Foreldre: Gårdbruker Mons Ivarson Hope (1840–90) og Karen Andrea Frøyset (1845–1911).
Gift 1) 7.3.1900 med Ragnhild Øistesø (27.12.1871–24.9.1924), datter av gårdbruker Brigt Ola Øistesø (1837–1904) og hustru Martha; 2) 27.7.1927 med manufakturhandler Julie Moe f. Pettersson (1.7.1872–1958), datter av manufakturhandler Samuel Pettersson (f. 1842) og Anne Larsdotter Vold (f. 1844).
Foto 1951. Bilete frå Norsk biografisk leksikon
Ludvig Hope var ein norsk lekpredikant. Hope var som forkynnar, forfattar og ideolog den førande skikkelsen i Norsk Luthersk Misjonssamband i ein mannsalder.
Han ville sikre lekmannsrørsla sin rett innan statskyrkja og kjempa for lekpersonar sin rett til å dele ut nattverd. Han var den fremste lekmannshøvdingen på 1900-talet fremste og var med i Den midlertidige kirkeledelse under andre verdskrigen.
Hope virka frå 19-årsalderen som reisepredikant for Norsk Luthersk Misjonssamband (Kinamisjonsforbundet) og var frå 1931–1936 generalsekretær same stad. Han tilhøyrte den kyrkjekritiske retninga innan lekmannsrørsla på Vestlandet (broderringen), som skilde skarpt mellom «Guds folk», det vil seie dei vekte, og den institusjonelle kyrkja, som «eit stillas me står på for å byggja Kristi kyrkja».
Kyrkja var for Hope ein folkepedagogisk institusjon som skulle leggje grunnen for vekkelsesrørsla. Han avviste tidleg det kyrkjelege embetet og kravde rett for lekmenn til å dele ut nattverden. Frå 1906 stod det skarp strid om dette spørsmålet. Floken blei løyst ved at Stortinget i 1913 gjekk med på kravet om «nattverdens frigivelse», det vil seie rett til privat nattverd innanfor Den norske kyrkja.
Hope skreiv fleire kyrkjepolitiske traktatar: Nadverdspørgsmaalet (1906), Veien (1920), Kyrkja og Guds folk (1923), Framtidslinene i norsk lekmannsarbeid (1928) og Kyrkja og lekmannsarbeidet (1932).
I okkupasjonsåra blei Hope ein av dei fremste leiarane for kyrkjefronten; han var med på å stifte Kristent samråd hausten 1940 og var medlem av Den midlertidige kirkeledelsen frå starten sommaren 1942. Saman med Ole Hallesby stod han bak Kirkeledelsens brev til Vidkun Quisling om jødeforfølginga i oktober 1942 og arbeidsmobiliseringa i mai 1943. Han blei arrestert i mai 1943 og satt på Grini til august 1944.
Hope var ein mykje lesen oppbyggjeleg forfattar og gav mellom anna ut Aand og kraft (1918), Kristus vårt liv (3. opplag 1920), Mot maalet (5. opplag 1935), I liv og død (1928) og I disse siste dager (1937). Skrifter i samling kom ut i 9 bind i 1945–1948. Ein bibliografi av Wilhelm P. Sommerfeldt vart gitt ut i 1948.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.