جس دن سورج خط جدی سے ہٹ کر اپنا سفر شروع کرتا ہے (وسط جنوری)
مکر سنکرانتی (ہندی: मकर संक्रान्ति) ہندوؤں کا ایک تہوار ہے جو بھارت، نیپال اور بنگلہ دیش کے بیشتر علاقوں میں متفرق ثقافتی شکلوں میں منایا جاتا ہے۔ یہ ایک فصلی تہوار ہے جو نیپالی تقویم (ہندو شمسی تقویم) کے مہینہ ماگھ میں واقع ہوتا ہے۔
مکر سنکرانتی ہمیشہ جنوری کی چودہ یا پندرہ تاریخ ہی کو پڑتا ہے کیونکہ اسی دن سورج خط قوس سے گذر کر خط جدی میں داخل ہوتا ہے لہذا یہ تہوار اس بات کی علامت سمجھا جاتا ہے کہ سورج مکر (جدی) میں داخل ہو رہا ہے۔ نیز اس دن کو بھارت میں موسم بہار کی آمد کا دن اور نیپال میں ماگھ مہینہ کا آغاز سمجھا جاتا ہے، چنانچہ اس لحاظ سے یہ ایک روایتی تقریب کی شکل اختیار کر لیتا ہے۔
