شیر کوہ

شیر کوہ (مکمل نام: اسد الدین شیر کوہ بن شاذی) ایک مسلمان عسکری کماندار تھا جو فاتح بیت المقدس صلاح الدین ایوبی کا چچا تھا۔

شیر کوہ
(عربی میں: أسد الدين شيركوه بن شاذي)
معلومات شخصیت
پیدائش	12ویں صدی
وفات	23 مارچ 1169  قاہرہ
طرز وفات	طبعی موت
شہریت	سلجوقی سلطنت دولت فاطمیہ
مذہب	اہل سنت
اولاد	محمد بن شیرکوہ
بہن/بھائی	نجم الدین ایوب
خاندان	ایوبی خاندان
مناصب
فاطمی وزیر
برسر عہدہ 1169  – 1169
شاور   صلاح الدین ایوبی
دیگر معلومات
پیشہ	عسکری قائد ،  سیاست دان
عسکری خدمات
لڑائیاں اور جنگیں	مصر پر صلیبی یلغاریں

وہ موجودہ آرمینیا کے ایک قصبے ڈوین کے ایک کرد گاؤں سے تعلق رکھتا تھا۔ وہ ایک کرد حکمران شاذی کا بیٹا اور ایوبی سلطنت کے جد اعلی نجم الدین ایوب کا بھائی تھا۔ ان کا خاندان آل شداد سے قریبی تعلق رکھتا تھا اور 1130ء میں ان کی حکومت کے خاتمے کے بعد وہ پہلے بغداد اور بعد ازاں تکریت منتقل ہو گئے۔

1163ء میں شیر کوہ نے نور الدین زنگی کو قائل کیا کہ وہ اسے مصر بھیجے تاکہ فاطمی سلطنت کا مسئلہ حل کیا جاسکے۔ اس سفر میں صلاح الدین ایوبی بھی شیر کوہ کے ہمراہ تھا۔ کئی نشیب و فراز کے بعد 1169ء میں شیر کوہ کا فاتح دستہ قاہرہ میں داخل ہوا تاہم دو ماہ بعد ہی اس کا انتقال ہو گیا اور اس کی ذمہ داری بھتیجے صلاح الدین ایوبی نے سنبھالی۔ جس نے نور الدین زنگی کے انتقال پر ایوبی سلطنت کی بنیاد رکھی۔