Turn og idrettsforeningen Viking

Skansemyren idrettsplass er TIF Viking sin utandørsarena. Klubben har eigen idrettshall, Vikinghallen. Viking har stått bak store arrangement som Ulriken Over, Bergen City Marathon, Fredsmarsjen i 2015, Norsk O-festival 2000 og skirenna på Torgalmenningen.

TIF Viking er eigar av Vikinghytten på Vareggen og hytta Sagatun på Mjølfjell.

Utøvarar frå TIF Viking har teke totalt 27 kongepokalar i kappgang og friidrett. Klubben har hatt OL-deltakarar i turn, friidrett og kappgang.

Blant dei mest kjende utøvarane er kappgjengaren Trond Nymark og friidrettsutøvarane John Systad, Harald Stenerud, Olaf Strand og Odd Rasdal.

Nyborg Volleyballklubb fusjonerte i 2016 med volleyballgruppa i TIF Viking, og spelar no i eliteserien som Viking. Herrelaget kom som første norske lag til kvartfinale i ein europacup, då dei spelte mot russiske Fakel Novy Urengoy i Challenge Cup i sesongen 2016–2017. TIF Viking tapte der begge kampane 0–3.

I 2018 tok TIF Viking som første norske herrelag gull i både serien, cupen og nordisk meisterskap. Den same hausten deltok dei som første norske lag i meisterligaen. Champions Leauge-eventyret enda i første runde, då franske Chaumont vann begge kampane 3-0.

Viking vann i 2020 eit nytt seriemeisterskap, etter at dei først hadde vunne grunnspelet i eliteserien for herrar. Sluttspelet vart dette året avlyst som følgje av koronakrisa. Seriemeisterskapet var det 16. seriegullet til Nyborg og Viking til saman.

I desember 2021 deltok Viking igjen i Challenge cup. Det var tiande gongen klubben spelte i ein europacup sidan 2010. Dei austerrikske seriemeistrane Union Reiffeisen Waldviertel vart for sterke og vann 6–3 samanlagt i 1/16-delsfinalen.

I sesongen 2022–2023 vart herrelaget til TIF Viking både serie- og cupmeister. Det var den andre gongen bergensarane tok dobbeltriumf i Noreg i løpet av seks sesongar.

Kvinnelaget til TIF Viking vann i 2025 cupfinalen og vart dermed noregsmeistrar for første gong. Seinare i sesongen vart dei også seriemeistrar for første gong.

• Tre noregsmeisterskap for menn (2018, 2022 og 2023)
• Tre seriemeisterskap for menn (2018, 2020 og 2023)
• Eitt noregsmeisterskap for kvinner (2025)
• Eitt seriemeisterskap for kvinner (2025)
• Gull i nordisk meisterskap for menn (2018)

• Nyborg Volleyballklubb
• seriemeistrar i volleyball

• TIF Viking