаси | ||||||||||||
 Сеулнинг жойлашув ҳаритаси. |
Сеул — Корея Республикасининг пойтахти. Ханган дарёси бўйида, Сариқ денгиз қирғоғидан 100 км ичкарида. Иқлими муссонли иқлим, январнинг ўртача температураси—6,2°, июлники 24,7°. Йиллик ёғин 1200 мм. Аҳолиси 10,6 млн. киши (1998). Сеул аванпорти — Инчхон билан биргаликда провинсия ҳуқуқига тенглаштирилган алоҳида маъмурий бирлик ва йирик иқтисодий раённи ташкил этади.
Сеул илк ўрта асрларда ҳарбий қалъа сифатида вужудга келган. 14-аср охиригача кичикроқ савдо шаҳри бўлтан. Мамлакатда Ли сулоласи вужудга келгач (1392), Сеул — Корея пойтахти. 1592—93 йилларда Сеулни японлар босиб олиб, вайрон қилган. 1905-йилдан Сеул Япониянинг Кореядаги бош резидентининг, 1910-йилдан генералгубернаторининг, 1948-йилдан Жанубий Корея хукумати бош қароргоҳи.
Сеул — транспорт йўлларининг йирик тугуни, даре порти. Аэропорти халқаро аҳамиятга эга. Инчхон шаҳри билан биргаликда мамлакатда ишлаб чиқарилаётган саноат маҳсулотининг деярли 50% ни беради. Электротехника, радиоэлектроника, кимё, тўқимачилик, озиқ-овқат, полиграфия саноати корхоналари мавжуд. Қурилиш материаллари ишлаб чикарилади. Металлургия саноати ривожланган. Метрополитен бор. Меъморий ёдгорликларидан 3 ярусли мармар Хёнмётхап ибодатхонаси (1085), 8 дарвозали шаҳар девори қоллдиқдари (19-аср охиригача Сеул баланд мудофаа девори билан ўралган эди), Кёнбоккун сарой мажмуаси (1394), Вонгакс ибодатхона пагодаси (1467) ва бошқа сакданган. Сеул — мамлакатнинг маданий маркази: Давлат университети (1946), хусусий университетлар, институтлар, театр ва хореография институтлари, Миллий фанлар академияси, илмий тадқиқот институтлари, кутубхоналар, музейлар, картиналар галереяси, театрлар бор. 1988-йилда Сеулда 14-Олимпиада ўйинлари бўлиб ўтган.[2]
Ҳаволалар
[edit | edit source]- ↑ http://english.seoul.go.kr/today/about/about_12stat.htm
- ↑ ЎзМЕ. Биринчи жилд. Тошкент, 2000-йил
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |